Идејата за изградба на огради на границите на ЕУ со европски средства одново „на маса“ - Канал 5

Свет

Идејата за изградба на огради на границите на ЕУ со европски средства одново „на маса“

Европската комисија досега се воздржуваше од финансирање на изградбата на физички бариери на надворешните граници на ЕУ, наведувајќи дека „оградите не се најефикасната алатка за подобрување на граничната контрола“. 

Идејата за изградба на огради на границите на ЕУ со европски средства одново „на маса“

Еврокомесарот за внатрешни работи и миграција Магнус Брунер во дебата со европратениците изјави дека ЕУ „мора да ја преиспита“ позицијата во однос на контролата на своите надворешни граници, што поттикна шпекулации дека е можно Европската комисија да го промени својот став околу финансирањето на изградбата на огради и ѕидови долж граничните линии со средства од фондовите на блокот.

Европската комисија досега се воздржуваше од финансирање на изградбата на физички бариери на надворешните граници на ЕУ, наведувајќи дека „оградите не се најефикасната алатка за подобрување на граничната контрола“.

Уште во 2021 година, неколку земји членки на ЕУ, меѓу кои и Естонија, Летонија, Литванија, Полска и Унгарија, упатија писмо до ЕК во кое побараа таа „да се откаже од своите резерви“ и да ја прилагоди правната рамка на ЕУ со „новата реалност“, така што ќе дозволи „физичките бариери да бидат соодветно финансирани“ со европски средства.

Истата година, ЕУ усвои Регулатива за гранично управување и инструмент за визна политика, позната под кратенката БМВИ, со која се предвидува финансирање со европски средства на поставувањето сложени дигитализирани системи за надзор и контрола на границите, но не и за изградба или одржување на веќе изградените огради или ѕидови. За поддршка на земјите членки во граничниот надзор и контрола, согласно БМВИ, е утврден буџет од 6,4 милијарди евра за периодот 2021-2027 година.

Политичкиот аналитичар од Центарот за европска политика, Хелена Хан во изјава за „Еурактив“ посочува дека целата дебата околу финансирањето на изградбата на огради и ѕидови на надворешните граници на ЕУ е пред се политичка и го покренува прашањето каква политичка порака сака да се испрати со одново покренување на оваа тема.

Според неа, ЕК досега се воздржуваше од финансирање на изградбата на граничните огради со цел да избегне поистоветување на нејзините политики со оние на американскиот претседател Доналд Трамп за време на неговиот прв мандат околу изградбата на ѕид на границата меѓу САД и Мексико.

Сепак, Хан смета дека политичката реалност во ЕУ сега е променета и во новиот Европски парламент има „уште поголема поддршка“ за финансирање на изградбата на граничните огради со средства на ЕУ.

- Конзервативците сега се соочуваат со поголема конкуренција и притисок од екстремната десница и ја разгоруваат реториката пред избори, како што е случај во Германија, вели Хан.

Според анализа на Европскиот парламент, до 2022 година огради на делови од нивните граници изградиле 12 од тогашните земји членки на Шенген зоната.

Шпекулациите за можна промена на ставот на ЕК доаѓаат во време кога таа подготвува нова регулатива за депортација на мигрантите, која се очекува да биде претставена на мартовскиот Самит на ЕУ, како и измени на законот за Европската агенција за гранична и крајбрежна контрола (Фронтекс), со кои треба да се прошири нејзината улога во координирањето на депортацијата на мигранти и да овозможи тројно зголемување на нејзиниот персонал на 30.000 припадници.

Сепак, за сега, официјално нема најави дека овие измени би можеле да резултираат и со овозможување на финансирањето на граничните огради од страна на ЕУ.

Првата европска земја која ги огради своите граници беше Шпанија, која во раните 90-ти години на минатиот вел изгради ѕид висок шест метри висок околу нејзините енклави во Северна Африка, Сеута и Мелиља, кои граничат со Мароко.

Од тогаш беа регистрирани повеќе случаи на загуба на животи при обиди за преминување на ѕидовите и влез во шпанските енклави. Најтрагичниот инцидент се случи во јуни 2022 година, кога, според мароканските власти, 23 мигранти и двајца полицајци загинале при обид за преминување на ѕидот кај Мелиља. Од друга страна, според невладините организации „Отворени граници“, бројот на жртвите во овој инцидент бил 37.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Расел Бренд е сместен во озлогласен затвор- бил престрашен

Британскиот актер и комичар Расел Бренд (51) се соочува со можност за долга затворска казна откако беше прогласен за виновен за силување на една жена и сексуален напад на три други.

Расел Бренд е сместен во озлогласен затвор- бил престрашен

Неговиот случај предизвика бран реакции во Велика Британија, особено поради начинот на кој жртвите на сексуален напад се третираат на суд.

По пресудата, се зголемуваат повиците за промени во законските правила што ги регулираат судењата за силување.

Причина за ова беа некои од тврдењата изнесени за време на одбраната на Бренд, за кои шефот на лондонската метрополитенска полиција, Сер Марк Рол, рече дека се опасно блиску до обвинување на жртвата.

Тој предупреди на широко распространетите предрасуди за тоа како треба да се однесува лице кое преживеало сексуален напад, нагласувајќи дека не постои универзален одговор на такво искуство.

- Некои луѓе ќе се борат, некои ќе се замрзнат од страв. Некои веднаш ќе кажат некому што се случило, додека други ќе молчат со години. Нема еден начин да се одговори, рече Рол.

Тој ја поддржа иницијативата на комесарката за права на жртвите, Клер Ваксман, која се залага судиите да имаат законска обврска да ги информираат поротниците за митовите и заблудите за силувањето и однесувањето на жртвите.

Според нејзиниот предлог, ваквите предупредувања треба да бидат составен дел од секое судење за силување, а иницијативата би можела да биде вклучена во законот за судови и трибунали.

Роле, исто така, очекува дека по пресудата на актерот, повеќе жени би можеле да бидат охрабрени да се јават доколку преживеале сексуално насилство.

Расел Бренд е во озлогласен затвор

Додека чека понатамошен развој на судскиот случај, Расел Бренд е во затворот Вандсворт, во југозападен Лондон, кој е познат по своите многу тешки услови.

Поранешниот тенисер Борис Бекер претходно зборуваше за овој затвор, откако отслужи казна таму откако беше осуден за прикривање средства во вредност од околу 2,5 милиони фунти за да избегне плаќање долгови по прогласувањето банкрот.

Потсетете се дека Бекер беше осуден на две и пол години затвор во 2022 година, а подоцна опиша колку тешко му било времето зад решетки. Тој рече дека бил опкружен со осуденици за најтешки кривични дела, вклучително и убијци, и дека еден затвореник дури му се заканил со смрт.

- Вандсворт е навистина голем, многу валкан и исклучително опасен затвор. Има убијци, педофили, дилери на дрога, среќавате секакви луѓе. Сè се сведува на преживување. Кога ќе излезете од ќелијата, мора да се грижите за себе, бидејќи чуварите нема да го сторат тоа наместо вас - претходно рече Бекер.

Поранешниот шампион на Вимблдон призна дека на почетокот се обидел да избегне контакт со очите со другите затвореници и да се држи настрана за да избегне проблеми.

Жена во скандалот проговори на Би-Би-Си

По пресудата на Бренд, се огласи и Џорџина Бејли, жената во центарот на скандалот Саксгејт во 2008 година.

Во тоа време, Расел Бренд и водителот Џонатан Рос оставаа несоодветни и навредливи пораки на телефонската секретарка на нејзиниот дедо, актерот Ендру Сакс, познат по улогата во серијата „Фолти Тауерс“.

Нивните пораки предизвикаа огромен јавен негод, што го натера Бренд да го напушти Би-Би-Си Радио 2, додека Рос беше суспендиран три месеци. Скандалот, исто така, доведе до промени во начинот на кој британскиот јавен сервис ја контролираше содржината на своите програми.

Џорџина сега изјави дека верува оти правдата е задоволена по пресудата на Бренд.

- Иако никогаш не ме силувал ниту нападнал, како што секогаш сум велела, не знаев што се случувало зад затворени врати меѓу него и жените што го обвинувале. Нивните сведоштва беа убедливи. Тој беше прогласен за виновен и сега сакам да ја исправи неправдата што ја направил - рече таа.

Расел Бренд е татко на три деца, а за време на судењето, кое траеше речиси четири недели, поротата размислуваше околу осум часа пред да донесе одлука за неговата вина.

Според британските медиуми, кратко пред да биде објавена пресудата, Бренд ѝ се обратил на својата сопруга Лаура Галагер со зборовите: „Лаура, те сакам“.

