Шоу биз

Израелците го менуваат текстот на песната, за да не бидат дисквалификувани на Евровизија(ВИДЕО)

Израел ќе ги смени стиховите на својата песна за Евровизија за да ги отстрани сите перцепирани политички елементи и да го гарантира своето учество, објави денеска Израелската радиодифузна корпорација (КАН).

Откако првично се заканија дека ќе се повлечат од натпреварот доколку израелската песна не биде прифатена како што е, КАН на крајот објави дека се согласуваат со мислењето на израелскиот претседател Исак Херцог кој ги „предложи потребните прилагодувања“.

„КАН контактираше со текстописците на двете избрани песни, Октомвриски дожд, која беше избрана за прва и Танц засекогаш, која беше втора, барајќи од нив да го адаптираат текстот со задржување на уметничката слобода“, соопштуваат од корпорацијата.

Октомвриски дожад не го споменува експлицитно крвавиот напад што Хамас го изврши на југот на Израел на 7 октомври, но според израелските медиуми и независните набљудувачи, текстот на песната не остава простор за сомнеж. „Танцуваме во бура/Немаме што да криеме/Однеси ме дома/Остави го светот зад себе/И ветувам дека никогаш повеќе нема да се повтори/Уште сум влажна од овој октомвриски дожд“, е текстот на песната.

По добивањето на изменетиот текст, јавниот радиодифузер ќе „избере песна што ќе ја испрати“ до организаторите „за да можат да го одобрат учеството на Израел на натпреварот“, додаде КАН. До 10 март ќе се знае која песна е избрана.

Израелско-руската пејачка Еден Голан (20) треба да го претставува Израел на овогодинешниот натпревар кој ќе се одржи во мај во Малме, Шведска. Неколку земји ги повикаа организаторите да му забранат на Израел да учествува на Изборот за песна на Евровизија во знак на протест против огромните жртви во војната во Појасот Газа.

View this post on Instagram

A post shared by Israel (@stateofisrael)

Израел е првата неевропска земја на која ѝ е дозволено да учествува на Изборот за песна на Евровизија во 1973 година. Израелците досега победија четири пати.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Уште една Бугарска телевизија мораше да објави демант на Канал 5 ТВ

Бугарската приватна НОВА ТВ направи прилог со некаков нивен тотално безначаен новинар , во кој тој изнесе салва клевети и навреди за Канал 5 ТВ. Следуваше наш демант кој мораа да го објават

На 28 јуни во емисијата „на фокус со Лора Крумова“ беше емитуван прилог во траење од три минути со некој тривијален лик кој пласираше дузина манипулации, лаги, клевети и фантазмагории.
Бугарската приватна НОВА телевизија не ни помисли да ги испочитува Европските новинарски практики па да ја контактира нашата телевизија за став по одреденото прашање но во објавата на нашиот демант не пропуштија шанса за нивна една „палавост“.
Имено, немајќи одговор на нашата констатација дека основните атрибути на медиумското работење биле непочитувани од страна на дел од колегите од НОВА ТВ, тие објавија дека, внимавајте:
„не' побарале на редкациски телефон (фиксниот) и тогаш сме одбиле да им дадеме наш коментар“.
Наравоучение:
На лагата и се расипани непостоечките редакциски телефони во Канал 5 ТВ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ најостро ги осудува заканите и повиците за насилство упатени кон новинарот на Канал 5, Александар Видиновски

Во едно демократско општество, секој новинар мора да може слободно и без страв да ја извршува својата работа.

Заканите, говорот што поттикнува насилство и повиците за физичка пресметка се целосно неприфатливи и претставуваат директен удар врз слободата на медиумите и правото на информирање.

Ги повикуваме Министерството за внатрешни работи и Јавното обвинителство без одлагање да ги идентификуваат лицата кои упатуваат вакви закани и да преземат соодветни законски мерки. Секој што повикува на насилство мора да сноси одговорност, без разлика на неговата политичка или било каква друга припадност.

ВМРО-ДПМНЕ останува доследно на ставот дека политичките разлики се решаваат со аргументи и демократски дијалог, а не со закани, притисоци и повици за насилство. Очекуваме институциите да постапат брзо и ефикасно, затоа што безбедноста на новинарите е предуслов за слободно и демократско општество.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Манасиевски: СДС, Левица и ДУИ имаат политика на противење, го одбија и Изборниот законик што самите го создаваа

СДС, Левица и ДУИ уште еднаш покажаа дека нивната единствена политика е политиката на блокади.

Со месеци седеа на работни средби, предлагаа измени, бараа корекции и нивните барања беа прифаќани. Кога дојде време да стават потпис и да покажат одговорност, избегаа од сопствениот договор.

Тоа најдобро покажува дека проблемот никогаш не бил Изборниот законик. Проблемот е што СДС, Левица и ДУИ не можат да поднесат уште еден реформски успех на Македонија.

Со тоа признаа дека не се борат за подобар Изборен законик. Се борат против секое решение што значи напредок и успех за државата. За нив е поважно да создадат политичка криза отколку Македонија да исполни уште една реформска обврска.

Граѓаните одамна ја препознаа таа политика. Политика без идеи, без решенија и без одговорност. Политика која знае само да кочи, да блокира и да работи против интересите на државата.

Затоа, граѓаните на следните избори, одредени партии ќе ги испратат во историјата.

Валентин Манасиевски, портпарол на ВМРО-ДПМНЕ

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.