Култура

Изложба „Лицата на војната: Македонија и Македонците во Големата војна (1914 - 1918)"

Изложбата „Лицата на војната: Македонија и Македонците во Големата војна (1914 - 1918)“ денеска ќе биде отворена во Македонската академија на науките и уметностите.

Организатор на изложбата е Државниот архив на Република Македонија, а покровител е премиерот Зоран Заев.

Оваа изложба е посветена на 100-годишниот јубилеј од завршувањето на Првата светска војна и се состои од 60 паноа, на кои се прикажани повеќе документи и фотографии од архивските фондови во Државниот архив на Република Македонија. Посетителите ќе можат да погледнат предмети и оригинални документи кои се од фондот на браќата Манаки од Одделението на Архивот во Битола и оригинални предмети, односно оружје користено во Првата светска војна, а денес се чува како музејски експонат во Воениот музеј на Република Македонија.

Документите прикажани на изложбата го отсликуваат карактерот и функционирањето на власта за време на војната, како и секојдневниот живот за време на Големата војна. Поголемиот дел од документите и фотографиите прикажани на изложбата се досега непознати за јавноста.

Предметите и оригиналните документи од Одделението на Архивот во Битола и од Воениот музеј ќе бидат изложени само на денот на отворањето на изложбата, а останатиот дел од изложбата ќе биде изложен во Македонската академија на науките и уметностите од седми до 21 септември 2018 година.

- Целта на изложбата е да не потсети на Првата светска војна, како значаен настан од нашето минато и да го пренесе духот на тоа време за да не дозволиме никогаш повеќе да ни се вратат ужасите на кои нашите предци биле сведоци, а многу од нив го дале и својот живот, информира Државниот архив на Република Македонија.

На отворањето на изложбата најавено е дека ќе присуствуваат премиерот Заев, директорот на Државниот архив Кирил Петров и авторот на изложбата Јасмина Дамјановска.

Свет

Полицијата ги растера пропалестинските активисти од зградата на универзитетот во Париз

Полицијата денеска упадна во зградата на парискиот универзитет „Сијанс По“, и ги растера пропалестинските активисти кои протестираа против израелската офанзива во Газа.

Претходно денеска група од околу 70 студенти ја окупираа зградата на Институтот за политички науки во центарот на Париз, по неуспешните преговори меѓу студентите и администрацијата за врските на Универзитетот со Израел, јави France24.

Од кабинетот на францускиот премиер по тој повод соопштија дека одговорот на владата е силен и ќе биде во целост таков.

„Наредивме систематска реакција и интервенција на органите на прогонот за слободен пристап до универзитетите штом ќе се воспостават блокади или собири“, изјавија од кабинетот на премиерот за ТВ БФМ.

Француските медиуми објавија дека на вработените во Универзитетот денеска им било кажано да работат од дома, бидејќи универзитетските згради биле затворени.

Директорот на Институтот за политички науки вчера ги отфрли барањата на студентите за преиспитување на врските на Универзитетот со Тел Авив.

Студентите на неколку француски универзитети ги блокираа или окупираа нивните факултети по митинзите организирани на кампусите низ САД против конфликтот во Газа.

Свет

Околу 100.000 имигранти во САД ќе можат да добијат здравствено осигурување до 2025 година

Околу 100.000 имигранти кои биле донесени во САД како деца идната година ќе станат корисници на здравствено осигурување според Законот за пристапна здравствена нега.

Околу 100.000 имигранти кои биле донесени во САД како деца идната година ќе станат корисници на здравствено осигурување според Законот за пристапна здравствена нега, врз основа на директивата објавена денеска од администрацијата на претседателот Џо Бајден.

Финализацијата на одлуката траеше подолго отколку што се очекуваше и не го вклучува предлогот на Бајден да им се дозволи на тие имигранти да аплицираат за Медикејд (Medicaid), програма за здравствено осигурување која обезбедува речиси бесплатно покритие за најсиромашните луѓе во нацијата.

Од друга страна, одлуката ќе им овозможи на илјадници мигранти да пристапат до даночни олеснувања откако уписот според Законот ќе започне на 1 ноември, само неколку дена пред претседателските избори, пренесува американските медиуми, според кои, овој потег може да му донесе на Бајден клучни гласови од Латинска Америка, но се очекува да биде критикуван од републиканците.

Македонија

Крмов: Шестчасовното работно време е попродуктивно за работниците

Пратеникот Борислав Крмов, Носител во ИЕ3, за програмата на Левица, во однос на работниците и земјоделците истакна:

,,ИЕ 3 е во најголем дел работнички и земјоделски регион. Ние предлагаме шестчасовно работно време. Тоа не е никаква илузија, тоа на Запад го има - многу е поголема продуктивноста со шестчасовно работно време.

За земјоделците, најклучно е да имаме државни откупни центри, за да може земјоделците да добијат фер цена. Сега имате флаширана вода 20 денари, а тие сакаат млекото да им го откупат за 18 денари", се наведува во партиското соопштение.