Тагови: Расел Бренд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Напаѓачот во Краков е полски државјанин, луѓето се собраа околу него- уби 6 минувачи и рани 15 (ВИДЕО)

На социјалните мрежи се појави ново морничаво видео од масакрот во Краков, каде што неидентификуван вооружен човек убил шест лица и ранил уште 15 од автомобил во движење пред да биде неутрализиран од полицијата.

Напаѓачот во Краков е полски државјанин, луѓето се собраа околу него- уби 6 минувачи и рани 15 (ВИДЕО)

На видеото се гледа вооружениот човек како лежи на земја кратко откако бил застрелан од полицијата, додека сѐ повеќе луѓе се собираат околу него. Се гледа и автомобилот од кој наводно отворил оган, а во кој полицијата пронашла голема количина оружје и муниција.

На видеото се гледа и лицето на вооружениот човек, облечен во камуфлажа, како лежи на тротоарот. За потсетување, полицијата потврди дека вооружениот човек е полски државјанин, но неговиот идентитет сè уште не е објавен.

Полските медиуми претходно објавија дека кај него е пронајдена автоматска пушка што ја користат локалните безбедносни служби.

„Можам да потврдам дека сторителот е полски државјанин“, изјави за „Онет“ Катаржина Цисло, портпаролка на полицијата на Малополското војводство, давајќи нови детали за нападот што ја шокираше јавноста низ целата земја и низ цела Европа.

„Мажот немал никакви документи со себе. Полицијата успеала да го утврди неговиот идентитет преку оперативна работа“, додаде таа.

Онет неофицијално дознава дека напаѓачот од Краков има 24 години. Тој моментално е на операција откако бил застрелан од полицијата. Според полските портали, неговата состојба е критична.

Претходно имаше одредена конфузија кога Одделот за полиција на градот Краков ѝ соопшти на Полската новинска агенција дека, според прелиминарните информации, во пукањето учествувале двајца сторители, од кои едниот бил ранет од истрел.

Ранетиот полицаец критично повреден, претрпел три прострелни рани

Меѓу ранетите има двајца полицајци, од кои едниот е во критична состојба откако претрпел три прострелни рани.

Нападот бил извршен од автомобил во движење, при што загинале 6 минувачи, а ранети се 15. Мотивот за нападот и идентитетот на сторителот не се прецизирани.

Полските медиуми, исто така, објавија дека напаѓачот имал автоматска пушка од типот што го користат полските безбедносни служби.

Тагови: краков минувачи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Дали е ова следната претседателка на Германија?

Следниот претседател на Германија најверојатно ќе биде сегашната претседателка на баварскиот покраински парламент, Илзе Ајгнер, објави синоќа „Билд“.

Дали е ова следната претседателка на Германија?

Следниот претседател на Германија најверојатно ќе биде сегашната претседателка на баварскиот покраински парламент, Илзе Ајгнер, објави синоќа „Билд“, повикувајќи се на двајца високи функционери од конзервативната германска партија Христијанско-демократска унија (CDU).

Ајгнер ќе биде номинирана за позицијата од страна на CDU и централно-левичарската Социјалдемократска партија (SPD), а одлуката официјално ќе биде објавена во понеделник.

Баварскиот премиер и лидер на CSU, Маркус Зедер, ја предложи Ајгнер за кандидат уште во април.

Премиерот на СПД во Бранденбург, Дитмар Војтке, ја опиша Ајгнер како „совршен кандидат“ кој ја познава германската политика „како прстите на раката“.

Ајгнер е членка на Христијанско-социјалната унија (CSU), баварската сестринска партија на CDU, предводена од канцеларот Фридрих Мерц.

Таа беше министерка за земјоделство помеѓу 2008 и 2013 година.

CDU и CSU формираат заеднички парламентарен блок во Бундестагот, а во Европскиот парламент се дел од Европската народна партија.

Иако ЦСУ долго време доминираше во баварската политика, ниту еден германски канцелар или претседател никогаш не дошол од нејзините редови.

Позицијата претседател на Германија е во голема мера церемонијална, додека политичката програма на владата ја одредува канцеларот.

Германија никогаш немала жена претседател (федерален претседател/бундеспрезидент), бидејќи сите 12 претседатели во 77-годишната историја на Сојузна Република Германија биле мажи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер