И една недела по стапување на сила, постојат државни институции, како на пример претседателот на државата, кои се уште не го користат уставното име на земјава. На неговата веб страница се уште стои дека тој е прв човек на Република Македонија. Од кабинетот на Иванов не повикаа сите прашања кои ги имаме за тоа дали и кога шефот на државата ќе почне да го користи новото уставно име да ги доставиме преку мејл, а до почнување на вестите се уште не добивме одговор. За премиерот, очекувано дилеми по ова прање нема...

Тука се отвора прашањето дали постои некој механизам кој може да го надгледува и корегира спроведувањето или не спроведувањето на преспанскиот договор? Истово прашање лигетимно може да се постави и за грчката страна, откако вчера префектот на областа Централна Македонија, Ѕиѕикостас, порача дека нема намера новото име на земјава биде поставено на таблите во областа под негова надлежност. Додека новите гранични табли во земјава ги чува полицијата, портаполката на Нова демократија, Мариа Спираки пак изјави дека проблемот со сообраќајните табли во Грција е ирелевантен, бидејќи сега официјлано име на државава е Северна Македонија. Грчки министри пак од редовите на сириза, ветуваат дека Преспанскиот договор ќе биде спроведен навреме.

Инаку, за прашање дали на претстојните претседателски избори во земјава на избирачкото ливче ќе биде напишано дека се бира претседател на Северен Македонија, претседателот на ДИК Дерковски телефонски ни објасни дека ќе биде наведено само дека се „претседател на државата“.