Извлекувањето на првото коло од новата игра на среќа ЛОТО 7, донесе бројни изненадувања - Канал 5

Забава

Извлекувањето на првото коло од новата игра на среќа ЛОТО 7, донесе бројни изненадувања

Првото коло ЛОТО 7, докажа дека новата игра нуди поголеми добивки, поинтересна игра и повеќе забава.

Извлекувањето на првото коло од новата игра на среќа ЛОТО 7, донесе бројни изненадувања

Извлекувањето на првото коло од новата игра на среќа ЛОТО 7, донесе бројни изненадувања

Извлеченото црвено топче ги удвои добивките за 4, 5 и 6 погодоци

За прв пат во лото историјата 6ката донесе над 1. 200.000 денари

За прв пат добитници на 5ка ќе освојат над 6.000 денари

За прв пат 4ките вредат по 400 денари

Вчера се одржа најавуваното прво коло од новата игра на среќа ЛОТО 7 на Државна лотарија. Играчите и пошироката публика на Канал5 кои ја следеа ТВ емисијата, можеа да уживаат во комплетно новиот свеж изглед на лото студиото и интересните ТВ прикази на добивките во реално време. Доживувањето беше комплетното со оригиналната музика компонирана од композиторот Кокан Димушевски, како и со бројните видео и аудио ефекти.

Играчите кои учествуваа во првото коло имаа динамично и возбудливо 10минутно Тв шоу со нова енергија, во кое адреналинот растеше со очекувањето на црвеното топче. Паѓањето на ова црвено топче, значеше двојно поголема радост за сите чии броеви беа извлечени во категориите за 6, 5 и 4 погодоци.

ЛОТО 7 ги оправда очекувањата, како и симболиката на слоганот - Под среќна звезда.

Во првото коло ЛОТО 7, ѕвезда на вечерта беше црвеното топче. Благодарение на него, едната извлечена 6ка достигна вкупна вредност од над 1.219 621 денари. Како потсетување, во претходните девет години, од почетокот на приредување на лото играта на Државна лотарија (под името НовоЛото), највисоката добивка за 6 погодоци беше постигната во 2014та година и изнесуваше 343.011 денари.

Изненадени беа и сите 67 добитници на 5ка, за кои добивката изнесува по 6.584 денари, а до сега највисоките 5тки не достигаа ни по 3.000 денари. Фиксната добивка за 4 погодоци се удвои и секоја поединечна 4ка, од вкупно извлечените 1 469 вреди по 400 денари.

Кај Џокерот кој од сега може да се игра самостојно, примамливата премија од над 70 000 евра, ќе ја очекуваме за наредно коло.

Во второто коло ЛОТО 7, 7ката очекуваме да достигне над 28.600.000 денари.

Со играта ЛОТО 7, забавната и возбудлива потрага по поголеми добивки ќе се одвива и понатаму секоја среда и сабота, од 20:00 часот, на Канал5 телевизија, со Марјана Станојковска, но од среда 24ти април, се чини дека дополнителна среќа на играчите додава и слоганот на играта - ПОД СРЕЌНА ЅВЕЗДА.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Бела Хадид позира топлес во сауна (ФОТО)

Една од најпознатите манекенки, Бела Хадид (30), повторно го привлече вниманието со своите објави на социјалните мрежи.

Бела Хадид позира топлес во сауна (ФОТО)

Овој пат, таа сподели фотографии од луксузен велнес-центар, при што особено се издвојува една на која се гледа како вежба во сауна, без горниот дел од облеката.

На Инстаграм, манекенката даде увид во својата рутина за вежбање и релаксација. На една од фотографиите, таа е свртена со грб кон камерата, облечена само во црни шорцеви, додека изведува вежба со тег. Нејзината руса коса е собрана нагоре, подалеку од лицето.

Вежбање, сауна и масажа

Бела престојуваше во велнес-центар управуван од спортскиот бренд „Alo“, со кој таа соработува. За време на посетата, таа испроба неколку видови тренинзи, вклучувајќи пилатес на реформер, вежби со тегови и кардио вежби.

На други фотографии, таа ги покажа спортските комбинации што ги носеше за време на тренингот, вклучувајќи розов комплет составен од спортски градник и шорцеви.

По физичката активност, денот продолжи во порелаксиран ритам. Манекенката позираше во бордо бикини без прерамки додека беше во сауна, а подоцна направи „селфи“ пред огледало, завиткана во голем бел пешкир. Својот велнес-ден го заокружи со масажа.

Неодамна го прослави својот 30-ти роденден

Овие нови фотографии доаѓаат само неколку дена откако Бела го прослави својот 30-ти роденден на 9 октомври. По тој повод, таа исто така привлече внимание со објава на Инстаграм на која позираше во црвено бикини, изработено специјално за неа. На горниот дел од костимот за капење стоеше бројот 30, додека долниот дел беше украсен со нејзиното име. Изгледот го надополни со розево-бел фустан и каубојски чизми.

Покрај фотографиите од роденденот, таа наведе дека наполнила 30 години, а нејзините следбеници – како и бројни пријатели од светот на славните – ѝ упатија честитки во коментарите.

Ново поглавје во животот

Во последните месеци, Бела повторно се најде во центарот на вниманието, делумно поради нејзиниот приватен живот. По разделбата со професионалниот јавач Адан Бануелос – со кого беше во врска од 2024 година – медиумите почнаа да ја поврзуваат со Нејтан Лејси од Колорадо. Таа јавно не ја потврди оваа нова врска.

Покрај приватниот живот, таа привлекува внимание и со своите професионални ангажмани. Минатата година, таа ја замени својата препознатлива кафеава коса со платинесто-руса нијанса, а се испроба и во актерството, појавувајќи се во хорор-серијата „The Beauty“.

Извор: Индекс.хр

Тагови: Бела Хадид топлес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МВР: Вонредните локални избори во Општина Брвеница завршија без проблеми

Министерството за внатрешни работи ја информира јавноста дека изборниот процес во општина Брвеница заврши во најдобар ред, без нарушување на јавниот ред и мир и без ниту еден инцидент.

МВР: Вонредните локални избори во Општина Брвеница завршија без проблеми

МВР во текот на целиот ден презеде мерки и активности во рамки на своите надлежности со цел непречено и безбедно спроведување на изборниот процес, како и гарантирање на безбедноста на граѓаните и одржување на поволна безбедносна состојба.

Тагови: Брвеница

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Крст падна врз свештеник за време на миса и го усмрти (ВОЗНЕМИРУВАЧКО ВИДЕО)

Католички свештеник почина во црква во Еквадор откако врз него падна крст закачен на ѕидот, за време на миса која се пренесуваше во живо преку интернет, објави денеска порталот „InfoVaticana“.

Крст падна врз свештеник за време на миса и го усмрти (ВОЗНЕМИРУВАЧКО ВИДЕО)

Надбискупијата во Гвајакил истиот ден објави соопштение, во кое се наведува дека отец Санчез Молинари – кој служел како парохиски свештеник во црквата „Богородица од Постојана Помош“ – „заминал во домот на Отецот за да ужива во Неговото присуство и слава“.

Од Надбискупијата упатија молитви за покој на неговата душа и изразија солидарност и сочувство до заедницата, неговото семејство и пријателите.

Во соопштението на Надбискупијата не беа наведени околностите под кои свештеникот починал.

Според мексиканскиот весник „El Heraldo de Mexico“, свештеникот служел секојдневна миса – која се пренесувала во живо преку неговиот профил на социјалните мрежи – кога, околу 27-мата минута од преносот, крст закачен на ѕидот зад него се откачил и паднал врз него. Од истиот медиум на социјалните мрежи наведоа дека на снимката се слушаат извиците на верниците кои присуствувале на мисата.

ПРЕДУПРЕДУВАЊЕ: ВИДЕОТО Е СО ВОЗНЕМИРУВАЧКА СОДРЖИНА

Тагови: свештеник Крст

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер