Хипер: Мора да го засилиме притисокот со цел Русија да се согласи на безусловен прекин на огнот - Канал 5

Свет

Хипер: Мора да го засилиме притисокот со цел Русија да се согласи на безусловен прекин на огнот

Високата претставничка на ЕУ за надворешни работи и безбедносна политика Каја Калас јасно порача дека ако Русија не се согласи на безусловен прекин на огнот во Украина.

Хипер: Мора да го засилиме притисокот со цел Русија да се согласи на безусловен прекин на огнот

Високата претставничка на ЕУ за надворешни работи и безбедносна политика Каја Калас јасно порача дека ако Русија не се согласи на безусловен прекин на огнот во Украина, ЕУ ќе го засили својот притисок врз неа и веќе работиме на тоа, изјави денеска портпаролката на Европската комисија, Анита Хипер.

Таа додаде дека тоа што Русија сака да се ослободи од санкциите, значи дека тие функционираат и затоа треба да се зголемува притисокот врз неа.

- Затоа во понеделникот го усвоивме 17-от пакет санкции и затоа веќе работиме на следниот пакет мерки, истакна Хипер.

Во врска со временската рамка во која би можел да се очекува тој 18-ти пакет рестриктивни мерки кон Русија, Хипер истакна дека се работи тоа да се случи „што е можно поскоро“, но дека се ќе зависи од однесувањето на Москва.

- Наративот дека Русија ја добива војната е лажен и неоснован. Тоа го гледаме во нивната осакатена економија, го гледаме во нивното очајничко барање помош од севернокорејските војници и од други за да ги поддржат, рече Хипер.

Главната портпаролка на ЕК, Паула Пињо потврди дека санкциите и притисокот врз Русија биле тема и на телефонскиот разговор на претседателката на Европската комисија, Урсула фон дер Лајен со американскиот претседател Доналд Трамп.

- Она што е важно да се напомене е дека тие се согласија за следните чекори, особено за фактот дека ќе има директни разговори меѓу Украина и Русија со учество на европски претставници. Каде ќе бидат точно, се уште треба да се одлучи. Она што беше позитивно е што претседателот Трамп останува ангажиран на оваа прашање, изјави Пињо, дека е особено важно што двете страни се согласиле за потребата од меѓусебно информирање за ситуацијата во Украина и особено за тоа кои би можеле да бидат идните чекори во врска со санкциите.

Тагови: ЕУ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Морничави сцени: Вака изгледа „руско сафари“ ВИДЕО

На социјалните мрежи се појави вознемирувачко видео од украинскиот град Херсон, кое го прикажува моментот кога операторот на руски дрон FPV буквално брка и напаѓа цивилен продавач на зеленчук.

Морничави сцени: Вака изгледа „руско сафари“ ВИДЕО

Видеото го прикажува дронот како кружи околу тезга и бело комби, додека несреќниот продавач панично се обидува да го избегне дронот. Операторот на дронот го следел долго време и го натерал да трча околу возилото, пред да го насочи дронот директно кон него и да ја активира експлозијата.

Во експлозијата тој претрпел потрес на мозокот, повреди од експлозија и повеќекратни рани од шрапнели.

Тој моментално е во болница под медицински надзор, но неговиот живот е надвор од опасност.

Руско „сафари“

Руските војници наводно го објавиле видеото сами и го признале делото, отворено фалејќи се со нападите врз цивили што ги нарекуваат „сафари“.

Украинскиот претседател Володимир Зеленски, исто така, се огласи за овој настан, осудувајќи го секојдневниот терор врз жителите на Херсон и повикувајќи ја меѓународната заедница да реагира порешително.

Извор: Б92

Тагови: руско сафари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево и многу топло

Времето утре ќе биде сончево и многу топло со мала локална облачност. 

Утре сончево и многу топло

Ќе дува слаб до умерен ветер од променлив правец. Минималната температура ќе биде во интервал од 12 до 19, а максималната ќе достигне од 33 до 40 степени.

Во Скопје, сончево и многу топло со слаб ветер од променлив правец. Минималната температура ќе се спушти до 16, а максималната ќе достигне до 39 степени.

Продолжува периодот на сончево и многу топло време со дневна температура која во некои места ќе достигне 40°C. Од четврток до крајот на седмицата во попладневните часови ќе има услови за локален развој на нестабилна облачност со краткотраен пороен дожд и грмежи.

Тагови: Сончево и топло

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Силен земјотрес ја погоди областа во близина на Пиза

Земјотрес со јачина од 4,3 степени ја погоди областа во близина на Пиза во централна Италија утрово, соопшти италијанскиот Национален институт за геофизика и вулканологија.

Силен земјотрес ја погоди областа во близина на Пиза

Во соопштението се вели дека земјотресот се случил во 10:15 часот наутро, со епицентар седум километри западно од Пиза, на длабочина од осум километри, објави Анса.

Земјотресот бил почувствуван низ северна Тоскана, во соседните провинции Лука и Маса-Карара, како и до провинцијата Фиренца.

Засега нема извештаи за повредени или штети.

Тагови: земјотрес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер