Хрватска преговара со Русија за набавка на вакцините Спутник V - Канал 5

Балкан

Хрватска преговара со Русија за набавка на вакцините Спутник V

Хрватска потврдилa дека е заинтересирана за купување на руската вакцина Спутник V, објави вечерва Руската амбасада во Хрватска на својата Фејсбук страница и профилот на Твитер.

Хрватска преговара со Русија за набавка на вакцините Спутник V

Амбасадата наведува дека во денешниот телефонски разговор меѓу рускиот амбасадор во Хрватска, Андреј Нестеренко и хрватскиот министер за здравство Вили Берош, „е потврдено дека хрватската страна е заинтересирана да ја купи потребната количина вакцина Спутник V од Русија во согласност со сите регулативи и закони на ЕУ, како и законите во Хрватска“.

„Соговорниците изразија заедничко мислење дека ова прашање мора итно да се реши, со оглед на фактот дека одредено ниво на инфекција останува во Хрватска, а откриени се и нови соеви на коронавирусот што сè уште не се проучени од епидемиолозите и можат сериозно да го загрозат здравјето на граѓаните на која било земја, вклучително и на Хрватска “, се наведува во соопштението на Амбасадата на Русија на Фејсбук.

Според агенцијата ХИНА, амбасадата тргнува од претпоставката дека во борбата против корона вирусот „ мора да ги здружат силите за здравјети на граѓаните на двете земји со хрватските партнери “.

Агенцијата забележува дека кон средината на февруари, амбасадорот Нестеренко за руската агенција РИА Новости изјавил дека амбасадата е во контакт со официјален Загреб во врска со обезбедувањето руска вакцина против корона.

Амбасадата порано соопштила дека секојдневно добивале барања од хрватски граѓани за набавка на руска вакцина.

„Има контакти со хрватските власти, но од разбирливи причини не можеме да откриеме детали со оглед на чувствителноста на темата“, рекол тогаш Нестеренко, додавајќи дека секоја странска земја мора да одлучи дали сака да купи вакцина од руско производство.

После таа изјава на амбасадорот, хрватскиот министер за здравство Вили Берош рече дека Хрватска се договорила со Русија за соработка во набавката на вакцините, но дека стручните институции треба да го пронајдат вистинскиот начин да интервенираат при увозот на Спутник V.

Според Берош, би било оптимално главната агенција на ЕУ за регулирање на лекови (ЕМА) да ја одобри вакцината, што наводно руската страна очекува да се случи во април.

Европската комисија претходно денеска објавила дека разгледува итно одобрување на вакцините против kovid-19 како побрза алтернатива на сегашните строги услови што се применуваат при одобрувањето на вакцините, објави Ројтерс.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Видео: Масакр на аеродромот во Ријад: 12 загинати, повеќе од 300 повредени

Дванаесет лица загинале, а повеќе од 300 беа повредени во вчерашниот ракетен напад врз Меѓународниот аеродром „Крал Калид“ во Ријад, соопштија саудиските власти. 

Видео: Масакр на аеродромот во Ријад: 12 загинати, повеќе од 300 повредени

Одговорноста за нападот ја презедоа јеменските Хути, кои се поддржани од Иран.

Меѓу загинатите има четворица државјани на Саудиска Арабија, како и државјани на Бангладеш, Палестина, САД, Египет, Јордан, Сирија и Судан. Некои од повредените се во критична состојба.

Проектилот погоди дел од аеродромскиот комплекс каде што се наоѓаат терминалите 3 и 4 за домашни летови. Ова беше трет напад врз аеродромот во Ријад во рок од неколку дена.

По нападот, сите аеродромски операции беа привремено прекинати, а летовите наменети за Ријад беа пренасочени кон други аеродроми. Очевидец изјави за Ројтерс дека по експлозијата видел неколку повредени лица како лежат во терминалот. Друг повреден патник раскажа дека видел нешто на небото непосредно пред ударот, по што дел од таванот се урнал во близина на излезот за качување во авион.

Саудиската управа за цивилно воздухопловство претходно извести за жртви, повредени лица и материјална штета како последица на претходни напади. Тројца саудиски државјани загинаа во нападите на 8 октомври, додека еден судански државјанин почина претходниот ден во посебен напад врз аеродромот во Ријад.

По најновиот напад, Хутите изјавија дека авиокомпаниите треба да го избегнуваат саудискиот воздушен простор, кој тие го прогласија за зона на воени дејствија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Столе Наумов на „Кавга со Иван“

Утре, во оригиналното шоу „На кавга со Иван“ ќе гостува Столе Наумов

Столе Наумов на „Кавга со Иван“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: 85 години борба против фашизмот! Да не ни се повтори Ванчо Михајлов

Пред 85 години партизаните излегоа за слободна држава. За слобода. За достоинство на човекот. Против фашизмот!

СДСМ: 85 години борба против фашизмот! Да не ни се повтори Ванчо Михајлов

Не за поделба. Не за понижување на народот. Не за да го викаат талог, мочуриште, медиокритети, глодари. Тој речник не е од 11 Октомври и вредносите на НОБ. Тој речник е од друга традиција. СДСМ ја памети својата, секогаш на вистинската страна на историјата.

Антифашизмот не е споменик туку обврска. Обврска да се живее во мир и слога, не во закани и раздор.

Обврска законот да важи за сите, не само за оние што немаат кабинет. Обврска зборот да биде слободен, а медиумот да не биде во мрак.

Обврска државата да работи за себе, не за интерес на друга земја.

Иднината е во Европа. Во подобар стандард. Во плата од која се живее достоинствено и добро. Во пензија што не се крои секој месец. Во чиста и здрава вода. Во млади што остануваат дома, не затоа што им е речено да бидат патриоти, туку затоа што имаат работа, дом и иднина.

Патриотизам е како се живее денес и што им се остава на децата утре.

Да не мораат да земаат бугарски пасоши. Да не мораат да глумат патриоти заради личен интерес, туку вистински да ја сакаат и да ја почитуваат својата татковина. Лажниот патриотизам не смее да биде пат кон власт.

Македонија не е депонија за туѓ проект. Не е рудник за туѓа муниција. Не е хардвер за туѓа дигитализација. Не е ходник за туѓа агенда. Не е каса за провизија. Македонија е заедничка татковина.

Се работи за сопствената татковина, се живее со соседите. Доколку е потребно и се преговара, не се провоцира.

Предците се бореа да имаме држава. Денешната генерација има битка за иднината. Битка против корупцијата и криминалот, за подобар живот, повисоки плати. Битка за слобода на говор и медиуми. Битка за нормален и достоинствен живот. Битка да живее чесниот свет, не банда. Заедничка битка за Европа.

СДСМ е наследник на таа борба. Со демократски средства. Со вистина. Со глас на народот.

Државата ќе ја вратиме во служба на народот. Иднината не е во поделбите. Иднината е во Европа, во правда и во слобода.

Скопје, 11.10.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер