Технологија

Илон Маск удри по „Википедија“ и стартува со „Грокипедија“, каде пишува историја како што му се допаѓа

Илон Маск ја лансираше Grokipedia, онлајн енциклопедија базирана на вештачка интелигенција, за која тврди дека ќе биде „поблиску до неговите ставови“ од Википедија.

Платформата го користи моделот на вештачка интелигенција Grok и веќе предизвика бројни контроверзии поради начинот на кој ги обработува политичките теми.

Според британскиот весник The Guardian, многу статии на Grokipedia се базираат на содржина од Википедија, но Grok последователно ги анализира, менува и дополнува. Маск тврди дека таков проект е „многу важен за цивилизацијата“ бидејќи би можел да понуди алтернатива на она што тој го нарекува „идеолошки пристрасни извори на информации“.

Вештачка енциклопедија без уредници, но со јасна позиција

За разлика од Википедија, Grokipedia нема човечки уредници, туку целата содржина е генерирана од системот на вештачка интелигенција Grok. Маск наведува дека идејата за проектот ја предложил Дејвид Сакс, поранешен функционер во администрацијата на Доналд Трамп задолжен за вештачка интелигенција и криптовалути.

Сепак, бројни новинари и аналитичари веќе ја обвинија Grokipedia за ширење дезинформации. Во написите, меѓу другото, настани како што е нападот врз Капитол од 6 јануари се опишуваат како „легитимен израз на незадоволство“, додека други тврдења, како на пример дека „порнографијата ја влоши епидемијата на ХИВ“, се сметаат за опасни и неточни.

Експертите предупредуваат дека платформата со вештачка интелигенција без човечка контрола би можела да стане ново оружје за ширење идеолошки наративи под маската на неутралност.

Тагови: Википедија Илон Маск

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Филипче од Егејот каде се луксузира на јахтата на својот ментор Заев координира напади и шири дезинформации за водата во Скопје

Филипче од луксузната јахта на својот ментор Заев координира напади и дава инструкции на партиските послушници од СДС да шират дезинформации на социјалните мрежи за наводно загадена вода во Скопје.

Додека СДС крие и се срами да каже дека нивниот лидер и чуварот на фотелјата на Заев на Бихачка се на заеднички одмор на јахтата на Заев на Егејот каде се луксузираат со украдените народни пари нивните партиски послушници по насока на Филипче креираат паника и хаос за водата во Скопје.

Венко Филипче од 6 ти август со својот мотор заминал преку граничниот премин Богородица по инструкции од Заев и од јахтата на Заев координира напади и ширење дезинформации за водата во Скопје.

Во недостаток на визија и идеи за државата, предавничкиот тандем Заев-Филипче единствено што можат е да шират лажни вести за водата, да нарачуваат штрајк на струмичките земјоделци и одгледувачи на пиперки додека во исто време манипулираат со ниските откупни цени преку фирмата на Заев „Мамас“.

Додека Филипче од јахтата на Заев на Егејот ужива и дава инструкции за напади и ширење дезинформации во Скопје на површина излезе целиот талог на СДС.

Филипче и СДС да не си поигруваат со здравјето и безбедноста на граѓаните, водата во Скопје е квалитетна и безбедна за пиење.

Водата не смее да биде инструмент на безидејната СДС и очајниот Филипче да соберат политички поен плус.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Мицкоски се враќа од екскурзија - дали ќе го пречекаат со ново знаме или е тоа само уметничка инсталација?

Денеска се враќа Христијан Мицкоски од бриселската екскурзија.

Прашањето е само едно: Дали ќе го пречекаат со ново знаме?

И уште поважно - каква боја добил? Дали поцрвенел од Брисел? Или само се испекол на сонце додека Гостивар сè уште користи техничка вода, без ниту еден документ дека е чиста дури и за тоа?

Ќе видиме дали Францускиот предлог конечно ќе го прифати како „ремек-дело на дипломатијата“, исто како што го прифати и Преспанскиот.

Ќе видиме дали конечно ќе признае дека јазикот, културата и националниот идентитет се апсолвирани - како што веќе кажа претседателката.

Ќе видиме дали НАТО сè уште му е „феноменален“ сојуз и за граѓаните, и за инвеститорите.

Штета што ги избрка повеќе од 60%.

Во кампањата ветуваше „подобра преговарачка позиција“.

Ветуваше нови гаранции.

Ветуваше дека ќе го смени името.

Ветуваше дека никогаш нема да застане пред натпис „Северна“.

Денес нема ништо од тоа.

Има само „тајни разговори под радарот“.

Има „промакедонска“ партија во која функционери и нивните семејства имаат бугарски пасоши и фирми.

Што те чека, Христијане?

Те чека кампања по урнек на Ванчо Михајлов - „талог“.

Те чека да му се јавуваш на Савевски и да почнеш со закани за апсење.

Те чекаат српските медиуми на Ало групата.

Те чека Ивона за Вучиќевиот Euronews.

Тоа се убавите работи што ги сакаш. Но има и други.

Те чека празен буџет.

Те чекаат плати и пензии.

Те чека Гостивар - цел месец.

Три цистерни вода за цел град.

Епидемија на жолтица.

Eпидемијс на Западнонилска треска.

Орце ќе прска прорив комарци дури во вторник - изгледа и тие што прскаат се на екскурзија.

Те чека отруена болница.

Пациенти во Тетово.

Ајде, почни.

Закани наместо решенија.

Лаги наместо одговорност.

Можеби и ова ќе го забраните со нов декрет - како оној за мигранти, по урнек на Хитлер.

Да не смее никој да спомене вода, треска, пациенти…

Добредојде назад, Христијане.

Граѓаните те чекаат.

И овојпат нема каде да избегаш.

Скопје, 14.08.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Бројот на потврдени случаи на западно нилска треска расте – во Македонија досега има 30 заразени

По прогласената епидемија во делови од Скопје, како, Кисела Вода, Гази Баба, Аеродром, Бутел и Илинден, бројот на потврдени случаи на западно нилска треска расте, па сега вкупниот број се искачи на 30.

Од нив 20 се уште се во болница, петмина, кои имаат над 60 години и се со други хронични болести се во критична состојба, на респиратор, потврдуваат за Канал 5 од Инфективната клинка. Досега имаме еден смртен случај, 83-годишен скопјанец, а 9 се излекувани, односно пуштени од болница дома. Експертите велат дека простор за паника нема.

Професор д-р Никола Пановски вели дека она што сега треба секој од нас да го прави е да се заштити, со сретства против комарци, со мрежи на вратите, а и во дворовите да се исчисти застоената вода што претствува добро место за размножување на комарците.

При симптоми како што се силна главоболка, зашеметеност, вкочанетот во вратот веднаш да се побара лекарска помош, но на своја рака да не се земаат лекови и антибиотици....

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.