Историска победа на Македонија над големата Германија - Канал 5

Фудбал

Историска победа на Македонија над големата Германија

Македонската фудбалска репрезентација запишатри големи бода против силната Германија со резултат од 2: 1 во Дуизбург.

Историска победа на Македонија над големата Германија

Дури и најголемите фанови на Македонија не веруваа дека нашите репрезентативци може да се надеваат на толку голема победа над големата Германија

Македонија ја совлада Германија со 2-1 во Дуизбург во 3. коло од групата Ј од квалификациите за Светското првенство.

Нашите Македонци одлично се справија со огромниот фаворит, а поведоа во втората минута од првото полувреме, кога искусниот Горан Пандев ја заврши убавата акција со гол.

Долго време гостите комбинираа околу шеснаесетникот на домашниот тим, Барди испрати нешто помеѓу удар и центаршут кон горниот дел од шеснаесетникот, а тука беше и Пандев потполно сам кој само ја претвори топката во гол за 0: 1.

Германија израмни во 63.минута со голот на Илкај Гундоган од пенал што го фаулираше Алиоски. Домаќините стискаа и се обидоа, но не создадоа премногу шанси. Македонците бранеа добро и дојдоа до победа во 85-та минута.

Адеми доби одлично додавање во казнениот простор и уште подобро ја испрати топката кон горниот дел од шеснаесетникот на Елиф Елмас, кој рутински погоди за 1: 2. Одиграни се дури седум минути за судиска компензација, но Германија не успеа да постигне гол.

Ова се големи, бодови во квалификациите за СП 2022 за Македонија, против првиот светски шампион пртив кого нашите репрезентативци извојувале победа .

По три одиграни кола лидер на табелата е Ерменија со максимални девет бода, а Македонија и Германија имаат три помалку.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

66 годишен кумановец почина на Клиниката за инфективни болести во Скопје од западнонилска треска

На Клиниката за инфективни болести во Скопје почина 66- годишен од западнонилска треска, објави директорот Фадил Цана. 

66 годишен кумановец почина на Клиниката за инфективни болести во Скопје од западнонилска треска

Пациентот бил со коморбидитети, односно имал и други болести. Директорот Цана изјави дека 66-годишниот пациент бил 28 дена хоспитализиран на оваа клиника и бил со потешка клиничка слика.

Цана информираше дека досега биле хоспитализирани 66 пациенти, сега во моментов 11 се на Инфективна, од кои едно лице е во потешка состојба. Последен прием на лице со западнонилска треска на Инфективна е од 19 септември, односно овој викенд.

Последниот е деветти смртен случај на западнонилска треска во државава, а сите починати досега се мажи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЈО: Мексиканец осомничен за напад врз полицаец во Скопје

Основното јавно обвинителство Скопје поведе постапка против мексикански државјанин поради сомнение дека сторил кривично дело – кривично дело – Напад врз службено лице при вршење работи на безбедноста.

ЈО: Мексиканец осомничен за напад врз полицаец во Скопје

Основното јавно обвинителство Скопје поведе постапка против мексикански државјанин поради сомнение дека сторил кривично дело – кривично дело – Напад врз службено лице при вршење работи на безбедноста од член 383 став 1 од Кривичниот законик.

На 19 септември, за време на манифестацијата „Октобер Фест – звуците на културата“, во паркот „Ѓорче Петров“, осомничениот телесно повредил полициски службеник кој се обидел да го легитимира. Го удрил полицаецот со лименка пиво во главата, а потоа повторно физички го нападнал и го удирал по рацете кога полицаецот сакал да го приведе.

Имајќи предвид дека се работи за лице без пријавен престој во државава, јавниот обвинител оцени дека постои ризик од бегство и до судијата на претходна постапка достави предлог за определување мерка притвор за 31-годишниот осомничен, соопштија од Јавното обвинителство.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Потврдено е: Си на средба со Трамп

 Кина потврди дека претседателот Си Џинпинг ќе оствари државна посета на Соединетите Држави, соопшти кинеското Министерство за надворешни работи. 

Потврдено е: Си на средба со Трамп

Кинескиот лидер ќе престојува во САД од 23 до 25 септември, на покана на американскиот претседател Доналд Трамп.

Првиот човек на САД, Трамп го покани Си во Белата куќа на 24 септември, за време на неговата посета на Пекинг во средината на мај.

Оваа посета ќе биде прва посета на Си Џинпинг на САД од 2023 година, кога тој отпатува во Калифорнија за состанокот на форумот за Азиско-пацифичка економска соработка (APEC) и се сретна со тогашниот американски претседател Џо Бајден.

Тагови: Доналд Трамп Си Џинпинг

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер