Хакирана најопасната нуклеарна локација во Британија - Канал 5

Живот

Хакирана најопасната нуклеарна локација во Британија

Најопасната нуклеарна локација во Велика Британија, Селафилд, била хакирана од сајбер група која има блиски врски со Русија и Кина, пишува лондонски Гардијан.

Хакирана најопасната нуклеарна локација во Британија

Истрагата покажала дека откривањето на овие информации и потенцијалните ефекти биле внимателно прикриени од високи функционери кои управуваат со голем нуклеарен отпад.

Гардијан дознава дека властите не знаат кога првпат биле компромитирани компјутерските системи на Селафилд, но изворите велат дека хакерските прекршувања првпат биле откриени уште во 2015 година, кога експертите го идентификувале т.н. системи за напад - вметнати во компјутерската мрежа на Селафилд.

Сè уште не е познато дали софтверот е отстранет и тоа може да значи дека некои од најчувствителните активности на Селафилд, како што се пренесувањето на радиоактивен отпад, следењето на истекување на опасен материјал и системот за заштита од пожар, се компромитирани.

Изворите велат дека странските хакери најверојатно дошле до највисоките ешалони доверливи материјали на локацијата, која зафаќа шест квадратни километри на брегот Камбрија и се смета за една од најопасните локации од ваков вид во светот.

Откритијата се појавија во „Nuclear Leaks“, едногодишна истрага на Гардијан за сајбер хакирање, радиоактивна контаминација и токсична култура на работното место во Селафилд.

Местото има најголеми резерви на плутониум на планетата и огромна депонија за нуклеарен отпад од програмата за оружје и децениите на производство на атомска енергија.

Селафилд е изграден пред 70 години, го чуваат добро вооружени полицајци и има околу 11.000 вработени. Најблискиот поголем град до Селафилд е Блекпул, оддалечен околу 70 километри.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Петмина загинати во поплави во Турција – издадено предупредување за 45 провинции

Пет лица загинаа, а три се водат за исчезнати во поплавите што погодија неколку региони во Турција, како резултата на силните поројни дождови.

Петмина загинати во поплави во Турција – издадено предупредување за 45 провинции

Турската генерална дирекција за метеорологија издаде жолто и портокалово предупредување за 45 провинции, вклучително и за Истанбул, поради најавените обилни врнежи и силен ветер, објавија турските медими. Поради опасноста од ненадејни поплави, свлечишта, удари од гром и град, граѓаните се повикани да бидат внимателни и да ги почитуваат предупредувањата на надлежните служби. Портокалово предупредување е издадено за Истанбул, Бурса, Коџаели, Јалова и Сакарија, додека жолто предупредување важи за уште 40 провинции.

Тагови: турција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Нов бран насилни судири во Тирана – над 150 повредени, најмалку 160 приведени во изминатите денови

Нов бран насилни судири меѓу полицијата и демонстрантите избија синоќа во Тирана, четврти ден во Албанија. 

Нов бран насилни судири во Тирана – над 150 повредени, најмалку 160 приведени во изминатите денови

Полицијата употреби солзавец и водени топови за да ги растера демонстрантите, кои фрлаа камења и блокираа улици со запалени контејнери за отпад. Според извештаите, судирите продолжиле до доцна во ноќта во неколку делови од главниот град. Демонстрантите бараат оставка од премиерот Еди Рама, кој е на власт 13 години, а истовремено го изразуваат незадоволството од условите за студирање и висината на школарините на универзитетите. Албанскиот министер за внатрешни работи Ервин Дема соопшти дека во изминатите денови биле повредени 156 лица, од кои 97 полицајци. Албанскиот премиер Еди Рама ги обвини неодредени странски сили дека стојат зад немирите и дека се обидуваат да го попречат патот на земјата кон членство во Европската Унија, отфрлајќи ги тврдењата дека протестите се резултат на реалните проблеми и незадоволството на граѓаните.

YouTube video

Тагови: Тирана

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Клиника за онкологија: Од дистрибутерот добивме уверување дека терапијата „Phesgo“ ќе се реализира во понеделник

Откако вчера пациентки останаа без потребната терапијата „Фесго“, од Клиниката за радиотерапија и онкологија велат дека лекот очекуваат да биде обезбеден кон почетокот на следнава недела.

Клиника за онкологија: Од дистрибутерот добивме уверување дека терапијата „Phesgo“ ќе се реализира во понеделник

Терапијата „Фесго“ во петокот беше недостапна поради ненавремена испорака од дистрибутерот, од кого добивме уверување дека испораката ќе биде реализирана во понеделник, велат од Клиниката за онкологија за Канал 5.

Од таму, информираат и дека од иста причина во моментов има застој и во снабдувањето со Госерелин, но дека добиле уверување оддистрибутерот дека ќе биде обезбеден во текот на следната недела. Вчера од Клиниката упатија извинување до сите засегнати пациентки, признавајќи дека ситуацијата предизвикала загриженост, неизвесност и непријатности. Не е познато колку пациентки се погодени од одложувањето на терапијата „Фесго“, која се користи во третманот на одредени форми на карцином на дојка.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер