Живот

Хари му испратил емотивно писмо на татко му и објаснил зошто го напуштил кралското семејство

Принцот Хари му испратил емотивно писмо на својот татко пред да дојде на погребот на принцот Филип.

Во него, тврди извор, тој сепак му ја отворил душата на тешко повредениот Чарлс и, меѓу другото, ги навел и причините за неговото заминување од семејството. „Искрено, Хари не знаеше што да очекува пред да се врати во родната земја, па му напиша многу емотивно писмо на својот татко, но тензиите сè уште постојат и не се одвиваше сè како што се надеваше Хари“, изјавил изворот за „Мирор“. „Тие премолчено се согласија дека секој ќе го задржи тоа што сака да си го каже за себе и да се концентрира само на поддршката на кралицата за време на погребот на принцот Филип.

Според британските медиуми, Чарлс сè уште е многу повреден од интервјуто што Хари и Меган го направија со Опра, особено затоа што принцот Филип во тоа време беше во болница. „Хари не очекуваше дека сè ќе се врати веднаш во нормала, но откако го виде семејството, сфати дека тие имаат уште многу со што да се справат“, додаде тој.

Да потсетиме, Хари дојде на погребот на неговиот дедо сам затоа што лекарите на Меган ја советувале да не патува со авион поради бременоста. Погребот го гледала на телевизија во нејзиниот дом во Калифорнија.

Фудбал

Барселона ја тужи шпанската федерација, судот одлучува за голот на Јамал против Реал

Барселона не дозволува да стивне бурата по „Ел Класико“ во кое Реал победи со 3:2.

„Фантомскиот гол“ на Ламин Јамал и понатаму е тема на шпанските медиуми. Барселона не дозволува да престане да се зборува за тоа.

И по самиот меч имаше остри критики за судењето, немањето технологија за гол-линијата и „злоупотребата на ВАР системот“.

Првиот човек на клубот, Жоан Лапорта, најави дека Барселона ќе ги искористи сите средства да ја истражи ситуацијата и да утврди дали тоа било гол или не.

Барселона сега отиде чекор подалеку и најави дека ќе ја тужи Шпанската фудбалска федерација и дека решение на оваа ситуација ќе бара на суд.

Ден по натпреварот беше објавена и комуникацијата на главниот судија со играчите и судиите од ВАР-салата, но изостана делот од видеото поврзан со ситуацијата околу голот на Јамал кој не беше признат.

Федерацијата го одби барањето на Барселона да му ја даде на клубот целосната снимка од комуникацијата помеѓу судијата и ВАР-собата и Каталонците сега сакаат да ја добијат преку судовите.

Лапорта останува на ставот дека доколку се покаже дека Барселона е оштетена, ќе бара реприза. /МИА

Македонија

ДИК: Гласањето се одвива мирно, поголема за 9% е излезноста во однос на минатите избори

Претседателот на ДИК ги соопшти најновите резултати од претседателските избори.

Најголема излезност е во Новаци од 67,19 % , а најамала во Пласница само 19%, рече Даштевски.

Свет

Видео: Коњи трчаат низ центарот на Лондон, еден е облеан во крв

Жителите на Лондон утринава забележале два коња без сопственик во центарот на градот, од кои едниот изгледал облеан во крв. Носеле седла и узди.

„Околу 8 часот и 40 минути добивме пријава дека коњи без сопственици трчаат низ градот. Полицајците ги запреа на автопатот кај Лајмхаус. Чекаме возило за да ги однесеме на ветеринар“, соопшти полицијата.

Скај њуз вели дека коњите припаѓаат на дворската коњаница, дел од британската армија. На социјалните мрежи се појавија видеа од настанот на кои се гледа како црн и бел коњ трчаат по улицата. Набрзо зборуваше портпаролот на армијата.

„Одреден број воени коњи се олабавиле за време на рутинска вежба. Сите коњи сега се вратени во кампот. За време на инцидентот се повредени одреден број вработени, како и коњите. На сите им била укажана лекарска помош ," вели тој .

Извор: Индекс.хр