Хари и Меган објавија новогодишна честитка со малиот Арчи (ФОТО) - Канал 5

Забава

Хари и Меган објавија новогодишна честитка со малиот Арчи (ФОТО)

Принцот Хари и Меган Маркл објавија невидени фотографии заедно со нивниот син Арчи.

Хари и Меган објавија новогодишна честитка со малиот Арчи (ФОТО)

Фотографијата се најде во компилација од нивните најважни девет моменти во 2019 година.

Хари (35) и Меган (38) ја објавија фотографијата со песната на „Колдплеј“.

На фотографијата е прикажан принцот Хари покрај езерото, а најверојатно е направена на нивниот божиќен одмор во Канада на островот Ванкувер. На фотографијата, Хари му се насмевнува на Арчи, кој има капа на главата и носи кафеава капа и чизми што беа подарок од австралискиот гувернер Питер Косгров.

Објавата на таа фотографија доби повеќе од 260.000 лајкови за само половина час.

„Преглед за 2019 година: На сите ви посакуваме Среќна Нова Година и ви благодариме за поддршката!“, напишале Хари и Меган во објавата.

„Беше прекрасно да се сретнеме со многумина од вас низ целиот свет и не можеме да дочекаме да се сретнеме со уште повеќе следната година. Се надеваме дека 2020 година ќе ви донесе здравје и среќа “, напишаа во објавата, додавајќи дека тие се особено благодарни на Крис Мартин од Колдплеј што им овозможил да ја користат неговата песна во видео компилацијата.

Во компилацијата на фотографии во 2019 година има фотографија од бремената војвотка од Сасекс, како и фотографија од Хари со неговиот брат Вилијам и принцот Чарлс. Има и фотографија од нивната посета на Мароко во февруари, како и фотографија од Меган која ја гушка Бијонсе на премиерата на филмот The Lion King. Во компилацијата се наоѓаат и Кејт Мидлтон, како и гувернерот на Австралија, Сер Питер Косгров, кој му ги подари на Арчи чизмите што ги носи на сликата.

Хари и Меган првиот Божиќ го поминаа со малиотАрчи во замок вреден над 14 милиони долари, пренесува Дејли Меил. Кралското семејство и мајката на Меган, Дорија Рагланд, уживаа во идилични места на островот Ванкувер.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Арамијата Христијан повторно ѝ се заканува на СДСМ, стравот му влезе во коски

Во Брвеница синоќа не зборуваше премиер. Зборуваше човек што губи.

СДСМ: Арамијата Христијан повторно ѝ се заканува на СДСМ, стравот му влезе во коски

Паѓа ВМРО. Паѓа тој. Народот им ја зема довербата.

Паниката има име: Лаура Ковеши. Европско обвинителство. Истрага што не застанува пред презиме, функција и партиска книшка.

Сам призна дека води војна против СДСМ. Не против криминалот туку против единствената опозиција што го именува.

Војната ја води со цела екипа. Со Вучиќ, со Орбан, со нивните медиуми, со таканаречените новинари и лажни аналитичари. Ја води со Русија, со играчи на БИА, со Латас, со Ивона.

Со луѓе без морал. Со тендер-патриотите од ЗНАМ. Со руската Левица, анти-ЕУ, анти-НАТО, анти-Америка, што не влезе во салата и не гласаше за минимална плата од 600 евра. Ја води со Платформата, ЗНАМ 2.0, за 1,6 милиони.

Сателити. На далечинско. Не со народ.

Луксуз-патриоти со бугарски пасоши. „Институција“ со часовници од 60.000 евра и костим од 10.000. Народот нема за храна, нема за сметка. Тој има за се. Затоа таков говор во Брвеница и закана за втор круг.

Христијане. Ќе одговараш. Ти и целата банда. И тоа го знаеш. Затоа врескаш.

Затоа ти треба алиби. Затоа ти треба сателит, не глас.

СДСМ, заедно со народот, ќе ја врати власта во рацете на народот. Вистината стигна. Правдата доаѓа.

За Организираната криминална група ВМРО-ОКГ нема втор круг. Има прв круг - одговорност.

Скопје, 09.10.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Зеленски ги обвини САД дека не се подготвени да ѝ помогнат на Украина, бара пристап до сателитската услуга „Старлинк“

Зеленски ги обвини САД дека не се подготвени да ѝ помогнат на Украина откако во рускиот бомбашки напад вчера загинаа најмалку 35 лица на исток, со што бројот на жртви од руските напади во последните два дена се зголеми на над 70.

Зеленски ги обвини САД дека не се подготвени да ѝ помогнат на Украина, бара пристап до сателитската услуга „Старлинк“

Неколку часа по нападот на два автобуса во градот Краматорск, Зеленски ги критикуваше напорите на Вашингтон да воспостави економски врски со Русија.

Зборувајќи со новинарите во Прилуки, украинскиот лидер ги повика САД да се согласат со неговите барања за проширување на пристапот на Украина до сателитската услуга „Старлинк“ за да ѝ помогнат во таргетирањето на руските лансери на балистички ракети.

- Го отворивте кога му одговаравте на Иран... Јас реков сосема отворено - дајте ни го, помогнете ни да го одбраниме нашето небо и да доминираме таму. А потоа Путин ќе седне на преговарачката маса“, рече тој во емотивна изјава.

Пред Москва да нападне, високи руски и американски претставници, вклучувајќи го и специјалниот претставник на Сад Џаред Кушнер, разговараа за привлекување американски инвеститор во гасоводите „Северен тек“ што испорачуваа руски гас во Германија објави Ројтерс.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

О. Карпош: Отстранување на хаварисани возила во Карпош 3

Општина Карпош продолжува со редовната акција за подигнување и отстранување на отпадни и хаварисани возила од јавните површини на територијата на општината. 

О. Карпош: Отстранување на хаварисани возила во Карпош 3

Акцијата, која ја спроведува Секторот Инспекторат, во соработка со колективниот постапувач „ГРЕЕН РОАД“ ДООЕЛ – Скопје, започна во реонот на УЗ Карпош 3. Во рамки на акцијата беа подигнати стари отпадни возила со регистарски таблички, за кои претходно биле спроведени соодветни инспекциски постапки.

Со отстранувањето на хаварисаните возила се ослободуваат јавни површини и паркинг-простори, а воедно се придонесува кон подобрување на комуналниот ред и квалитетот на животната средина. Акцијата ќе продолжи во наредниот период, сè до отстранување на отпадните возила за кои се исполнети условите за подигнување.

Општина Карпош апелира до граѓаните на совесно и одговорно однесување и заеднички придонес кон почист, поуреден и побезбеден Карпош.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер