Изложба на „Остен“ во Прага за промоција и привлекување светски автори - Канал 5

Култура

Изложба на „Остен“ во Прага за промоција и привлекување светски автори

Музејот на цртежи и графики на македонската галерија „Остен“ вечер првпат ќе гостува во Галеријата на уметничката критика во палатата „Адриа“ во центарот на Прага, каде што ќе претстави над 150 уметнички дела од својата колекција, јави дописникот на МИА од чешката метропола.

Изложба на „Остен“ во Прага за промоција и привлекување светски автори

Скопскиот музеј со 68-годишна традиција, на изложбата ќе претстави и дела на наградени автори од 2009-2012 година од Светската галерија на цртеж.

- Со големо задоволство учествувам во организацијата на изложбата на „Остен“, Светската галерија на цртеж во Скопје, која првпат е претставена во Чешка и се надевам дека ќе ги поттикнеме младите чешки уметници со свои дела да учествуваат во иднина, изјави чешката кураторка Власта Чихакова-Ноширо на прес-конференција.

Чихакова-Ноширо, заедно со кураторите од Македонија, Корнелија Конеска и Мице Јанкуловски, во Галеријата на уметничката критика во палатата „Адриа“ во центарот на Прага, овозможија претставување на четирисетина дела на наградени автори од меѓународното Биенале на цртежи и карикатури, кое се одржува во Скопје.


Во збирката, која е создавана постепено од експонати на Биеналето на цртежи и карикатури кое наизменично се одржува секоја година во Скопје, со свои дела учествуваат и чешки уметници.


- Цртежите се еден вид посебна визуелна уметност, која не е едноставна и лесна и која овозможува симболично изразување, рече чешката кураторка, додавајќи дека ја радува што оваа манифестација не прави ограничувања и секој може да учествува со графика, акварел или друга техника.


Таа рече дека е „љубител“ на хартијата која во новото време на дигитализацијата му дава ширина и разновидност на уметничкото изразување.


- Целта и суштината на „Остен“ е да се промовира уметноста на хартија во модерното технолошко време. Тоа е трајна вредност која треба да се промовира и да не се заборава линијата и цртежот, додаде Корнелија Конеска, извршeн директор на „Остен“.

Конеска на прес-конференцијата објасни дека Светската галерија на цртеж е концепт-манифестација која се состои од две меѓусебно поврзани биенални манифестации.

Првиот дел е „Биенале на цртеж“, кој е конкурс за цртеж и неколку други категории за уметност на хартија, каде учествуваат уметници од целиот свет. Централен настан е изложба на одбраните дела и објавување на наградите. Вториот дел е „Остен Биенале“ на наградени автори, а се одржува во непарни години и има натпреварувачки карактер.


Главен настан е изложбата на „Остенови уметници на годината“ во рамки на Програмата за престој на уметници „Златен остен".


Одговарајќи на прашањето која е материјалната вредност на колекцијата на „Остен“, која брои 5.500 дела од различни автори од 70-тина автори од целиот свет, Конеска подвлече дека главната цел не е да се продаваат делата туку „возвратна комуникација" со авторите кои откако ќе учествуваат еднаш потоа подаруваат други свои дела. Така манифестацијата се збогатува и се промовира интернационално.

Во напорите да се создаваат трајни вредности, од минатата година е основан и Остен-Музејот на цртеж.


- Со музејот, кој е прв од ваков вид во светот, сметаме дека сме ги поставиле основите за понатамошно собирање, заштита и чување, но и за претставување на сите дела кои се депонирани, рече Мице Јанкуловски, директор на Галеријата „Остен". Повикувајќи ги чешките уметници на учество, тој рече дека првиот цртеж обезбеден за музејот бил од истакнатиот графичар Афолф Борн од Прага. Чехот Борн е добитник на Гран-при наградата во 1974 година.


Меѓу претставените пред чешката публика се дела на авторите: Кристо, Јоже Циуха, Владимир Величковиќ, Пабло Пикасо, Виктор Вазарели, Димитар Аврамовски Пандилов, Каи Савелсберг, Марк Фризинг, Петер Хејдек, Стефан Бергер, Златко Гламочак, Глигор Чемерски, Васко Ташковски, Симон Шемов, Ниче Василев, Павле Кузманоски, Атанас Ботев, Росица Лазеска, Тони Шулајковски, Благојче Бане Наумоски, Стефан Хаџи Николов, Татјана Манева....

На свеченото отворање вечер во 18 часот претставниците на јавниот и политичкиот живот во Чешка и дипломатскиот кор ќе имаат можност да ја разгледаат изложбата и да вкусат македонски вина.

Изложбата ќе трае до 15 септември. Организирана е под покровителство на Амбасадата на Република Македонија во Чешка, со поддршка на министерствата за култура на двете земји, чешкиот Државен фонд за култура и Градот Прага. .МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Наука

Лансирањето на ракетата „Артемис II“ предизвика пореметување во атмосферата на Земјата, тврдат научниците

Научниците од Националниот универзитет Ченг Кунг во Тајван тврдат дека лансирањето на ракетата „Артемис II“ предизвикало огромни нарушувања во атмосферата на Земјата што можеле да го нарушат GPS и другите комуникации.

Лансирањето на ракетата „Артемис II“ предизвика пореметување во атмосферата на Земјата, тврдат научниците

Тие велат дека мисијата „Артемис II“, која беше лансирана на 1 април 2026 година, за деветдневно патување околу Месечината, создала дупки во атмосферата на Земјата и предизвикала модулации на шок-акустични и гравитациски бранови, објави списанието „Скај ат Најт“.

„Горењето што го покачува апогејот предизвикало шок бранови и невидено големи нарушувања што се прошириле на 50 степени географска должина низ Северна Америка“, рекоа авторите на студијата.

Тие додадоа дека ова е прв пат една вселенска мисија да произведе три случаи на јоносферски нарушувања над истиот регион за време на последователни орбитални маневри. Фотографија: Танјуг/АП Фото/Крис О'Мира

Иако утврдиле дека самиот настан на лансирање на „Артемис II“ не предизвикал широко распространети прекини на GPS, тие забележале промени во јоносферата што потенцијално би можеле да предизвикаат проблеми за време на идните лансирања на ракети.

„Ваквите пречки би можеле да ги нарушат комуникациите на Земјата, на пример, со попречување на радио сигналите. Исто така, лансирањата на ракети би можеле да влијаат на други технологии на Земјата кои се потпираат на GPS за позиционирање, како што се автомобилите без возач и беспилотните летала“, се вели во студијата.

„Артемис II“ патуваше подалеку од Месечината од која било претходна мисија, користејќи ја гравитационата сила на Месечината за да се катапултира околу неа и да го започне своето враќање кон Земјата.

Ова беше првата мисија со екипаж на Месечината од програмата Аполо и беше клучна пресвртница во плановите на НАСА за воспоставување трајно човечко присуство на површината на Месечината.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Зеленски се закани: Одговорот на Украина ќе создаде мотивација за мировните преговори

Украинскиот претседател Володимир Зеленски синоќа изјави дека, како одговор на руските напади врз енергетските објекти, Украина ги продолжува операциите против руската нафтена индустрија .

Зеленски се закани: Одговорот на Украина ќе создаде мотивација за мировните преговори

Украинскиот претседател Володимир Зеленски синоќа изјави дека, како одговор на руските напади врз енергетските објекти, Украина ги продолжува операциите против руската нафтена индустрија и дека понатамошните одговори, односно целите за напади со долг дострел, веќе се утврдени.

„Благодарен сум на секоја единица за нивната прецизност и на сите наши одбранбени и безбедносни сили на Украина за систематската природа на украинските напади со долг дострел. Операцијата против руската индустрија за рафинирање на нафта продолжува, како одговор на руските напади врз украинските енергетски објекти“, рече Зеленски во објава на Телеграм, пренесува Укринформ.

Зеленски додаде дека електраните, енергетските мрежи, снабдувањето со топлина, снабдувањето со вода и цивилната логистика на територијата на Украина се под постојани напади од руски беспилотни летала и ракети „Шахид“, и дека Русија не ја менува природата на своите агресивни активности и дека ги напуштила чекорите за деескалација за кои зборуваа партнерите и дека планира понатамошни напади.

Тој рече дека искуството од хуманитарната операција во градот Олешки, кој е под руска контрола, во југоисточна Украина, каде што кон крајот на октомври беше воспоставено локално примирје за неколку дена за хуманитарни активности, покажува дека ако рускиот претседател Владимир Путин одлучи да ја запре војната, може да дојде до смирување.

„Украина не треба да биде убедена дека е потребен мир што е можно поскоро. Ние го сакаме тоа. Русија треба да одлучи дека времето за војна е завршено. Нашите напади со долг дострел, нашите напади со среден дострел, како и целиот притисок од партнерите врз Русија поради оваа војна, тоа е она што создава мотивација за вистински преговори“, нагласи Зеленски.

Тагови: Володимир Зеленски украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Иран објави снимка на воените тунели (ВИДЕО)

Државните медиуми на Иран објавија снимки за кои тврдат дека ги прикажуваат подземните тунели на морнарицата на Исламската револуционерна гарда (ИРГЦ) на југот од земјата. 

Иран објави снимка на воените тунели (ВИДЕО)

Камиони со лансери и ракетни тенкови може да се видат во ходниците. Ирански извори наведуваат дека во комплексот се складирани противбродски ракети и моторни чамци.

Снимката, исто така, го прикажува Абдолах Хаџи-Садеги, претставникот на иранскиот врховен лидер во ИРГЦ, како го обиколува комплексот со воени претставници. Лансирање ракета беше прикажано во посебни кадри, но не е потврдено дека овие сцени се снимени за време на обиколката.

Точната локација на тунелот и датумот на снимањето не се независно потврдени.

Видеото објавено по американските напади

Видеото е објавено еден ден откако САД извршија ограничени напади на иранскиот остров Кешм во Ормутскиот теснец. Американски функционер ги опиша како одбранбени напади и рече дека тие не значат враќање на големи борбени операции против Иран.

Не е потврдено дека објавувањето на снимките е поврзано со нападите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер