Шоу биз

Имам три срца! Бремената Бијонсе го преплави интернет со разголени фотографии

Само неколку часа откако потврди дека очекува Близнаци, Бијонсе објави нови разголени фотографии од себе, заедно со пораката: Имам три срца!

Фотографиите за среќната вест Бијонсе ги објави на својот веб-сајт. На една од нив е заедно со својата ќерка Блу Ајви која го бакнува стомакот на мајка и.

Претходно, веста дека очекува близнаци ја објави со фотографија на Инстаграм. На оваа фотографија таа носи бордо градник и сина долна облека, па многумина протолкуваа дека очекува момче и девојче.

Бијонсе и џеј Зи се во брак 9 години. Нивната ќерка Блу Ајви има 5 години. Во последниот период често се зборуваше дека бракот им е на стаклени нозе. Бијонсе имаше и стихови на разочарана жена во своите песни. Но, сега соопштуваат прекрасна вест - нивното семејство ќе се прошири со два нови члена.

По овој повод, Бијонсе објави многу приватни фотографии, меѓу кои и фотографија од 1981 година, на која е нејзината мајка која таа била бремена со Бијонсе!

Поп пејачката доби бројни честитки од своите колеги...

Свет

Армијата на Конго тврди дека спречила државен удар, три лица загинале во престрелката

Армијата на Конго соопшти денеска дека рано изутрината „спречила државен удар“ и ги уапсила сторителите, меѓу кои и неколку странци, а забележано е и пукање во главниот град Киншаса, при што загинаа три лица.

Портпаролот на армијата на Конго, генерал Силвен Екенге, на прес-конференција соопшти дека обидот за државен удар бил спречен од конгоанските одбранбени и безбедносни сили и дека ситуацијата е под контрола, но не даде повеќе детали.

Покрај тоа, се судриле луѓе во воени униформи и обезбедувањето на локален политичар во неговата куќа, на околу два километри од претседателската палата и делот од градот каде се наоѓаат некои амбасади. /МИА

Тенис

Сабаленка за поразот од Швјонтек: Сè уште сум среќна со резултатот во Рим

Белоруската тенисерка Арина Сабаленка го коментираше поразот од полската претставничка Ига Швјонтек во финалето на турнирот во Рим.

Таа истакна дека генерално е задоволна од нејзиниот настап во главниот град на Италија.

- Иако работите не одеа во моја корист, сепак сум среќен со резултатот во Рим. Во првиот сет не играв многу добро и не ја чувствував мојата игра. Во вториот се обидов да бидам малку поагресивна. Имав неколку можности да направам брејк. Можеби ако ги реализирав, натпреварот ќе испаднеше поинаку. Но, јас не го направив тоа. Ќе се обидам подобро следниот пат, рече Сабаленка на прес-конференција.

Во меч што траеше 1 час 29 минути Швјонтек победи со резултат 6:2, 6:3. Првиот светски рекет ја освои својата четврта ВТА титула во сезоната и 21-ва во кариерата.

Ова е втор меч на тенисерките во последните две недели. Швјонтек и Сабаленка се сретнаа на 4 мај во решавачкиот меч на турнирот во Мадрид. Тогаш победи исто така првиот рекет на светот. /МИА

Други спортови

Фјури побара реванш, Усик прифати

Британскиот боксер Тајсон Фјури, по поразот од Украинецот Олександр Усик во главниот меч на боксерската вечер во Ријад, потсети на клаузулата во договорот која предвидува реванш.

По објавувањето на резултатот, боксерите разговараа за одржување на реванш во октомври.

Усик, кој стана првиот апсолутен светски шампион во тешка категорија во 21 век, одговори: „Подготвен сум“.

За 35-годишниот Фјури ова беше прв пораз во кариерата. Пред оваа борба тој освои 34 победи и една борба со негово учество заврши нерешено.

Триесет и седумгодишниот Усик сега има 22 победи во 22 борби./МИА