Наука

Истражување: Мозокот минува низ 5 фази на развој во човечкиот живот- новост е дека адолесценцијата трае до 32. Година

Мозокот поминува низ пет различни фази во текот на човечкиот животен век, со клучни пресвртници на возраст од 9, 32, 66 и 83 години, според нова студија на научници од Универзитетот во Кембриџ.

Резултатите, базирани на скенирање на мозокот на околу 4.000 луѓе на возраст до 90 години, беа објавени во Nature Communications, и како што се покажа, адолесценцијата - период на клучни промени во мозочните врски - не завршува во тинејџерските години, туку трае до раните триесетти години, објавува BBC.

Според авторот на студијата, Алекси Мосли, „мозокот се развива во текот на целиот животен век, зајакнувајќи ги и ослабувајќи ги врските во различни фази“.

Научниците идентификуваа пет фази на мозокот: детство - до девет години - период на брз развој на мозокот, со истовремено намалување на големиот број синапси формирани рано во животот.

Потоа доаѓа периодот на адолесценција, од девет до 32 години - најголемиот скок во ефикасноста на мозочните врски, како и ризикот од ментални нарушувања.

Возраст од 32 до 66 години - стабилна фаза со побавни промени, за време на кои ефикасноста на невронската мрежа почнува малку да опаѓа.

Рано стареење - од 66 до 83 години - мозокот е сè повеќе одделен на функционални региони, што може да биде поврзано со појава на деменција и кардиоваскуларни проблеми.

Последната фаза на развој е доцното стареење од 83 години, кога промените од претходната фаза се продлабочуваат, со помалку достапни податоци поради помалиот број здрави испитаници на оваа возраст.

Професорите кои не учествувале во истражувањето оценуваат дека резултатите се „многу интересни“ и дека се вклопуваат во постојното знаење за развојот на мозокот и стареењето, забележувајќи дека индивидуалните разлики остануваат значајни.

Студијата, според авторите, би можела да помогне подобро да се разберат промените во ризикот од ментални нарушувања и деменција во текот на животот.

Тагови: животи мозокот

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Џеј Ло во тесно трико ги истакна облините

Што промени светската музичка ѕвезда, Џенифер Лопез во исхраната и рутината за вежбање за да изгледа вака супер на 57 години.

Папарацо-фотографиите го открија нејзиното совршено тело.

Мегапопуларната Џеј Ло со децении редовно вежба, но во текот на изминатата година значително ги промени својата исхрана и рутината за вежбање.

Дефинитовно оваа промена вродила со плод и сега жешката Латиноамериканка изгледа подобро од било кога.

Новите папарацо-фотографии од Џенифер Лопез во црно трико за вежбање и со чаша вода во рацете би можеле да бидат одлична мотивација за секоја жена.

Сепак, тешко е да се поверува дека оваа жена има 57 години и е мајка на две возрасни деца.

Тагови: Џенифер Лопез

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Видео-фото: Најпознатата плус сајз манекенка гордно го покажа телото: Вака изгледа мојот живот

Најпознатата плус сајз манекенка, Ешли Греам, се прослави токму по своите прекрасни облини, но и по храброста да ги покаже во секоја прилика – дури и пред оние што ја пречекуваат „со нож“.

Познатата убавица сега објави видео на Инстаграм во кое прикажа различни сцени, но и моменти од различни периоди на нејзиниот живот.

На него таа позира во бикини, поминува време со своите деца, ужива во бременоста и вежба, а пораката што сакаше да ја пренесе е дека телото на секого се менува и дека тоа е сосема нормално.

https://www.instagram.com/reel/DeO4MOMznWf/?utm_source=ig_embed

„Секако дека телото ми се менува. Вака изгледа мојот живот. Не би сакала ништо да биде поинаку“, напиша таа покрај видеото.

Нејзината објава предизвика лавина реакции за многу кратко време и сите го поздравија овој потег. Во коментарите ѝ упатија зборови на поддршка и ѝ се заблагодарија за искреноста.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Еврото падна на најниско ниво во однос на доларот во последните 17 месец

Еврото падна на најниско ниво во последните 17 мсеци во однос на американскиот долар под притисок на растечките стравувања за јавниот долг на Франција, растот на цените на енергенсите и неизвесноста на финансиските пазари.

На 5 октомври, европската валута се спушти на околу 1,12 долари, продолжувајќи го падот што од почетокот на 2026 година достигна приближно пет проценти. Аналитичарите оценуваат дека инвеститорите сè повеќе ги преиспитуваат ризиците поврзани со европската економија, но и очекувањата за каматната политика на американските Федерални резерви.

Особена загриженост предизвикува Франција, чиј јавен долг достигна речиси 118 проценти од бруто домашниот производ, додека буџетскиот дефицит останува висок. Растот на приносите на француските државни обврзници покажува дека задолжувањето на земјата станува поскапо, а дел од инвеститорите се насочуваат кон германските обврзници, кои се сметаат за посигурна инвестиција.

Слабеењето на еврото создава дополнителен ризик од инфлација, бидејќи увозот на нафта, гас и други производи што се плаќаат во долари станува поскап. Тоа може да изврши дополнителен притисок врз цените во Европа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.