Автомобилизам

И Бентли ја одложи премиерата на својот прв електричниот модел

Bentley планираше наскоро да го претстави својот прв електричен модел.

Сепак, тоа нема да се случи во 2025 година како што е планирано. Извршниот директор Адријан Халмарк изјави за Automotive News Europe дека моделот е одложен за една година поради технички проблеми предизвикани од софтверски проблеми, како и „сомнежи за платформата“. Електричниот модел се очекува да биде лансиран до крајот на 2026 година, но испораките на клиентите нема да започнат дури пред 2027 година.

И британскиот Autocar доби слични информации. Дознаваат дека Бентли ја одложил целта да стане целосно електричен до крајот на деценијата. Според новиот план, ултра луксузниот британски бренд сака целосно да се ослободи од автомобилите на бензин до 2033 година.

Ваквото значително одложување ќе ѝ овозможи на компанијата да инвестира повеќе во plug-in хибриди, сè со цел да се олесни преминот кон целосно електрични возила на почетокот на следната деценија.

Првиот електричен модел на Bentley ќе ја користи платформата PPE (Premium Platform Electric) заеднички развиена од Audi и Porsche, која ја користат и неодамна претставениот Audi Q6 E-Tron. Доцнењето доаѓа откако претходно доцнеа технолошки поврзаните Porsche Macan и Audi Q6 E-Tron.

Во секој случај, моторот W12 дефинитивно заминува во историјата. Наместо тоа, Bentley ќе го претстави v8 моторот во форма на plug-in хибрид. Ќе биде инсталиран во GT, GTC и Flying Spur, наводно веќе оваа година. Сегашниот V6 PHEV останува, додека Bentayga ќе го задржи својот чист бензински погон до 2026 година, кога теренецот треба да биде чисто електричен.

Македонија

Состојба на патиштата

Сообраќајот на државните патишта се одвива непречено, по суви коловози. 

Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Македонија

ЦУК: Осум пожари на отворено во изминатото деноноќие

Во последното деноноќие се евидентирани осум пожар на отворен простор, а активни утрово нема. Горела ниска вегетација, депонии и ѓубришта, соопшти ЦУК.

По еден пожар на отворено имало во село Трубарево (ниска вегетација), зад терминалот на влезот во Струмица (ѓубриште) и кај пробиштипското село Неокази (трска). Во Општина Ѓорче Петров имало два, кај „Стопански двор“ (ниска вегетација) и кај „Обиколница Волково“ (ниска вегетација). Три пожари на творено имало во Општина Кочани - горела градската депонија, кај месноста „Монополски Бавчи“ (ѓубриште) и кај местото „Игралиште“ во Кочани (ѓубриште).

Забава

Танц парада и мини концерт во Струга по повод Светскиот ден на танцот

Со танц парада и мини концерт на отворено, под мотото „Струга танцува“ студиото за танц „Бах“ денеска по четврти пат ќе го одбележи Светскиот ден на танцот - 29 април.

Тања Бах, кореограф и идеен творец на студиото за танц информира дека членовите на „Бах“ ќе тргнат од центарот за култура „Браќа Миладиновци“, покрај кејот на реката Црн Дрим ќе продефилираат низ Струшката чаршија, а потоа ќе одржат концерт во Паркот на поезијата.

-Танц парадата е еден креативен начин да го одбележиме Светскиот ден на танцот. Парадата е нашиот придонес во културните настани во градот на мостовите. Ќе приредиме едно вистинско уживање за публиката и на за нас својствен начин ќе потсетиме за физичките и психичките придобивки од танцувањето, изјави Бах.

Во Паркот на поезијата, додаде, 100-тината членови на „Бах“ ќе ја продолжат танцовата традиција во Струга.

Светскиот ден на танцот за прв пат е прославен на 29 април 1982 годинаа, оттогаш, секоја година на овој ден ширум светот се читаат меѓународни и национални пораки за танцот. Оваа иницијатива ја покрена Меѓународниот одбор за танц на Меѓународниот инститиут за танц на УНЕСКО, а го избра денот според роденденот на зачетникот на модерниот балет и еден од најголемите танцови реформатори, Жан Жорж Новер. /МИА

притисни ентер