Hyundai го претстави електричниот Ioniq 5 со ретро дизајн (ВИДЕО)

Технолошки напредната електрична новина привлекува внимание со својата технологија, но и со исклучително оригиналниот ретро дизајн.

Само еден поглед на новиот Ioniq, со кој што, патем, започнува истоимената под-марка на електрични возила, потсетува на 80-тите години на минатиот век. Но, елегантниот ретро дизајн може да измами бидејќи ова е технолошки веројатно најнапредниот автомобил во опсегот.

Се заснова на новата E-GMP (електрична-глобална модуларна платформа) развиена исклучиво за електричните модели на корејската група. И тоа го носи најдоброто на почетокот - големо растојание помеѓу оските и многу простор над подот.

И не само тоа, новата платформа најавува двојна компатибилност, со полначи од 400 и 800 волти.

Моќниот полнач од 350 kW, Ioniq ќе ги полни батериите од 5 до 80% за само 18 минути. За домет од 100 км, доволно е пет минути полнење.

Ќе има две конфигурации во однос на батериите, со 58 и 72,6 kWh, а клиентите ќе можат да избираат помеѓу верзии со еден или два електрични мотори. Најмоќната верзија носи поголеми батерии и над 300 КС и 600 Nm. Во превод, потребни се 5,2 секунди за да се достигнат 100 км на час, а максимумот е ист во сите верзии - 185 км на час.

Опсегот варира во зависност од дизајнот. Така, послабите перформанси имаат 470 км со поголеми батерии, но и максимални 217 КС и 350 Нм и спринт до 100 км на час за 7,4 секунди.

Опсегот AWD започнува со комбинација на заден мотор од 163 КС (и 350 Nm) и преден мотор од 72 КС (и 255 Nm). Со синергетски 235 КС и 605 Нм со 100 км на час, тој пристигнува за 6,1 секунди.

Основната верзија со помала батерија има и помалку моќност (170 КС и 350 Нм), што значи спринт до 100 км на час за 8,5 секунди.

Она што е можеби најмногу изненадува е надворешниот дизајн кој остана во согласност со концептот (45 EV). Атрактивно од секој агол, вешто ги комбинира модерните детали (светла) со ретро дизајн со остри агли.

Најдоброто нешто е што Hyundai Ioniq 5 ќе се најде на европските патишта веќе во втората половина од годината, а почетната цена на германскиот пазар треба да биде околу 42.000 евра. Специјалното издание Project 45 во врвна комбинација чини 59.550 евра и прво ќе се најде на пазарот.

На Пониква се одржа скијачки натпревар „Осоговски велеслалом"

Вкупно 82 скијачи од десетина градови од државата учествуваа на натпреварот „Осоговски велеслалом" што денеска се одржа на Пониква.

Распределени во пет возрасни категории, цицибани, деца, млади, сениори и ветерани, скоро сите ја завршија трката, што се одржа на ски-патеката 3.

Организатор на настанот беше Општина Кочани во соработка со Скијачката федерација на Македонија и со скијачи рекреативци од Кочани.

– Задоволни сме од одѕивот и бројноста на учесниците кои дојдоа не само од Кочани, туку и од Штип, Скопје, Битола, Виница и други градови. Тоа само ги потврди нашите очекувања дека интересот за скијањето е голем и недостасуваат натпреварувања од ваков карактер. Иницијативата за организирање „Осоговски велеслалом" е наша, со цел да го обновиме натпреварот што се одржуваше пред неколку децении, а во исто време да ја промовираме Пониква како скијачки центар. Исто така, сакаме да ги мотивираме децата и младите да научат да скијаат, а тие што веќе ја поседуваат оваа вештина, повеќе да ја практикуваат, истакна градоначалникот на Кочани, Николчо Илијев.

На натпреварот „Осоговски велесламом" учествуваше и швајцарската амбасадорка Сибил Зутер Техада, која успешно ја заврши трката.

Релативно високите дневни температури и топењето на снегот не ги попречија организаторите добро да ја подготват ски-патеката, за што поддршка дадоа и Територијалната противпожарна единица од Кочани и служби од Министерството за внатрешни работи.

По завршувањето на натпреварот и прогласувањето на победниците, најуспешните натпреварувачи во сите категории добија награди и признанија што ги обезбеди Општина Кочани. /МИА

Затворен угостителски објект во Кичево поради непочитување на протоколите за работа

Полициски службеници од ОВР Кичево, во содејство со Државниот пазарен инспекторат вчера во периодот од 19 до 22 часот, извршиле контрола во повеќе угостителски објекти на подрачјето на ОВР Кичево во врска со почитување на мерките за заштита од Ковид.

Од МВР денеска информираа дека при контролата било констатирано дека угостителски објект на ул.„Маршал Тито" во Кичево не ги почитува протоколите за работа на угостителски објекти и од страна на Државниот пазарен инспекторат објектот бил затворен.

По целосно документирање на случајот, најавуваат од МВР, ќе биде поднесена пријава по член 206 од Кривичниот законик за „непостапување според здравствените прописи за време на епидемија".

ВМРО-ДПМНЕ: Единствената средба за која знаеме е таа на Заев и Мијалков во ВМРО-ДПМНЕ

Единствената средба за која знаеме е таа на Заев и Мијалков, каде Заев му ветуваше слобода, за возврат бараше креирање на проблеми во ВМРО-ДПМНЕ.

А ако СДСМ има нешто против меѓународната заедница и Шведска нека каже. Настанот во хотелот Мериот е организиран од страна на шведската фондација Јарл Халмарсон, која ја поддржува ВМРО-ДПМНЕ и помага при градење на кадри и политики, доколку СДСМ има проблем со тоа нека каже.

СДСМ не треба да заборави дека Сашо Мијалков е таму каде што е заради притисокот на ВМРО, народот и меѓународната заедница.

Да се прашуваше Зоран Заев, Сашо Мијалков се уште ќе беше на слобода и сега заедно ќе правеа вештачки кризи во ВМРО-ДПМНЕ, за да ја спасат фотелјата на Заев и да ја купат слободата на Мијалков.

Криминалот повеќе не поминува. Одговорност ќе има. Во СДСМ тоа го знаат и затоа се нервозни.

Центар за комуникации на ВМРО-ДПМНЕ

притисни ентер