Шоу биз

Харис Џиновиќ за трагедијата во Кочани: „Ужасно ме нервира“

Целиот регион се уште е во шок од страшна трагедија кога 59 лица загинаа во ноќен клуб во Кочани, Македонија.

За оваа невидена трагедија зборуваше и балканската музичка ѕвезда, Харис Џиновиќ кој изрази жалење за големата несреќа и трагедија.

Тој откри дека и самиот има настапувано неколку пати на места каде што може да избие пожар во секунда.

-Сум видел премногу во кариерата. Како да гледам на трагедија во која загинаа млади луѓе без причина, поради невнимание на другите. Мислам... Нема што да се каже во вакви прилики. Загинаа млади, загинаа и постари, но кога има таква ситуација и кога има таква трагедија, нема што многу да се каже - изјавил Џиновиќ за српските медиуми.

Тој изјави дека низ целиот Балкан има клубови кои не се соодветно опремени со противпожарни излези и системи.

- За жал, премногу од тоа видов во мојата кариера. Пеев по разни клубови и дупки, а што знам, не знам веќе каде не сум бил. Ќе требаше многу да се направи за да се создаде безбедносна ситуација и да се подигне нивото на безбедност на сите присутни таму. Треба да работиме на тоа, но... Доцниме на сите работи - објасни Џиновиќ.

Тој изјави и дека „обично нешто треба да се случи за луѓето да реагираат“.

Овие работи требаше да се превенираат - Тоа е она што ме нервира цел живот. Значи треба да почекате нешто. Почина човек, велат дека никогаш не бил на лекар. Затоа и починал бидејќи не отишол на лекар.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Кина бара од Иран да влијае врз Хутите, целта е да се спречи натамошното ширење на конфликтот во Црвеното море

Кина побарала од Иран да го искористи своето влијание врз јеменските Хути. Целта е да се спречи натамошното ширење на конфликтот во Црвеното море.

Барањето следело по апелот на Саудиска Арабија до Пекинг..Хутите во изминатата недела ги засилија активностите долж брегот на Црвеното море.

Тие напредуваа и во близина на стратешкиот теснец Баб Ел-Мандеб.Кина јавно повика на воздржаност, дијалог и безбедна пловидба.според ирански извори, Техеран смета дека стабилноста зависи од завршувањето на конфликтот.

Пекинг е загрижен за безбедноста на клучните енергетски и трговски маршрути.Кина е најголем трговски партнер на Иран и значаен купувач на неговата нафта.

Пекинг во 2023 година посредуваше и во приближувањето на односите меѓу Иран и Саудиска Арабија.

Сепак, не е јасно дали Техеран ќе постапи според барањето на Кина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Сончево и потопло, со дневна температура до 32 степени

Времето денес ќе биде сончево со мала до умерена локална облачност. Ќе дува слаб до умерен ветер од југоисточен правец, информираат од УХМР.

Минималната температура ќе биде во интервал од 8 до 16, а максималната ќе достигне од 26 до 32 степена.

Во Скопје, сончево со мала облачност. Ќе дува слаб ветер од југоисточен правец. Минималната температура ќе се спушти до 13, а максималната ќе достигне до 31 степен.

До сабота ќе се задржи претежно стабилно време. Во недела и понеделник ќе има повремени врнежи од дожд и услови за нестабилност со пороен дожд, појава на грмежи и засилен ветер. Од вторник поради продор на постуден воздух од север ќе има опаѓање на дневната температура.

Тагови: УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Продолжува судењето за „Државна Лотарија“, поранешниот директор Бајрами на обвинителна клупа

Во Основниот кривичен суд Скопје денеска треба да продолжи судењето за „Државна лотарија“ откако на истражните органи во земјава минатата недела им се предаде првообвинетиот Перпарим Бајрами, поранешен директор на Државна лотарија.

Откако побегна од земјава, за Бајрами беше распишана меѓународна потерница. На 9 септември сам се предаде на граничниот премин „Блаце“, по што беше спроведен во затворот во Скопје на издржување на претходно определената мерка притвор.

Покрај Бајрами, во случајот се обвинети и поранешниот вицепремиер, Артан Груби, Методија Димевски, Скендер Мехмети, Бојан Јанев, Фатмир Рамадановски, Александар Димитриоски и Башким Авдиу.

Обвинението, кое го застапуваат јавните обвинители Даниел Коцев и Александар Давчевски, се однесува на дејства преземени во текот на 2023 и 2024 година, со кои обвинетите ги пречекориле службените овластувања и предизвикале штета на „Државната лотарија“ во износ од 596.125.511 денари.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.