Кадроглави пеликани уживаат на Дојранско езеро

Поради изобилството храна и топлата езерска вода, јато од стотина кадроглави пеликани секоја година во периодот од ноември до март уживаат на Дојранското езеро каде претставуваат атракција за посетителите.

Богатата флора и фауна на нашиот југоисточен бисер, како и присуството на многу видови птици меѓу кои и кадроглавите пеликани, се најдобра потврда дека не случајно регионот на Дојранското езеро е прогласено за клучно подрачје на биолошката разновидност на медитеранот.

Според Општина Дојран, еден од приоритетите е подобрување на квалитетот на езерската вода и еко системот за да се подобрат условите за развој на уште побогат растителен свет и престој на птици како кадроглавите пеликани кои се најголеми и единствени во својот вид.

За спомнатите активности Општина Дојран од Владата неодамна доби на располагање 70 милиони денари. /МИА

Трајановски: По цели 3,5 години,Шилегов и Заев најавија најобична реконструкција на Универзална

Изградбата на нова Универзална сала беше еден од ударните проекти на Петре Шилегов за време на локалните избори во 2017 година,се наведува на ФБ статусот на Коце Трајановски од ВМРО-ДПМНЕ, се наведува во партиското соопштение..

Како и по обичај, Шилегов брзо ги заборави неговите ветувања кон скопјани и веќе 3,5 години нема никаква реализација на помпезно најавуваниот проект.

Во соработка со Министерството за култура, им оставивме готов проект, со кој покрај реконструкција, беше предвидена и надградба, проширување на капацитетите на салата, нови содржини и изградба на подземен паркинг простор. За жал и толку Шилегов не е способен да реализира. Секоја година излегуваа на помпезни прес-конференции, заедно со тогашниот министер за култура Алаѓозовски, дека кај и да е ќе почнат со реализација. Во нивната неспособност да го сработат ветеното кон скопјани, минатата 2020 година им текна да ја рушат Универзалната сала за да направеле, парк па откако цела јавност скокна се повлекоа од идејата и рекоа дека ќе ја реконструираат.

Значи, чекавме цели 3,5 години, без ама баш ништо да се превземе, за денеска, неколку месеци пред крајот на мандатот, Шилегов и Заев наместо изградба на нов објект или надградба на постоечкиот, да најават најобична реконструкција на Универзалната сала.

Она што е уште поинтересно во целава состојба е што средствата за реконструкцијата, во износ од само 2 милиони евра, не се средства на Градот туку на Владата на Македонија. Единствена причина за ваквиот исход е во тоа што градската каса, поради недомаќинското работење на Шилегов, е целосна празна и тој не е способен да издвои и волку средства за најобична санација на стариот објект.

Драги мои скопјани, ова не е ништо друго освен очајнички обид на Заев да ја спаси политичката кариера на најнеспособниот градоначалник на Скопје во историјата на плурална Македонија.

3,5 години поминаа од мандатот на Шилегов, каде тој наследи полна градска каса, еден куп готови проекти подготвени за реализација, финансиски стабилни јавни претпријатија... за повторно тој да не може да реализира ниту едно од неговите поголеми изборни ветувања. И сега, после цел мандат поминат во неработење и раскрчмување на Градот, Заев се расфрла со ветувања за финансиска поддршка на цел куп проекти, од Универзални сали, преку мостови на Вардар, до автобуси кои глумат трамвај, се со цел да го извади Шилегов од калта во која се заглави.

Почитувани, ова не е ништо друго освен евтин популизам, потценување на интелигенцијата на скопјани и лош обид за нивен поткуп пред локалните избори.

Центар за комуникации на ВМРО-ДПМНЕ

Србија пред полициски час?

Медицинскиот дел на кризниот штаб во Србија бара воведување полициски час и забрана за контакти, бидејќи, според нив, тоа е најефикасен начин да се намали бројот на заразени за седум до 10 дена.

Денеска Србија продолжи со трендот на голем број заразени, при што од околу 13.000 тестирани во последните 24 часа, скоро 3.500 биле позитивни, а 16 пациенти починале..

Над 60 проценти од Русите не сакаат да ја примат вакцината Спутник V

Речиси две третини од Русите не сакаат да ја примаат руската вакцина против коронавирус Спутник V, а околу исто толку веруваат дека вирусот е вештачки произведено биолошко оружје, покажува анкетата објавена денеска.

Институтот „Левада Центар“ објавил дека истражувањето спроведено минатиот месец покажало дека 62 проценти од испитаниците не сакаат да ја примаат руската вакцина против коронавирус, а повеќето од нив се на возраст од 18 до 24 години.

Повеќето ги навеле несаканите ефекти, вклучително треска и замор, како главна причина зошто не сакале да се вакцинираат.Студијата спроведена на 1.601 лице во 50 региони покажала дека 64 проценти од луѓето веруваат дека новиот коронавирус е биолошко оружје.

Потеклото на ковид-19 е високо исполитизирано, но повеќето вирусолози и експерти за инфективни болести сметаат дека најверојатно има природно потекло.

Мисијата на СЗО што ја посети Кина минатиот месец објави дека не истражувале дали вирусот избегал од лабораторија, сметајќи дека тоа е многу малку веројатно.

Експертите на СЗО веруваат дека вирусот потекнува од лилјаци и имало повеќе можности да се рашири меѓу луѓето, можеби преку некое друго животно.Верувањето дека вирусот е биолошко оружје го делат 71 процент Руси на возраст меѓу 40 и 54 години, а само 23 проценти веруваат дека се појавил природно.

Русија пријавила речиси 4,3 милиони заразени од почетокот на пандемијата.

Три вакцини против ковид-19 се одобрени во Русија.

Земјата, со околу 145 милиони жители, започнала масовна вакцинација со Спутник V во декември.До 10 февруари, барем првата доза ја примиле повеќе од два милиони Руси.

притисни ентер