Македонија

Како да им се влезе во трага на фирмите отворени со фалс документи?

Неодамнешната акција во Љуботен откри фрапантни информации – странски државјани со фалсификувани лични документи наменски отворале фирми преку кои вршеле шверц на тутун.

Сознанијата ги сподели директорот на финансиската полција Арафат Муереми, во телевизиско гостување истиот ден кога се случи и акцијата.

-Тие правни субјекти се основани од физички лица кои не се наши државјани, туку се со фалсификувани документи, каде личната карта е со едно име, а фотографијата од друго лице и не можеме да го идентификуваме вистинскиот правен субјект, оној кој увезува. Утврдивме дека други лица се тие кои стојат зад тие фирми. – изјава Муареми.

Овој случај отвори многу прашања околу тоа кој се и на каков начин може да се регистрира фирма во Македонија и уште колку вакви компании постојат..

Од Централниот регистар конкретен податок немаат. Директорката Марија Бошковска Јанковски за Канал 5 вели дека, тие, при процедурата на регистрација ниту можат ниту имаат обврска да утврдат дали станува збор за фалсификувани документи на основачите на фирмите. Вистинитоста на идентитетот, вели, треба да ја утврдат овластените регистратори.

-Како ние би можеле да знаеме дали се лажни документи или не ?! Значи лицето коешто овластено по закон, ги гледа документите и тие се пренесуваат преку електорнскиот систем за е-регистрација, електронски се поднесуваат.

При тоа електронско поднесување на пријава за упис, ние ги гледаме сите документи, ја гледаме и важечката лична карта или пасош.

-Тоа е исто како во банка да појдете со лична карта, шалтерскиот службеник ја гледа личната карта дали таа е валидна или не, не може да провери. Исто и ние кај нас, – вели Бошковска Јанковски.

Фирма во земјава се регистира електорнски. Од Централниот регистар објаснуваат дека кога едно лице сака да основа фирма, овластува регистрационен агент: адвокат или сметководител кој во негово име елкторнски ги доставува сите потребни документи. Откако од регистарот ќе проверат дека сите документи се доставени, лицето потоа за само неколку часа има активна фирма.

Со случаите на лажни идентити на основачите на компаниите запозната е и полицијата, но од таму засега нема датали што се презема. Познавачите се сомневаат дека е можно лажните документи воопшто да не се издадени од МВР, туку да се фалсификувани од криминалното подземје.

Живот

На која возраст треба трајно да се престане со алкохол?

Ричард Рестак открива: Во која доба треба трајно да се престане со алкохол?

- Многумина повремено уживаат во алкохолни пијалоци... Но, некои луѓе често знаат и да претераат, што не е добро за нивното целокупно здравје. 3атоа, неврологот и невропсихијатар Ричард Рестак открива: Во која доба треба трајно да се престане со алкохол?

Во својата книга „Како да се спречи деменција“, неврологот ја образложува врската меѓу алкохолот и можноста за појава на одредени болести. Тој вели дека алкохолот е „директен невротоксин“, што значи дека редовното пиење големи количини алкохол може да биде штетно за мозокот, а оттука и за другите органи.

- Запрашајте се: „Зошто пијам?“ Ако одговорот е: „Алкохолот ми помага да си го подигнам расположението и да ја намалам анксиозноста“, можеби сте изложени на опасност и веројатно е најдобро да престанете целосно со алкохолот, објаснува д-р Рестак.

Советот гласи: Откажете се од алкохолот по навршувањето 65 години.

- На таа возраст вашиот мозок веројатно веќе консумирал алкохол колку што му е потребно на вашето тело. Кога алкохолот го оштетува мозокот, тоа влијае и на агилноста на телото, а можноста и за паѓање е поголема, појасни лекарот.

Наводите говорат: Стапката на смртност од пад е во раст - особено кај повозрасните мажи. Пиењето може да биде особено опасно за оние луѓе кои веќе се погодени од мускулна атрофија, проблеми со рамнотежата или користат одредени лекови. /МИА

Македонија

Изборната кампања во полн ек - се заострува реториката меѓу партиите

Изборна кампања во полн ек во која секое ветување се става на вага. Вака комуникологот Бојан Кордалов гледа на кампањата за парламентарните и вториот круг од претседателските избори кои ќе се одржат на 8 мај.

Вели дека се што ќе им се вети на граѓаните ќе се следи колку ќе биде исполнето.

-Веќе во вториот круг можеме да видиме една динамика којашто за актуелната власт ќе ги одрази следните четири години на начин на функционирање, како ќе се преструктуираат и слично, додека за актуелната опозиција сериозен тест колкави какви ветувања ќе дадат во случај да навистина успеат како што ветуваат да ја формираат владата че мора многу бргу да ги спроведуваат. Сега секое ветување се става на вага и секое ветување се запишува и многу јасно ќе се следи. – Бојан Кордалов – Комуниколог

Иако вели дека политичките пораки и меѓусебните прозивки и провокации кои доминираат во овој период, пресудно влијание врз гласачите нема да имаат со оглед на тоа што најголемиот дел од граѓаните кои излегуваат на гласање уште претходно знаат за кого ќе гласаат.

-Значи 20 или 40 дена чуда не прават. Можеби некој незначителен дел да променат но генералната слика не. Тоа е истражување, тоа е факт, тоа е искуство досега тоа е пракса. Но партиите мора да разберат, и кандидатите дека тоа што го зборуваат денеска е тајмер којшто почнува да врти за следните година, две, три и ги отсликува нивните амбиции каде ќе бидат следните години. – Бојан Кордалов – Комуниколог

Од изборната капања остануваат уште помалку од десет дена. Загрижувачки, вели Кордалов е што и понатаму останува висок бројот на граѓани кои не гласаат, но ниту на овие избори помеѓу два круга, не очекува дека ќе има промени во бројките околу излезноста.

Македонија

ДТИ добил петнаесет пријави за непочитување на препораката за денот на изборите

До државниот трудов инспекторат пристигнале петнаесет пријави во однос на непочитување на заклучокот на влада за неработни денови за денот на изборите, потврди за канал 5, директорката на инспекторатот, Весна Томовска.

Од инспекторатот велат и дека за работодавачите кои не ја почитувале одлуката на Владата ќе следуваат казни.

Од Државниот пазарен инспекторат пак, велат дека трговците ја почитувале препораката на Владата.

-За време на изборниот ден 24 април, немаше нерегуларности забележани од ДПИ и Одлуката на Владата се почитуваше од страна на трговците. - ДПИ

Работодавачите на први мај, како и за време на велигденските празници не треба да извршуваат дејност со исклучок на оние работодавачи каде работните процеси заради својата природа не можат да се прекинат.

Од ДПИ таму велат дека доколку добијат насоки за постапување, во следниот период, за време на првомајските и Велигденските празници, ќе постапуваат во согласност со надлежностите.

притисни ентер