Иванова: Деноноќно се работи да се спречи пожарот на депонијата во Радовиш, СДС повторно прави политички маркетинг - Канал 5

Македонија

Иванова: Деноноќно се работи да се спречи пожарот на депонијата во Радовиш, СДС повторно прави политички маркетинг

СДС Радовиш наместо конструктивен пристап, се обидува да ја претвори состојбата во инструмент за дневнополитички напади и собирање ситни политички поени.

Иванова: Деноноќно се работи да се спречи пожарот на депонијата во Радовиш, СДС повторно прави политички маркетинг

Во една ваква сериозна состојба, додека институциите, пожарникарите и јавното претпријатие деноноќно се борат со пожарот на депонијата, за што граѓаните се редовно информирани и се сведоци на активностите, СДС Радовиш наместо конструктивен пристап, се обидува да ја претвори состојбата во инструмент за дневнополитички напади и собирање ситни политички поени.

Иако Општината континуирано, преку социјалните мрежи со фотографии и видеа, ја информира јавноста за сите активности на терен, крајно нечесно и манипулативно е да се тврди дека не се преземаат никакви мерки. Во изминатиот период, Општината, Јавното комунално претпријатие и Територијалната противпожарна единица деноноќно и со максимални напори интервенираа на терен за гаснење на пожарот и намалување на чадот, со целокупната неопходна механизација постојано ангажирана на локацијата. Таквите тврдења претставуваат свесно искривување на реалната состојба и замајување на јавноста.

Дополнително, граѓаните се сведоци дека видеата кои се објавуваат од страна на СДС Радовиш, се снимаат токму на самата депонија и во моменти кога активностите на терен се во тек, но намерно се изоставуваат клучните делови каде што механизацијата и екипите интензивно работат. Со ваков селективен приказ повторно се создава искривена слика и се доведуваат граѓаните до заблуда.

Наместо поддршка во ваква сериозна состојба, повторно се избираат политички манипулации и обиди за собирање дневнополитички поени.

Факт е дека пожарите и ваквите појави секоја година се повторуваат. Минатата година гореше речиси цела Македонија, шуми, депонии и отворени површини, а сега повторно сме сведоци на слични ситуации. Сето тоа отвора сериозни сомнежи и прашања дали станува збор за организирани и координирани активности, за што очекуваме институциите целосно да ја утврдат фактичката состојба.

Очигледно е дека за СДС, секоја криза претставува можност за евтин политички маркетинг, ширење паника и создавање тензии. Граѓаните добро паметат кој со години ја остави државата без системски решенија, без инвестиции и без суштинска грижа за инфраструктурата и јавниот интерес. Грижата за граѓаните им е на втор план, а одговорноста кон општеството целосно изостанува, со што повторно покажуваат дека наместо решенија избираат манипулации и политички пресметки.

ВМРО-ДПМНЕ нема да учествува во ваков тип на валкана и деструктивна политика. Нашиот приоритет останува целосно насочен кон заштитата на граѓаните, справување со пожарот и целосно ставање на состојбата под контрола. Јавноста секогаш навремено и транспарентно се информира за сите официјални информации и понатамошни чекори.

На крај, надвор од оваа прес-конференција, сакаме да упатиме искрена благодарност и честитка до сите пожарникари по повод Денот на пожарникарите и сите други кои се активно вклучени во решавањето на овој проблем. Ви благодариме за вашата пожртвуваност, храброст и несебична посветеност, со која секојдневно стоите на првата линија во заштита на граѓаните и справувањето со вакви тешки ситуации. Вашиот труд, професионалност и жртва заслужуваат најголема почит и признание од сите нас, рече Марија Иванова, ОК Радовиш .

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода скопјанец кој управувал возило со 2,13 промили алкохол и без возачка

Лишен од слобода скопјанец кој управувал возило со 2,13 промили алкохол во организмот и без возачка дозвола, возилото е одземено.

Лишен од слобода скопјанец кој управувал возило со 2,13 промили алкохол и без возачка

На 09.08.2026 во 00:01 часот на локалниот пат Илинден – Марино, полициски службеници од Мобилната единица за безбедност на сообраќајот на патиштата при Секторот за сообраќајни работи го лишиле од слобода Д.В.(41) од Скопје.

При извршената контрола било констатирано дека тој управувал патничко моторно возило „опел“ со скопски регистарски ознаки под дејство на алкохол, при што му биле измерени 2,13 промили алкохол во крвта, а управувал и без да поседува возачка дозвола.

За настанот е известен јавен обвинител, а возилото е одземено. По целосно документирање на случајот, против него ќе бидат поднесени соодветни пријави по член 297-а од Кривичниот законик.

Засилените сообраќајни контроли ќе продолжат и во наредниот период.

Апелираме до сите учесници во сообраќајот да ги почитуваат сообраќајните правила и прописи, со што заеднички ќе придонесеме за побезбедни патишта

Тагови: Алкохол

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Мицкоски ја жртвува водата на граѓаните за туѓи дата центри и сопствени тендери

Европа се соочува со суша, намалување на водните ресурси и пресушување на реките, што создава проблеми за енергетскиот сектор и го зголемуваат ризикот од недостиг на електрична енергија и нов раст на цените.

СДСМ: Мицкоски ја жртвува водата на граѓаните за туѓи дата центри и сопствени тендери

А Македонија веќе е зависна од увоз на струја, додека во над 50 населени места граѓаните се соочуваат со проблеми со загадена вода.

Токму во вакви услови, Мицкоски и ВМРО-ОКГ сакаат водата и струјата на граѓаните да ги продадат и да ги стават во функција на странски дата центри за сопствени тендерски профити.

Големите дата центри трошат огромни количини електрична енергија и чиста вода, додека економскиот бенефит во однос на бројот на нови работни места и даночните приходи може да биде ограничен.

Еден голем дата центар може да троши меѓу 1 и 3 милиони литри вода дневно – количина споредлива со дневната потрошувачка на град со 15.000 до 30.000 жители.

Владата на Мицкоски не успева да обезбеди доволно чиста вода за пиење за граѓаните, а сега сака огромни количини вода да стави под ризицик за комерцијални дата центри.

Огромна потрошувачка на вода носи ризик од притисок врз водоснабдувањето, а огромната потрошувачка на електрична енергија отвора ризик од дополнителен увоз и повисоки цени.

Колку дополнителна струја ќе биде потребна за планираните дата центри и колку од неа ќе мора да се увезува?

И уште поважно – кој на крајот ќе ја плати таа струја?

Повторно граѓаните преку повисоки сметки.

Нема одговор ниту на прашањето од каде ќе доаѓа водата за дата центрите.

Колкава ќе биде потрошувачката? Дали ќе има испуштање затоплена вода назад во реките и какви последици тоа може да има врз биодиверзитетот и животната средина?

Водата и струјата не смеат да станат скапа авантура од која ќе профитираат блиските до Мицкоски и ВМРО-ОКГ, а цената ќе ја плаќаат граѓаните.

СДСМ е против ставање на водата и електричната енергија на граѓаните под ризик заради бизнис интересите на власта.

Затоа бараме мораториум за изградба на нови комерцијални дата центри кои користат системи за ладење со испарување на вода.

Водата и струјата се стратешки ресурси на граѓаните, а не нов извор за тендерски профити на ВМРО-ОКГ.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Се урна хеликоптер во Бразил, има загинати (ВИДЕО)

Четири лица загинаа вчера во хеликоптерска несреќа во Рио де Жанеиро за време на 20-минутен панорамски лет во Националниот парк Тижука, објавија бразилските медиуми.

Се урна хеликоптер во Бразил, има загинати (ВИДЕО)

Пилотот и тројца колумбиски туристи загинаа, објави порталот „G1“.

Хеликоптерот се урна во тешко пристапна пошумена област.

Пожарникарите мораа да користат техники за пристап со јаже за да стигнат до местото на несреќата и да го изгаснат пожарот што избувна откако хеликоптерот се урна и ја зафати вегетацијата.

Тагови: Бразил хеликоптер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер