Балкан

Грчкиот и турскиот шеф на дипломатијата се искараа на заедничката прес конференција (ВИДЕО)

Министрите за надворешни работи на Турција и Грција отворено се судрија на заедничката прес-конференција во Анкара, која започна со надеж за подобрување на односите, но продолжи со остри обвинувања од обете страни.

Барајќи начин за ублажување на тензиите околу територијалните спорови на истокот на Средоземното море, грчкиот министер Никос Дендиас се состана со турскиот претседател Реџеп Таип Ердоган и министерот за надворешни работи Мевлут Чавушоглу на првиот состанок на официјални лица од двете земји откако нивните воени морнарици минатата година речиси се судрија.

Сепак, на почетокот срдечната атмосфера на конференцијата стана непријатна кога Дендиас рече дека ќе одговори на повредата на грчкиот суверенитет со санкции, а Чавушоглу ги отфрли неговите коментари како неприфатливи.

„Дојдовте тука и се обидувате да ја обвинете Турција дека испраќа порака до вашата земја. За мене тоа е неприфатливо“, возврати Чавушоглу.

Двете земји се сојузници во НАТО, но размислуваат поинаку за други работи, како што се обемот на медитеранското крајбрежје, воздушниот простор, изворите на енергија, етнички поделениот Кипар и статусот на некои острови во Егејското Море.

Тензиите се зголемија минатото лето, кога Турција испрати брод за дупчење во спорните води во Медитеранот, но делумно се намали кога Анкара го повлече бродот и земјите по петгодишен застој ,ги продолжија билатералните разговори за спорните прашања.

Разговорите започнаа со понуда на грчка помош за аспирациите на Турција за влез во Европската унија и нова програма за ресетирање на односите, но Дендиас ја обвини Турција дека повторно испраќа авиони над грчката територија.

"Позицијата на Грција е јасна. Турција ги прекрши меѓународното право и поморското право во Егејското Море и источниот Медитеранот", рече Дендиас. Чавушоглу го отфрли обвинението, велејќи дека Турција не го нарушила грчкиот суверенитет со своите истражувања и подводно дупчење и ја обвини Атина дека ги турка мигрантите назад во Егејското Море.

"Кога ќе влеземе во меѓусебни обвинувања, имаме многу да си кажеме едни на други. Ако сакате да ги продолжите овие кавги, тензии, можете, и ние ќе продолжиме исто", додаде тој.

Но, обете страни изјавија дека сакаат да продолжат со напорите за решавање на нивните разлики преку дијалог.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Софија и официјално е против укинувањето на ветото во текот на преговорите

Бугарија е категорично против идејата на Брисел за воведување квалификувано мнозинство, наместо едногласност, како досега, при одлучувањето во текот на пристапните преговори за земјите кандидатки.

За бугарската министерка за надворешни работи Петрова Чамова, неприфатлив е новиот документ презентиран во Брисел, кој предвидува земја членка во иднина да не може самата да го блокира напредокот на земја кандидатка се до финишот на преговорите. Одговарајќи на пратеничко прашање во Собранието, Чамова ги отфрли информациите дека наводно се воделе неофицијални разговори за уставни измени со одложено дејство и за репреговарање обврските на Македонија.

-Знаете дека во моментов се одвива процес за можноста за воведување на квалификувано мнозинство во различни фази од процесот за проширување или во други политики на ЕУ, каде што јасно и категорично ја потенцираме позицијата против квалификуваното мнозинство, особено во сферата на проширувањето. Категорично отфрламе на какво било ниво заобиколување, предоговарање, преговарање со одредени земји – членки, желба за таков тип договори кои се во насока да го поткопаат постигнатиот компромис. Дали сме за уставни измени со одложено дејство? Одговорот е не. , изјави Велислава Петрова Чамова, министер за надворешни работи на Бугарија.

Петрова Чамова и денеска во Собранието го повтори вчера кажаното по средбата со македонскиот колега, Муцунски во Софија дека не бара ништо освен исполнување на досега преземените обврски на Македонија. Шефот на македонската дипломатија разговорите вчера ги оцени како конструктивни и со позитивен дух, но дека позициите на двете страни се уште се многу далечни.

-Позициите на Македонија и Бугарија во однос на прашањата поврзани со европската интеграција сè уште се многу далечни, но средбата со бугарската министерка за надворешни работи Велислава Петрова Чамова беше конструктивна и одржана во позитивен дух, при што е договорено дијалогот меѓу двете држави да продолжи по сите прашања од заеднички интерес, изјави вчера Тимчо Муцунски, министер за надворешни работи на Македонија.

Европската Комисија пред три дена го објави документот насловен „Подготовка за поширока Унија”, која освен предлогот за постепена интеграција на земјите кандидатки, предвидува драстично намалување на правото на вето во околу 150 меѓучекори во преговорите, за кои досега требаше едногласност. Конечниот збор ќе го има Европскиот Совет, кој следната недела ќе дебатира за овој предлог.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Драма во училиште во Риека: Ученик со пиштол се заканувал дека ќе направи масакр

Вооружена полиција интервенираше во Средното економско училиште „Мија Мирковиќ“ во Риека поради закана со оружје.

Како што неофицијално дознава Индекс, еден ученик им се заканил на девојчињата со пиштол преку социјалните мрежи и најавил дека ќе „изврши масакр“. Полициски службеници биле повикани во училиштето, но ученичките не биле евакуирани. Младиот човек кој ги упатил заканите не се појавил во училиштето.

„Добивме пријава и во тек е кривична истрага. Полициски службеници се испратени во споменатото училиште, како и лицата одговорни за малолетничка деликвенција од полицијата“, не информираше полицијата во Риека.

Тагови: пиштол Риека

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Урбани Уметнички Акции-„Протест на неисполнетите ветувања“ – јавна уметничка акција во Скопје

Големи канти за ѓубре, исполнети со дваесетина протестни транспаренти со неисполнети ветувања на властите, се поставени на три локации во центарот на Скопје.

Големи канти за ѓубре, исполнети со дваесетина протестни транспаренти со неисполнети ветувања на властите, се поставени на три локации во центарот на Скопје: на кејот на Вардар кај плоштадот, на улица „Македонија“ и на скверот кај КИМ на „Партизанска“. На секоја од кантите е испишана пораката „Протест на неисполнетите ветувања“.

Со оваа уметничка акција сакаме да ги потсетиме властите на ветувањата што им ги давале на граѓаните во изминатите дваесетина години, а кои остануваат нереализирани. На транспарентите се потсетува на ветувањата за мега паркови во Скопје, бесплатен јавен превоз, пруга до софија, автопати, пречистителна станица за отпадни води во Скопје, гасификација на домаќинствата, почист воздух и други долго најавувани проекти.

Кантите покрај со транспаренти на ветуванјата кои протестираат симболично се полни со пропаднати планови и ветувања што завршиле на буништето на историјата. Инсталациите го прикажуваат местото на кое завршува ветеното откако ќе поминат изборите, додека проблемите за кои биле дадени ветувањата остануваат дел од секојдневието на граѓаните. Се менуваат властите и роковите, но граѓаните продолжуваат да чекаат.

Акцијата потсетува дека неисполнетите ветувања не се само заборавени зборови, туку пропуштени можности за подобар град и поквалитетен живот. Преку хумор и јасна визуелна порака, таа повикува на јавна одговорност и на паметење на преземените обврски. Граѓаните имаат право да бараат исполнување на ветеното, а властите имаат обврска да објаснат зошто тоа не е реализирано.

Група Урбани Уметнички Акции

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.