Грција и Кипар и ова лето ќе се поврзат со редовна бродска линија - Канал 5

Балкан

Грција и Кипар и ова лето ќе се поврзат со редовна бродска линија

Грција и Кипар и ова лето, петтата година по ред, ќе се поврзат со директна бродска линија, траектите ќе сообраќаат од крајот на мај до 1 септември, а цените за патувањето што трае околу 31 час се непроменети од лани.

Грција и Кипар и ова лето ќе се поврзат со редовна бродска линија

Грција и Кипар и ова лето, петтата година по ред, ќе се поврзат со директна бродска линија, траектите ќе сообраќаат од крајот на мај до 1 септември, а цените за патувањето што трае околу 31 час се непроменети од лани и почнуваат од 41 евро во еден правец, јави дописничката на МИА од Атина.

Годинава бродскиот превоз ќе се врши со поголем траект што има капацитет да пренесе 394 патници и 290 возила, располага со 20 еднокреветни, 10 двокреветни и 58 четирикреветни кабини, две трокреветни кабини за лица со инвалидитет, осум четирикреветни кабини за патници со домашни миленици, како и 84 авионски седишта, а во бродот има ресторан, кафетерија, медицинска служба и казино.

Во однос на фреквенцијата на линиите за 2026 година, планирани се вкупно 22 повратни патувања, од кои шест ќе се реализираат во периодот мај – јуни, осум во јули и уште осум во периодот август – септември.

Цените, како што соопштија од Министерството за поморство на Кипар, остануваат исти како и лани и нема никакви зголемувања.

Според кипарските медиуми, за патување во еднокреветна кабина цената за едно лице е 76,08 евра во еден правец, а повратниот билет чини 152,16 евра, во двокреветна кабина е 71,08, односно 142,16 евра, додека за четирикреветна билетот е 66,08 и 132,16 евра.

Најевтин е билетот доколку се одбере седиште и чини 41,08 евра во еден правец, односно 82,16 доколку е повратен.

За возилата до пет метри, вкупната цена изнесува 134,05 евра во еден правец и 268,10 евра повратен билет, додека за домашни миленици во кабина, цената е 50 евра за еден правец.

На прес-конференцијата во Министерството за поморство на Кипар биле презентирани и податоците за патничкиот сообраќај во изминатите четири години, при што од првата до четвртата година има зголемување од 6,27 отсто на бројот на патници, 157,14 проценти на патници со инвалидитет, 35,07 отсто зголемување на бројот на возила и 74,63 проценти зголемување на бројот на домашни миленици.

Од 2022 до 2025 година траектот го искористиле 30.459 патници, 161 лица со попреченост, 10.680 возила и 1.130 домашни миленици.

Бродската линија меѓу Грција и Кипар, по пауза од над 20 години одново беше воведена во јуни 2022 година.

Двете земји, за прв пат бродски се поврзале во 1960 година, а линијата ги поврзувала пристаништата од Кипар, Грција, Израел, Либан и Египет. Во 2000 година, бродскиот сообраќај бил прекинат бидејќи линијата била економски непрофитабилна за компаниите поради намалениот број патници.

Тагови: грција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

На најпосетената плажа на светот дневно доаѓаат по 200.000 луѓе- се жалат дека не можат да стигнат до морето (ВИДЕО)

Плажата Дамеиша во Шенжен, Кина, се смета за најпосетувана во светот.

На најпосетената плажа на светот дневно доаѓаат по 200.000 луѓе- се жалат дека не можат да стигнат до морето (ВИДЕО)

Песочната плажа е долга само 1,8 километри, но во шпицот на сезоната ја посетуваат 200.000 луѓе истовремено, според „Одити Централ“.

За време на летните викенди, плажата е преполна со капачи, а некои туристи пријавуваат дека едвај можат да стигнат до водата. Поради ограничениот простор, луѓето се збиени, а песокот не е видлив од пешкирите и чадорите.

Ситуацијата е уште потешка во текот на топлите денови, кога побарувачката за место на плажата значително се зголемува.

За да се избегне пренатрупаност, властите во Шенжен воведоа задолжителен систем за резервации и ограничен пристап на 80.000 посетители дневно помеѓу мај и октомври.

Пристапот е бесплатен, а плажата е лесно да се најде, со неколку автобуски линии и метро станица во непосредна близина. Овие карактеристики ја прават исклучително популарна и кај локалното население и кај туристите.

YouTube video

И покрај гужвите и негативните критики на интернет, Дамеиша продолжува да привлекува многу посетители секое лето. Фотографиите од преполната плажа честопати стануваат вирални на интернет, додека критиките од туристите се поделени.

Некои се жалат дека не можеле ниту да стигнат до морето поради гужвите, додека популарноста на местото продолжува да расте.

Дамеиша е дел од крајбрежната туристичка област на Шенжен, каде што посетителите можат да најдат и други атракции, ресторани и места за забава.

Во близина е Сјаомеиша, уште една позната плажа во градот, што ја прави оваа област една од главните дестинации за оние кои сакаат да избегаат од градските гужви и да поминат време покрај морето.

Тагови: морето плажа

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Енди Грин во „ѕвер“ од 1.600 КС на чист водород напаѓа три светски рекорди (ВИДЕО)

Британскиот возач Енди Грин, единствениот човек што го пробил звучниот ѕид со автомобил, се враќа во Солените рамнини Бонвил во САД за да сруши повеќе светски рекорди за брзина.

Енди Грин во „ѕвер“ од 1.600 КС на чист водород напаѓа три светски рекорди (ВИДЕО)

Тој вози JCB Hydromax со 1.600 коњски сили што работи на чист водород, објави Тајмс.

Официјалниот обид се спроведува под надзор на ФИА. На неодамнешната тренинг сесија, Грин достигна брзина од 592 километри на час, објавувајќи дека ги срушил претходните рекорди во неколку различни категории.

Мотор од градежна механизација за екстремни брзини

Возилото долго речиси десет метри е напојувано од два прилагодени мотори земени од тешката градежна механизација на JCB. За разлика од стандардните електрични возила со горивни ќелии, овој систем го меша водородниот гас со воздух и го пали директно во цилиндрите.

Компанијата инвестираше повеќе од 134 милиони долари во развој на технологијата, која е без штетни издувни гасови. Претседателот на компанијата, Ентони Бамфорд, вели дека пустинскиот проект ја докажува применливоста на водородот во тешката индустрија каде што батериите се премногу тешки и непрактични.

YouTube video

Висок ризик на пресушеното солено езеро

Главниот предизвик за време на возењето е слабото прилепување на пресушеното солено езеро во Јута. Грин се потпира на падобран за да го запре чудовиштето при екстремни брзини, додека возењата се планирани за рано наутро пред да се зголеми пустинската топлина.

Водородот се складира под висок притисок и е екстремно запалив, што создава дополнителни безбедносни предизвици за тимот. 64-годишниот возач вели дека внимателно управуваат со сите ризици за да го демонстрираат максималниот дострел на горивото во пракса.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Газда на албански клуб влезе во соблекувалната со торба пари, настана хаос (ВИДЕО)

Фудбалскиот клуб Динамо од Тирана се квалификуваше во плејофот на Конференциската лига откако ја елиминираше латвиската Ауда со вкупен резултат од 4:1.

Газда на албански клуб влезе во соблекувалната со торба пари, настана хаос (ВИДЕО)

За влез во групната фаза од натпреварувањето, албанскиот тим сега го чека кипарскиот Пафос, клуб кој претходно го елиминираше Хајдук од Сплит.

Наградата за пласманот и бонус од половина милион евра

Еуфоријата во клубот дополнително ја поттикна претседателот Ардијан Барди. По победата против Ауда, тој влезе во соблекувалната со торба полна со пари за да ги награди играчите за пласманот во плејофот, а веднаш објави и нов, уште поголем бонус. Доколку тимот успее да го елиминира Пафос, играчите ќе ја поделат сумата од 500.000 евра. Снимките од соблекувалната покажуваат огромна прослава додека низ собата летаа банкноти.

Голем предизвик во плејофот

И покрај славеничката атмосфера и финансиската мотивација, Динамо влегува во дуелот со Пафос како аутсајдер. Кипарскиот клуб претставува најтешкиот тест за тимот од Тирана во овие квалификации, а натпреварите ќе го покажат вистинскиот потенцијал на тимот на европската сцена. Првиот натпревар од плејофот помеѓу Динамо и Пафос се игра овој четврток, а домаќин ќе биде албанскиот клуб. Навивачите со нетрпение го очекуваат настапот на својот тим во еден од клучните натпревари во сезоната.

Тагови: соблекувалната

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер