Гвардиола: Мора да победиме на преостанатите осум натпревари и да чекаме - Канал 5

Фудбал

Гвардиола: Мора да победиме на преостанатите осум натпревари и да чекаме

Менаџерот на Манчестер Сити, Пеп Гвардиола увери дека неговиот тим е целосно фокусиран на претстојното гостување кај Кристал Палас во сабота.

Гвардиола: Мора да победиме на преостанатите осум натпревари и да чекаме

Сити е трет на табелата во англиската Премиер лига со 67 бодови, еден помалку од второпласираниот Арсенал и три помалку од лидерот Ливерпул.

-Класата на противници е таква каква што е. Затоа треба да продолжиме да се стремиме кон успехот, а на крајот ќе бидеме на јасно дека тимот беше дел од борбата за титулата. Тоа е сигурно. Ако не си ја завршиме работата, тоа нема да го реши проблемот. Мора да победиме на нашите преостанати осум натпревари и да чекаме. Ако се случи, тоа ќе биде добро, но не можеме да ја контролираме ситуацијата. Ние ја контролираме судбината само на нашите натпревари. Тоа е тоа, изјави Гвардиола.

Напаѓачот Ерлинг Халанд, најдобриот стрелец во Премиер лигата со 18 голови, и плејмејкерот Кевин де Бруин останаа надвор од тимот на „граѓаните“ во победата на домашен терен над Астон Вила во средата, а Пеп Гвардиола изјави дека сѐ уште не одлучил дали ќе ги во стартниот состав за натпреварот со Кристал Палас.

-Сè уште не знам. Морам да размислам. Имаме толку многу натпревари. Играме помалку од два и пол дена по нашиот последен натпревар. Некои играчи закрепнуваат побрзо од другите, прокоментира шпанскиот стручњак. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Рецепти

„Гответе со Дракче“ - Палента

Во четврток (29.10.2026) во емисијата гостин ни бeше Александар Терца Мишковски.

„Гответе со Дракче“ - Палента

Состојки за денешниот рецепт:

200 гр. палента

100 гр. кашкавал

50 гр. сирење

1 мала кисела павлака

20 гр. путер

сол, бибер,

сув зачин и свежо нане

Погледнете како се подготвува овој рецепт:

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Здружение на млади паравници: За несобран отапд испратете фотографии на [email protected]

Македонското здружение на млади правници со интересна иницијатива, ги повикува граѓаните да пријавуваат локации во Скопје каде има несобран комунален отпад, со цел да се побара инспекциски надзор и реакција од надлежните институции.

Здружение на млади паравници: За несобран отапд испратете фотографии на contact@myla.org.mk

За да се документираат проблемите, граѓаните треба да испратат фотографија или видео од отпадот, точна локација, како и датум и време кога е направена снимката.

Пријавите може да се достават преку приватна порака или на електронската адреса на здружението.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Германски политичар пронајден мртов во хотелска соба! Мистериозна смрт ја потресе нацијата

55 годишниот Хуберт Ивангер, министер за економија и заменик-премиер на германската покраина Баварија, е пронајден мртов во хотелска соба во Берлин.

Германски политичар пронајден мртов во хотелска соба! Мистериозна смрт ја потресе нацијата

Веста прв ја објави германскиот весник „Билд“, повикувајќи се на извори од баварската покраинска влада и берлинската полиција. Ивангер бил пронајден во средата вечерта, на 4 ноември, во хотелот „Нојер Фриц“ (Neuer Fritz) во берлинската населба Мите.

Според весникот „Билд“, Ивангер требало да присуствува на отворањето на новата канцеларија на неговата партија „Слободни гласачи“ (Freie Wähler) во Берлин, но го откажал учеството бидејќи не се чувствувал добро. Германските медиуми пренесуваат дека претходно тој го откажал и планираното интервју. Политичарот престојувал во хотелот, а откако престанал да одговара, бил пронајден мртов во својата соба.

Според информации од весникот „Тагесшпигел“ (Tagesspiegel), Ивангер наводно првично имал симптоми на гастроинтестинална инфекција.

Берлинската полиција и обвинителството покренаа постапка за утврдување на околностите на смртта, со цел да се дознаат точната причина и текот на настаните, како и да се исклучи можноста за вмешаност на трети лица.

Весникот „Тагесшпигел“, повикувајќи се на полициски извори, објави дека засега нема индиции за надворешно влијание и дека се претпоставува оти смртта настапила од здравствени причини.

Според весникот „Билд“, на телото на политичарот не се забележани надворешни повреди, а засега нема ниту првични сомневања дека станува збор за кривично дело. Сепак, истрагата е во тек, а официјалната причина за смртта сè уште не е соопштена.

Тагови: Германија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер