Култура

Израелските археолози пронашле остатоци од брод, стар 1200 години и преполн со предмети (ВИДЕО)

Остатоци на древен брод, пронајдена недалеку од израелскиот брег со товар од целиот Медитеран, покажува дека трговците од запад пристигнувале дури и по исламското освојување на Светата земја.

Дали потонувањето на бродот било предизвикано од бура или неискусен капетан, тешко е да се каже. Но, без оглед на причината, трговскиот брод изграден од ела и ореово дрво со деликатеси од далечните земји потонал во плиткото, во близина на брегот на денешниот израелски приморски град Мааган Мајкл пред повеќе од 1.200 години.

Тоа било во време кога претежно христијанската Византиска империја ја губела контролата врз таа област во источниот Медитеран, додека исламот го проширувал своето влијание, според Дебора Звикел, поморски археолог од Универзитетот во Хаифа и водач на истражувањето.

„Историските книги велат дека тогаш трговијата речиси престанала, дека немало меѓународна трговија, туку пловидба само во територијалните води, но се чини дека не е така“, рече Цвикел.

„Овде имаме остатоци од голем брод, мислиме дека бил долг околу 25 метри, а бил натоварен со стока од целиот Медитеран“, додава археологот.

Пронајдените предмети на бродот покажуваат дека тој се закотвувал на Кипар, Египет, можеби Турција и можеби на северноафриканскиот брег.

На некои од предметите имало симболи на христијанската византиска црква, додека на други имало натписи на арапски. Во потонатиот брод биле пронајдени околу 200 амфори со маслинки, смокви и урми.

Истражувањето на локацијата го спроведуваат израелската научна фондација, фондацијата Хонор Фрост и Институтот за поморска археологија на Универзитетот Тексас А&М.

Брегот на Израел е полн со древни потонати бродови. Урнатините се подостапни отколку на друго место поради плиткото море и песочното дно, што подобро ги зачувува артефактите.

Култура

Проекција на „Големата вода и „Црвените булки над ѕидовите“ во Кинотека

На 27 април, во Кинотеката ќе се одржи проекција на „400 удари“ на Франсоа Трифо, снимен во 1959 година.

Во рамки на концептот на Кинотеката насловен „Разлики кои не обединуваат“, на 25 април ќе биде прикажан долгометражниот игран филм на Иво Трајков „Големата вода“ снимен во 2004 година, а следниот ден, 26 април, „Црвените булки над ѕидовите“ од 1976 година во режија на Димитер Анагности.

На 27 април, во Кинотеката ќе се одржи проекција на „400 удари“ на Франсоа Трифо, снимен во 1959 година.

Како што соопштија од Кинотеката, овие филмови се, пред сè, избрани поради своите „сличности и паралели“ во тематиките, како и во нивната филмска обработка и пристап.

-Но, исто така, битно е да се истакне и дека „Црвените булки на ѕидовите“ неодамна е дигитализиран во 4К резолуција, а „Големата вода“ оваа година го прославува дваесетгодишниот јубилеј од својата премиера. И, се разбира, дека филмот „400 удари“ на Трифо, според францускиот филмски магазин „Cahiers du cinema“ (Каје де Синема) е повеќе од ремек-дело и станува збор за еден од најaмблематичните филмови во поствоениот период на француската филмска продукција, потенцираат од Кинотека. /МИА

Формула

Верстапен ја освои пол-позицијата за ГН на Кина

Возачот на Ред Бул, Макс Верстапен, ја освои пол-позицијата во квалификациите за Големата награда на Кина.

Верстапен извози најбрз круг со време 1:33.660 минута. Неговиот тимски колега Серхио Перез го освои второто место, а возачот на Астон Мартин Фернандо Алонсо го освои третото место.

Луис Хамилтон од Мерцедес кој спринтот го заврши на второто место не успеа да излезе од првиот сегмент, завршувајќи на 18. позиција.

На спринтот победи Верстапен.

Големата награда на Кина од Формула 1 шампионатот ќе почне утре од 9 часот по македонско време. /МИА

Свет

Руски воен репортер загина во Украина

Воениот известувач на рускиот весник „Известија“ Семјон Еремин, загинал во напад на украинско беспилотно летало во југоисточна Украина, објави весникот.

Нападот се случил вчера кога 42-годишниот Еремин и неговата екипа се враќале од снимање од селото Прјутне, во близина на линијата на фронтот во регионот Запорожје.

Украина досега не го коментираше настанот.

Најмалку 15 новинари се убиени од почетокот на руската инвазија на Украина во февруари 2022 година, според Комитетот за заштита на новинарите, непрофитна организација која се залага за слобода на медиумите ширум светот. /МИА

притисни ентер