Играл со Рамос и Алвес , а сега е без нога и едвај преживува (ВИДЕО)

Дарио Силва е поранешен фудбалер на неколку шпански клубови, кој по завршувањето на фудбалската кариера имал многу проблеми и заработува за живот како келнер.

Тој беше играч на репрезентацијата на Уругвај, играше на позицијата напаѓач и имаше одлична кариера играјќи за Каљари, Еспањол, Малага и Севилја, а исто така играше и во Портсмаут. Како играч на Портсмаут, тој се збогува од фудбалот.

"Се откажав од фудбалот заради татко ми. Ми рече дека не знае дали ќе преживее повеќе од два или три месеци поради болест", изјави Силва за шпанските медиуми кои го посетиле во Малага, додавајќи:

„Луѓето што ги ангажирав да ја продолжам кариерата ми ги украдоа парите. Тие располагаа со работите како што ќе посакаа и на крајот ме ограбија“, рече Уругваецот.

Животот навистина не го поштедил. Поради повредите од сообраќајна несреќа во Уругвај, останал без дел од ногата. Така, еден фудбалер, кој во својата кариера ја делеше соблекувалната со Дани Алвеш и Серхио Рамос во Севилја и постигна повеќе од 100 гола, падна на просјачки стап, а сега работи како келнер за да преживее.

Берлин и Париз напуштија преговори за СЗО поради САД

Германија и Франција ги напуштија преговорите за реформата на Светската здравствена организација , фрустрирани од обидите на САД да ги водат преговорите, иако Вашингтон одлучи да ја напушти таа организација.

Нивниот потег е удар за американскиот претседател Доналд Трамп затоа што вашингтон, кој моментно е претседател на Г 7, се надеваше дека ќе објави план за сеопфатна реформа на СЗО во јуни, два месеца пред претседателските избори во САД.

Никој не сака да биде вклучен во реформскиот процес и да добие нацрт од земја што штотуку ја напушти СЗО“, вели висок европски функционер што учествува во преговорите.на прашањето за потврда на одлуката на Париз и Берлин, портпаролите на Германија, Франција, Велика Британија и Италија немаа коментари.

Сепак, француското министерство за здравство објави дека САД не треба да бидат лидер во реформата на СЗО, бидејќи тие имаат намера да ја напуштат таа организација.

УХМР: Попладне, како и во вечерните и ноќните часови ќе биде нестабилно со пороен дожд, грмежи и засилен ветер

Управата за хидрометеоролошки работи и за денеска попладне најавува можност за невреме во Скопје и низ Македонија со пороен дожд и услови за појава на град.

Туристичките работници најавуваат нови протести и блокада на патиштата

Итна помош од државата, бараат туристичките работници. Во спротивно се закануваат со нови протести и блокада на патиштата. 

Вработените во еден од најпогодените сектори од коронакризата бараат најдоцна до 15 август да се пронајде решение за проблемите со кои се соочуваат. Бараат да се зголеми капацитетот на патници во автобусите, кој сега изнесува педесет проценти, но и да продолжи мерката за субвенционирање на платите во овој сектор, а тука покрај превозниците, спаѓаат и туристичките агенции и водичите.

-Прво одлуката беше дека од месец за месец ќе се поднесува за плата, за жал, јули месец помина, а нашиот промет во јули месец, на сите туристички агенции, превозници е незначителен, немавме доволно средства да ги пуштиме платите на вработените, а во овој момент немавни можност да поднесуваме за плата да ни се одобри за месец јули, изјави Ана Марија Алексова – туристички работник.

Алексова вели дека им била ветувана помош по завршувањето на изборите, но, посочуваат дека сега чекаат да се формира Влада. Вели препораките од здравствените власти до граѓаните да не се патува надвор од државата дополнително ја отежнала нивната работа.

-Имаме единствено аранжмани во Турција, Албанија и чартери за Египет. Ние се трудиме барем тоа да го продадеме, сите агенции заеднички во државава и да обезбедиме некако некои средства и сега ти ја слушаш таа препорака, која ги одвраќа дури најхрабрите кои што сакаат да патуваат. Извинете, седете не треба да се патува, не ви препорачуваме. Тоа е најголемиот револт што се појави кај нас, вели Ана Марија Алексова – туристички работник.

Работниците од туризмот веќе имаа мирен протест на 29 минатиот месец, во Скопје. Тогаш побараа помош, предупредувајќи дека ако државата не реагира веднаш секторот ќе се соочи со колапс. Таквата ситуација ќе доведе 5000 семејства да немаат приходи, а исто толку лица ќе бидат додадени на списокот во Агенцијата за вработување.

притисни ентер