Ја победи леукемијата и се враќа на кошаркарскиот терен

Унгарската кошаркарка Ливиа Геребен го доби најважниот натпревар во животот.

Храбрата спортистка ја победи леукемијата и се враќа на кошаркарскиот терен.

Во изминатите 12 месеци Ливиа имала повеќе интензивни медицински третмани, вклучувајќи го и пресадувањето на коскена срж.

Девојката која го носеше репрезентативниот дрес на Унгарија на Европско првенство и имаше одлични настапи за својот клуб Сексард од страшната болест се разболела на почетокот на 2019 година, кога и била дијагностицирана леукемија.

По едногодишната битка Ливиа на радост на сите се враќа на кошаркарскиот терен. Сите биле воодушевени кога таа се појавила на собирот на репрезентацијата пред неколку дена. Иако се уште мора да ги почитува стриктните мерки препорачани од докторите, сите биле пресреќни што таа почнала да тренира.

-Се чувствувам како да сум дошла дома. Бев толку возбудена што скоро и не можев да спијам. Многу сум среќна и радоста што повторно ќе ги видам соиграчките. Поради тоа што во последните 12 месеци не сум видела скоро никого, изјавила Геребен.

Младата кошаркарка ќе им се врати и на клупските обврски , клубот Сексард ја подржувал за време на целото лекување и таа сега потпишала нов договор.

Во Торонто промоција на книги на Крисанта Јанкула од Мала Преспа

 Во организација на литературното друштво „Браќа Миладиновци“ од Торонто, Канада, одржана е промоција на  три книги на наставничката по македонски јазик Крисанта Јанкула од Горна Горица, Мала Преспа, Албанија, јави весникот „Македониум“.

Станува збор за „Записи од мојот крај“, „Преспа под Албанија, Божја убавина“ и „Поезија и проза од мојот крај“.

Според весникот, промоцијата побудила голем интерес и внимание од македонската заедница во Торонто.

- Не можам да го опишам големо задоволство што сум меѓу Македонците во Канада. Горда сум што во текот на целиот мој работен век, но и сега со целото мое битие се залагам за заштита на мајчиниот македонски јазик, идентитет и традиции, рече таа на промоцијата.

Додаде дека записите од Преспа почнала да ги собира со цел традициите на Македонците да останат во наследство на другите генерации.

- Во мојата работа, голема помош имав и од моите ученици, кои помогнаа во прибирањето на метеријалот со изкази на нивните дедовци и баби, посочи таа.

Се до пензионирањето, Јанкула, наставник по македонски јазик, била во деветтолетката „Отпорот на Горичаните“ во Долна Горица, каде во одреден период била и директор.

Гризман се враќа на тренинзите во Атлетико Мадрид

Напаѓачот Антоан Гризман се врати на тренинзите со Атлетико Мадрид, објави „Marca“.

Триесет и двегодишниот Французин поради повреда ги пропушти мартовските натпревари на неговата репрезентација. За прв пат по 2017 година Гризман не играше за „триколорите“.

Оваа сезона Гризман одигра 38 натпревари на кои постигна 19 голови и имаше 7 асистенции.

Договорот на Французинот со Атлетико Мадрид е до крајот на јуни 2026 година.

Вулканот Ибу во централна Индонезија повторно исфрли пепел во висина од два километри

 Повторно е регистрирана ерупција на вулканот Ибу во провинцијата Северно Малуку во централна Индонезија, јавија индонезиските медиуми.

Вулканот исфрли пепел во висина околу два километри. Претходната ерупција беше на 26 март.

Локалните власти им забранија на жителите од регионот да се приближуваат до кратерот на растојание помало од два километри и ги повикаа луѓето да носат заштитни маски за да спречат респираторни заболувања.

Индонезискиот архипелаг, кој е најголем во светот, се состои од 18 илјади острови. Се наоѓа во таканаречениот огнен прстен на Пацификот, па во регионот е забележана силна сеизмичка активност. Во Индонезија има повеќе од 500 вулкани, од кои 130 се активни.

притисни ентер