Во соопштението за СНЛ, Муск се опишува како „извршен директор на Тесла и главен инженер на Спејс Икс, кој во април го започна вториот оперативен лет на неговото вселенско летало Драгон до Меѓународната вселенска станица“.

Маск го најави гостувањето на Твитер. Мајли Сајрус ќе биде музички гостин на SNL по шести пат.

Деловниот магнат е познат по својата необична смисла за хумор на Твитер, омилен начин за комуникација преку социјалните мрежи, но сè уште не е познато дали тој е навистина толку духовит и харизматичен како водител пред екраните за да го задржи 90 минути вниманието на гледачите на популарното шоу доцна во ноќта..

Маск претходно имал бројни забележителни настапи во медиумите - пушел марихуана на подкастот на Џо Роган и се појави во камео улога во Iron Man 2. Тој исто така се појави во камео улога во една епизода на Симпсонови и во серијата „The Big Bang Theory“ и неговиот спиноф, „Младиот Шелдон“.

Значи, Маск има одредено искуство во шоубизнисот, но до кој степен ќе може да води 90-минутно шоу, гледачите ќе дознаат на 8-ми мај.

Бројни корисници на социјалните мрежи реагираат на веста.

Еден од нив објавил на Твитер: „Се прашувам колку Маск им платил на Ен-Би-Си и Лорена Михаелс да се вклучат во шоуто. Се обложувам дека износот е доволен за финансирање на целата сезона на СНЛ 2021-2022“.

И многу професионалци биле изненадени од изборот на одборот на SNL да му понудат на Маск улога на домаќин. Досега домаќинот на шоуто го воделе комичари и актери, а не деловни магнати. Домаќини во текот на оваа сезона биле Ник Џонас, Маја Рудолф, Крис Рок, Иса Ре, Дејв Шапел, Џејсон Бејтмен, Тимотеј Шаламет и Кристен Виг.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.