Македонија

Јаневска: Како држава доцневме со мерките за корона вирусот, а требаше да се спроведуваат и поорганизирано

Доктор Весна Јаневска беше гостин на денешниот Live Chat во организација на ВМРО-ДПМНЕ каде говореше за актуелната состојба во врска со корона вирусот. 

Разговорите на Live Chat се водат на тема „Вашите проблеми, заеднички до решенија“, а гостите одговараат и на прашања поставени од граѓаните.

„Нашето општество се соочува со многу сериозен предизвик и лично сметам дека задоцнивме како држава со мерките кои требаше да бидат преземени, а требаше да се спроведуваат и поорганизирано. Прво, пациентката која почина во Струга, начинот на кој почина е нешто недозволиво, срам за целокупното општество. На страна што дежурните медицински лица не се снашле во ситуацијата и не постапиле каако што треба, тука има и системски пропусти. Второ, цел автобус полн со луѓе заклучени без можност да дојдат до вода, храна и да не можат да одат во тоалет. Ако се покаже дека во нашето општество стручњаците не знаат да реагираат, тогаш државата е должна да реагира. Министерот за здравство треба да даде наредба дека не смее медицинско лице да врати пациент. За оние кои не знаат како, зошто има и многу кои знаат, за нив треба да им напишат препораки. Потоа треба да се обучи по еден тим во секоја болница низ државата. Секоја болница мора да е подготвена, не може сите да стигнат до Скопје“, рече Јаневска.

Според неа мора да има казна за сите кои ги прекршуваат правилата.

„Ако не знаат како да постапуваат, тогаш треба да се плашат од казните“, посочи Јаневска.

Јаневска поосочи дека има разногласие по многу прашања меѓу кои дали има доволно респиратори, има ли доволно тестови за корона вирус, има ли доволно заштитна опрема за медицинските лица и слично.

„За медицинскиот персонал мора да има доволно опрема, и тоа мора јасно да го каже министерот. Тој треба да одговори дали има доволно заштитна опрема. Во делот на тоа дали има доволно респиратори, мора да знаеме колку допонително ни требаат и кога ќе ги имаме. Светската здравствена организација вели дека е потребно масовно тестирање. Ако тоа го порачува, тоа и треба да се направи. Ако нема доволно тестови треба да се набават“, рече Јаневска.

Според неа е клучно на соодветен начин да одговори јавното здравство во ваква ситуација.

„Добро е да помагаат приватните здравствени институции, но во ваква ситуација клучно е да може да одговори јавното здравство“, смета Јаневска.

Таа додаде дека во ваква ситуација мора да има и доволно и соодветен карантиснки простор.

„Државата треба да обезбеди доволно карантински простор, а на граѓаните кои се сместуваат таму мора да имаат основни услови. Притоа граѓаните воопшто не треба да се загрижени ако карантините се и во центар на градот како што е во Битола, каде локалното населеное реагираше. Ако карантинот е организиран по сите правила нема никаква опасност за граѓаните“, рече Јаневска.

Центар за комуникации на ВМРО-ДПМНЕ

Свет

Уапсени се тинејџери во Германија- на мобилните имале упатства за составување бомби

Четворица тинејџери биле уапсени за католички Велигден во Германија под обвинение дека подготвувале напади со исламистичко потекло, информирајќи се за склопување на експлозивни направи, објавија денеска германските медиуми.

„Обвинетите се подготвувале за напади со експлозивни направи кои првенствено служат за ширење оган и за напади со мачети“, известува јавниот сервис WDR, повикувајќи се на извори во истражните кругови.

При анализата на податоците на мобилните телефони на четворицара малолетници, уапсени во април под сомнение дека подготвувале напад со исламистичка позадина, пронајдени се упатства за составување експлозивни направи.

При претресот во станот на еден од осомничените биле пронајдени нож и мачета. Во исто време, како што се наведува, не се пронајдени информации за можни конкретни цели, туку како места на можни напади се споменуваат само градови како Келн, Дизелдорф, Дортмунд и Штутгарт.

Четири малолетници на возраст од 15 и 16 години, од кои три се момчиња и едно девојче, се уапсени во сојузните покраини Северна Рајна-Вестфалија и Баден Виртемберг откако Канцеларијата за заштита на уставниот поредок ги следела активностите на еден од осомничените на форуми каде што се собрани од исламистите и поддржувачите на т.н исламски држави.

Во последно време исламистите, меѓу другото, поради зголемениот број на пропалестински протести кои често ги организираат забранети организации поврзани со Хамас, повторно станаа во центарот на вниманието на истражните органи.

Минатиот викенд во Хамбург се одржа протест на кој отворено се повика на воведување шеријат во Германија, поради што на удар е министерката за внатрешни работи Ненси Фезер.

Македонија

Двајца загинати во тешка сообраќајна несреќа на патот Радовиш-Штип

Во сообраќајната несреќа што се случи на магистралниот пат Радовиш-Штип загинаа двајца возачи, а сопатничка од едното возило е пренесена во штипската Болница.

Веста за МИА ја потврди портпаролката на СВР Струмица, Александра Трајанова, која информираше дека во несреќата учествувале автомобили „пасат“ и „опел“.

- На местото на несреќата починале возачите на двете возила, а сопатничка од патничкото возило „опел" е пренесена во Медицински центар Штип, изјави Трајанова.

Увид на местото на несреќата врши јавен обвинител, а сообраќајот се пренасочува по стариот пат.

Од полицијата повеќе детали за несреќата најавуваат за утре.

Свет

Во ЕУ 7,1 отсто од вработените работат 49 или повеќе часа неделно, најмногу во Грција

Во Европската унија во 2023 година, 7,1 отсто од вработените работеле 49 или повеќе часа неделно, што спаѓа во долго работно време, покажуваат податоците објавени од Евростат.

Од земјите на Европската унија најголем удел на работници со долго работно време има Грција, поточно 11,6 отсто, потоа Кипар со 10,4 отсто и Франција со 10,1 отсто.

Најмал удел на вакви работници е забележан во Бугарија, 0,4 отсто, како и во Литванија и Летонија, по 1,1 отсто.

Речиси една третина од самовработените или поточно 29,3 отсто од оваа категорија работат 49 или повеќе часа неделно, додека кај вработените овој процент е значително помал и изнесува 3,6 отсто.

Долгите работни часови најчесто се застапени кај квалификуваните работници во земјоделството, шумарството и рибарството, како и кај менаџерите.

Како што пренесува порталот Статиста, вработените со полно работно време во Европската унија во првиот квартал од 2023 година работеле во просек по 40,4 часа неделно.

притисни ентер