Во интервју за „Дејли бист“, 23-годишниот Пол, кој има 13,6 милиони следбеници на „Инстаграм“ и 20,2 милиони претплатници на „Јутјуб“, заклучил дека „време е да се отвори нашата нација, земјата мора да се врати во нормала. “и го претстави невистинитиот факт дека коронавирусот убил ист број Американци како и грипот.
"Ова е најштетното нешто за нашето општество. Случаите со ковид се помалку од еден процент, мислам дека болеста е измама", рече тој.
Контроверзната интернет-sвезда претходно изјавил дека не планира да престане да се забавува и покрај пандемијата, и тој бил нападнат затоа што организирал огромна забава во неговиот дом од 6,9 милиони долари, каде никој не носел маска.
"Време е да се отвориме. Очигледно, ова е контроверзна тема, но време е нашата нација да се отвори и да се врати во нормала", рече тој.
„Луѓето губат работа, малите бизниси пропаѓаат, милиони луѓе се невработени, луѓето се свртуваат кон алкохол и дрога за да се справат со сè што се случува “, додаде тој.
Запрашан зошто смета дека пандемијата е измама, тој одговори: „Не мора детално да ја објаснувам“.
Тој додаде дека постои вакцина за ковид-19, иако ниту една сè уште не е одобрена или ставена на располагање на јавноста.
Сепак, тој верува дека луѓето во ризик треба да практикуваат социјално дистанцирање, иако се сомнева во медицинскиот совет заклучувајќи дека тоа е „98 проценти лага“.
„Медицинските професионалци рекоа дека маските не прават ништо за да се спречи ширењето на коронавирусот“, рече тој, иако медицинските професионалци всушност ги повикуваат луѓето да носат маски.
"Ако сте ризична група, бидете внимателни. Ако има луѓе околу вас кои се изложени на ризик, бидете внимателни. Бидете во карантин, правете сè што е потребно и во основа живејте во балон. Но, ако сте млади, здрави и немате здравствени проблеми, мислам дека ништо не треба да биде поинаку во вашиот живот. ", тој рече.