Веста за раѓањето ја откри режисерот Виктор Косаковски за време на неговиот говор на филмскиот фестивал во Цирих. Режисерот рече дека Хоакин Феникс не е присутен на презентацијата на филмот Гунда, чиј продуцент е тој, бидејќи неодамна добил дете.
„Тој доби прекрасен син по име Ривер“, рече Косаковски.
Ривер Феникс е името на трагично починатиот брат на Хоакин, кој беше голема холивудска sвезда и починал на само 23 години. Ривер се предозирал во клубот (во придружба на неговата девојка Саманта, сестрата Рајн и братот Хоакин, кој во тоа време имал 19 години) со комбинација на кокаин и хероин.
Хоакин повикал брза помош кога неговиот брат се онесвестил пред клубот, а тој повик подоцна бил објавен во голем број медиуми.
„Има напад, ве молам, мора да дојдете што е можно побрзо, ве молам, затоа што тој умира“, рекол во солзи актерот. Лекарите пристигнале, но не успеале да го спасат и починал само час и половина после тоа.
Судејќи според начинот на кој зборувал за неговиот брат во интервјуата, Хоакин му бил многу приврзан.
"Се чувствувам буквално дека секој филм што го снимам е врзан за Ривер. Мислам дека целото наше семејство го чувствува неговото присуство и лидерството целиот свој живот. Ривер беше одличен актер и голема sвезда, но мислам дека не беше свесен за тоа", рече тој во јануари оваа година во интервју за емисијата ,,60 минути’.
Тој исто така се присетил на својот брат во својот говор по освојувањето на Оскарот, цитирајќи стих од песната што Ривер ја напишал кога имал 17 години.
Веста дека Руни Мара и Хоакин Феникс го очекуваат своето прво заедничко дете протекоа во мај оваа година.
Двојката се запознала на снимањето на филмот на Спајк Јонзе, Her , но тие започнале да се дружат во 2017 година, кога го снимале филмот ,,Марија Магдалена”.
Феникс минатата година во „Венити фер“ призна дека прво бил убеден дека Мара го презира. Подоцна сфатил дека е заинтересирана за него, но таа била премногу срамежлива да го изрази тоа.
„Таа е единствената девојка што некогаш сум ја барал на Интернет“, објасни тој. "Бевме само пријатели, пријатели по е-пошта. Никогаш пред тоа не сум гледал девојки на Интернет".
Кон средината на минатата година, двојката се верила.