Јелена Карлеуша ја откри вистинската причина за разводот со Душко Тошиќ - Канал 5

Шоу биз

Јелена Карлеуша ја откри вистинската причина за разводот со Душко Тошиќ

Популарната српска пејачка Јелена Карлеуша се разведе од Душко Тошиќ, а оттогаш многумина ја поврзуваат со кошаркарот Никола Јовановиќ, кого го следи на Инстаграм. 

Јелена Карлеуша ја откри вистинската причина за разводот со Душко Тошиќ

Карлеуша пред неколку дена беше во Црна Гора, а тамошните медиуми се интересираа каков однос навистина имаат кошаркарот и пејачката.

- Дали е само пријател или пријател со одредени придобивки? Па да речеме дека сме пријатели“, ја одговорила Јелена.

Пејачката истакнала и дека не и недостига бившиот сопруг екс фудбалерот Душко Тошиќ бидејќи во текот на целиот брак претежно била сама:

- Можеби едноставно, не можам ни да кажам дека направив погрешен избор, но луѓето се менуваат. Се променив, мојот сопруг се смени, мојот живот доби чудна насока и моментум, каде што беше тешко да ме следи и разбере. Не го обвинувам, тешко е мене да ме следи. Можеби е подобро да си сам. Го сакав Душко многу, многу, но мислам дека тоа не траеше затоа што тој не ме сакаше на вистински начин, и тоа е во ред. Всушност, тој не можеше да ми ја даде количината на љубов и да ме сака онака како што и треба на една жена како мене. Но, не го обвинувам – заклучила Карлеуша.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода скопјанец, пронајдени украдени пригушници од железничка пруга и вратени на „Железници“

По добиената пријава, преземени се соодветни мерки и активности.

Лишен од слобода скопјанец, пронајдени украдени пригушници од железничка пруга и вратени на „Железници“

На 03.09.2026 полициски службеници од СВР Скопје го лишија од слобода З.С.(45) од Скопје, постапувајќи по претходна пријава за извршени две тешки кражби на пригушници од железничка пруга, од кои една на подрачје на ПС Аеродром и една на подрачје на ПС Драчево. По добиената пријава, преземени се соодветни мерки и активности и З.С. е приведен во ПС Аеродром, а украдените предмети се пронајдени и вратени на сопственикот „Железници на РМ“. По целосно расчистување и документирање на случајот, ќе биде поднесена соодветна пријава.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Во тек е исплатата на правата од социјална и детска заштита

Министерството за социјална политика, демографија и млади информира дека денеска 4 септември 2026 година започна исплатата на правата од социјална, детска и цивилна заштита за месец август 2026 година.

Во тек е исплатата на правата од социјална и детска заштита

Kорисниците на парични права коишто поседуваат дебитна картичка ќе можат да подигнат готовина на банкоматите на банките, да ги користат средствата за безготовински плаќања во продажната мрежа или преку електронско и мобилно банкарство.

Исто така, и корисниците кои не користат картички од денеска ќе можат да ги подигнат своите средства во сите отворени филијали и експозитури на банките.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Герасимовски: Отворен јавен повик за лични асистенти на ученици со посебни образовни потреби

Општина Центар го објави јавниот повик за ангажирање лични асистенти на ученици со посебни образовни потреби, во рамки на проектот „Образование за сите“, кој ќе се реализира во општинските основни училишта во учебната 2026/2027 година.

Герасимовски: Отворен јавен повик за лични асистенти на ученици со посебни образовни потреби

Личните асистенти ќе им обезбедуваат поддршка на учениците во текот на образовниот процес, со цел полесно вклучување во наставата и секојдневните училишни активности.

„Со проектот „Образование за сите", продолжуваме со поддршката за учениците на кои им е потребна дополнителна помош во текот на образовниот процес. Нашата цел е секое дете да има еднаква можност да учи, да напредува и да биде вклучено во училишната средина. Истовремено, преку овој проект отвораме можност за работен ангажман на лица кои имаат знаење, искуство и желба да работат со деца“, изјави градоначалникот на Општина Центар, Горан Герасимовски.

На јавниот повик можат да се пријават заинтересирани лица со минимум завршено средно образование и претходно искуство во работа со деца со посебни образовни потреби. Повикот е насочен и кон долгорочно невработени лица, млади до 29 години, лица постари од 50 години, самохрани родители и родители на деца со попреченост.

Предност ќе имаат кандидатите со високо образование од областа на наставата, психологијата, педагогијата, дефектологијата и социјалната работа, како и лицата кои имаат претходно искуство како лични или образовни асистенти или поседуваат лиценца за личен асистент на лица со попреченост.

Избраните кандидати ќе бидат ангажирани 20 часа неделно во период од осум месеци, почнувајќи од октомври 2026 година до крајот на учебната 2026/2027 година. За ангажманот е предвиден месечен нето-надоместок од 18.000 денари.

Пријавите со потребната документација се поднесуваат во Архивата на Општина Центар-Скопје, барака 6, од 9:00 до 15:00 часот.

Јавниот повик трае пет работни дена од денот на објавувањето и е достапен на веб-страницата на Општина Центар-Скопје и на огласните табли во општинските основни училишта.

Со почит,

Одделение за односи со јавност

Општина Центар - Скопје

Тагови: Горан Герасимовски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер