Живот

Хари и Меган во интервју кај Опра: Ни беше неверојатно тешко (ВИДЕО)

Вчера вечер на каналот ЦБС е објавен трејлерот за големото интервју во кое принцот Хари и Меган Маркл си ги отворија душите на познатата водителка и нивна заедничка пријателка Опра Винфри.

„Само сакам да им дадам на сите до знаење дека не постои тема што е забранета“, рече Винфри во клипот, а потоа и се обрати на војвотката од Сасекс: „Дали сте молчеле или сте замолчени?“

„Звучи како да имало пресвртница“, продолжува Опра во напнатата најава, а потоа Хари одговара во еден момент: „Мојата најголема грижа беше да не се повтори историјата“.

Со таа реченица Хари алудирал на теророт на англиските медиуми и смртта на неговата мајка.

На крајот од најавата, Винфри, која исто така им е сосетка на Меган и Хари во квартот Монтесито во Калифорнија, му вели на кралскиот пар: 'Овде кажавте прилично шокантни работи'.

Како што може да се види од најавата, во интервјуто закажано за 7 март, Хари и Меган ќе имаат разговор со Опра заедно, но и секој одделно.

Во друга најава, емитувана среде популарната истражувачка емисија на ЦБС „60 минути“, Хари зборува за неговата покојна мајка, принцезата Дајана.

„Знаете, мене ми е навистина олеснето и среќен сум што седам овде и разговарам со вас, додека сопругата е до мене, бидејќи не можам ни да замислам како беше да помине низ ваква ситуација сите овие години “, рече Хари за неподносливиот притисок на јавноста со кој се соочила принцезата Дијана.

„Затоа што ни беше неверојатно тешко на нас двајцата, но барем се имаме“, рече Хари на што Меган се согласила.

Со ова интервју, принцот Хари и Меган Маркл ќе ја прекинат тишината за прв пат откако го напуштија британското кралско семејство.

„Винфри ќе разговара со Меган, војвотката од Сасекс, во долго интервју, опфаќајќи сè, од моментот кога Меган стана член на британското кралско семејство, преку бракот и мајчинството, до филантропската работа и начинот на кој се справува со животот под силен притисок на јавноста… Принцот Хари ќе се приклучи подоцна да разговара за преселбата во Соединетите Држави и идните надежи и соништа за неговото пошироко семејство.

Да потсетиме, Хари и Меган, кои неодамна објавија дека очекуваат второ дете, се откажаа од кралските должности затоа што не се согласија со другите членови на семејството и се соочија со огромно медиумско внимание.

Живот

Балканци прават скара на вулкан- лавата врие, тие пеат (ВИДЕО)

На TikTok профилот „bata.osovina“ неодамна беше објавено видео кое привлече внимание кај корисниците од оваа област.

Авторот покажа како тој и неговиот пријател прават скара, пеат и уживаат во близина на активен вулкан.

Од нивниот говор е јасно дека момчињата се по потекло од Балканот, а нивната авантура не остана незабележана во медиумите, особено од Босна и Херцеговина.

@bata.osovina #viral ♬ original sound - Bata Osovina

Снимката од скарата, додека вулканот исфрла лава и чад, собра повеќе од 1,1 милион прегледи, а гледачите во голем број ја коментираа сцената.

„Честитки, какви императори“, „Цел свет доаѓа, се слика и бега кога има ерупција, само Балканот прави скара и слуша музика“, „Нам Балканците ни лава не ни може ништо“ , пишува во дел од пораките.

Во меѓувреме, авторот објави уште едно видео и објасни што се случува:

„Ова не е прв пат да правиме вечера на вулкан, печевме колбаси, пици, јајца... Беше опасно, но не бевме единствените таму. На сите им препорачувам да купат билет, да дојдат на Исланд и да го посетат вулканот. Не толку блиску како што сме ние, затоа што е опасно. Вакво нешто гледате само еднаш. Но, внимавајте, ќе треба да го оставите автомобилот на час и 20 минути од вулканот и да дојдете пешки“, вели момчето.

@bata.osovina Odgovor korisniku @Leo Freeze #iceland #srbija #bosna #hrvatska ♬ original sound - Bata Osovina

Меѓу многуте коментари го забележавме следново: „Да имаше активен вулкан на Балканот, околу него ќе печевме свињи и јагниња“, „Ова не се карамелизирани туку вулканизирани ќебапи“, „Балканска скара во близина на активен вулкан. Ништо необично“.

@bata.osovina #viral ♬ original sound - Bata Osovina

Има и такви кои веруваат дека се работи за монтажа, па ви оставаме да ја погледнете снимката и сами да процените.

Свет

Лондонскиот аеродром Хитроу за летово предвидува најголем промет во историјата

Лондонскиот аеродром Хитроу (LHR) денеска соопшти дека сезоната на летни одмори ќе биде „најпрометната досега“ .

Лондонскиот аеродром Хитроу (LHR) денеска соопшти дека сезоната на летни одмори ќе биде „најпрометната досега“ и дека вработените ќе вложат големи напори аеродромот да работи непречено „дури и ако има повторување на штрајковите на персоналот“ кои ја одбележаа минатата година .

Бројот на патници кои го користат аеродромот се очекува оваа година да надмине 82,4 милиони. Тоа би била најпрометната година досега, за 1,5 милиони патници „поуспешно“ од 2019 година, кога низ аеродромот поминале 80,9 милиони патници, пишува британскиот дневен весник „Гардијан“.

Ова го потврди комерцијалниот директор на аеродромот, Хавиер Ечав, бидејќи Хитроу се соочува со неизвесна иднина, а предложената продажба на најголемиот британски аеродром во вредност од 6 милијарди фунти се уште е доведена во прашање.

Намерата на шпанската компанија Ferrovial да го купи аеродромот заедно со австралиската инвестициска компанија Macquarie е „на чекање“, откако фирмата од Сиднеј одлучи да се откаже од својот удел од 35% во Хитроу. Во меѓувреме, нема други понудувачи. Покрај нив, за преземање на 25% удел во сопственоста на аеродромот беа заинтересирани и Државниот инвестициски фонд на Саудиска Арабија и француската приватна инвестициска компанија Ардијан.

На почетокот на овој месец, аеродромските власти ја повикаа владата да го укине воведувањето на нова наплата од 10 фунти за транзитните патници, предупредувајќи дека тоа ќе влијае на бројот на патници и ќе ги стави аеродромите во Британија во неповолна положба во однос на европските конкуренти. Хитроу го повтори овој повик во средата, а истовремено ги повика министрите да ја разгледаат „анти-развојната“ туристичка такса, што значи дека туристите плаќаат ДДВ за набавките.

Живот

Девојка скока во базен од огромна височина, снимката има над 39 милиони прегледи (ВИДЕО)

Џени Ван Кавијк се занимава со нуркање, а неодамна изведе трик на крузерот „Harmony of the Seas“, четвртиот по големина во светот.

На почетокот ја гледаме на скокалницата, додека покажува кон „малиот“ базен. Признаваме дека ни се заврти од висината, додека девојката „уживаше во сѐ“.

Неколку моменти подоцна таа скокна, изведе неколку акробации и се втурна во водата, токму онаму каде што „нишанеше“.

Клипот дефинитивно не е за секого, а собра повеќе од 39,6 милиони прегледи.

„Вие сте фантастични! Не би имал храброст да се искачам на скала, а камоли да скокам“, напишал еден корисник.

Друг додаде: „Стомакот ми се преврте додека го гледав ова“.

притисни ентер