,,На 42. годишна возраст останав бремена , тоа го знаеја само луѓето кои ми беа блиски. Во шестиот месец од бременоста, доживеав спонтан абортус и изгубив девојче, на кое Ештон и јас веќе му избравме име - Чаплин Реј. Срцето на бебето престана да му чука, и јас се чувствував виновна затоа што пиев алкохол за време на бременоста “, напиша 56 годишниот Деми Мур во својата книга „ Внатре надвор “, која ќе излезе на крајот од септември.
Актерката детално ја раскажа својата љубовна врска со Ештон Кучер, со кого ги оживеала младешките години и доживеала работи што не ги правела кога имала дваесет години. Деми во книгата открива дека била силувана на 15-годишна возраст.
Таа го напуштила семејниот дом на нејзиниот 16 роденден, а на 18-годишна возраст се омажила за музичарот Фреди Мур.
Повеќето од нејзината младост ја одбележале нејзината зависност од кокаин и алкохол и имала нарушувања во исхраната.
Таа се вратила на сите овие зависности откако го изгубила бебето и земала големи количини таблети Викодин. Се чувствувала виновна за абортусот и подоцна не успеала да забремени со вештачко оплодување.
Ештон ја изневерувал, а во 2011 година престанаа да живеат заедно.
Пред официјално да се разведат во 2012 година, Деми имаше епилептичен напад, откако пушела синтетички канабис и вдишувала нитроксид.
Потоа, таа отишла во клиника за рехабилитација. Призна дека нејзините три ќерки, кои ги има со Брус Вилис, почнале да ја избегнуваат и дека не сака да остане без нив. Како што признава, денестаа е „чиста“ и не сака да користи никакви дроги, бидејќи не сака веќе да ја загуби контролата врз својот живот.