Хаос во Бразил: Гневните навивачи го запалија Сантос по испаѓањето од лигата (ВИДЕО)

Со драматичен пораз на домашен терен од Форталеза (2:1) со гол во шестата минута од судиското надополнување и исто толку тешка победа на Васко де Гама (2:1) над Брагантино, се случи нешто незамисливо.

Сантос, гигант и симбол не само на бразилскиот фудбал, туку и на Бразил воопшто, испадна од бразилската Серија А за прв пат во својата 111-годишна историја. Тоа е незамислив дебакл за клуб кој освои 22 титули на државата Сао Паоло, 8 титули на Бразил, 3 Копе Либертадорес и 2 Интерконтинентални купа.

No va a bajar! Final whistle as Vasco celebrates escaping relegation in the Brazilian Série A
byu/mattomate9 insoccer

Но, најпознат е по тоа што во него израснал Пеле, можеби најголемиот фудбалер на сите времиња. Многумина не знаат дека мотото „O Jogo Bonito“ или „The Beautiful Game“, кое го опишува и слави бразилскиот начин на играње фудбал, всушност потекнува од 60-тите години на минатиот век и е посветено на Сантос. Потоа беше драфтуван за тимот предводен од Пеле, кој доминираше во Бразил, Јужна Америка и светот со споменатиот стил на игра.

Пет децении подоцна во Сантос се појави феномен кој набрзо беше прогласен за наследник на Пеле, а во 2011 година на чело со Нејмар (19) ја освои последната континентална титула.

Испаѓањето на Сантос од првата лига предизвика големи нереди, хаос и подметнување пожари на улиците на истоимениот пристанишен град каде живеат околу милион луѓе.

City of Santos after Santos F.C. relegation
byu/Tchuninho insoccer

Дивата од модните писти слави 58 роденден: Се трудам да бидам добра

Познатата манекенка Синди Крафорд го прслави својот 58 роденден.

- Благодарна за уште еден сет роденденски свеќички - порача таа на Инстаграм.

Жената која упадна на модните писти во деведесеттите продолжува да плени со својата природна убавина. Длабоко во шестата деценија од животот без никаква пластика на себе, таа сè уште се колне во убавина.

Покрај редовните вежби, врвниот изглед го постигнува и со посебен режим на исхрана.

Избира здрава храна и признава дека се труди „80 проценти од времето да биде 80 отсто добра“.

Денот започнува со смути направено од кокосово млеко, третина од замрзната банана, шолја свеж спанаќ, 10 листови нане, една лажичка протеини и малку зрна какао. За ручек најчесто јаде салата со пилешко, а за вечера подготвува ќофтиња од мисирка со салата и зеленчук.

Извор: Аваз

Милитао би можел да се врати на фудбалските терени во март

Одбранбениот фудбалер на Реал Мадрид, Едер Милитао е блиску до враќање во тимот.

Како што пренесе „Relevo“ Бразилецот ќе има време да закрепне навреме за четвртфиналето на Лигата на шампионите доколку мадридскиот клуб стигне до оваа фаза.

Четвртфиналето во елитното фудбалско натпреварување ќе се одржи во средината на март.

Во август 2023 година, во 1. коло од Ла Лига против Атлетик (2:0), Милитао ги скина вкрстените лигаменти на коленото.

За тренерот на Реал Мадрид со евентуалното враќање на Милитао ќе биде големо олеснување пред завршниот дел од сезоната. /МИА

Паолини го освои трофејот во Дубаи

Италијанската тенисерка Јасмине Паолини е победничка на ВТА 1000 турнирот во Дубаи, ОАЕ.

Паолини во денешното финале беше поуспешна од Русинка Ана Калинскаја во три сета. Мечот траеше 2 часа и 16 минути и заврши со резултат 4:6, 7:5, 7:5 во корист на италијанската претставничка.

Дваесет и петгодишната Русинка двапати сервираше ас, направи четири двојни грешки и реализираше шест брејк топки од осум шанси. Паолини немаше ниту еден ас, направи една двојна грешка и седум брејк топки реализира од девет можности.

Паолини го освои својот втор ВТА трофеј во сингл. Пред тоа таа стана победничка и на три турнири во двојки.

Од друга страна, Калинскаја не успеа да ја освои својата прва ВТА титула во сингл. Сепак, за време на турнирот во Дубаи, Русинката победи три претставнички на Топ 10 – Ига Швјонтек (1), Елена Остапенко (9) и Коко Гоф (3). /МИА

притисни ентер