Грчки геолози ископале дрво старо 20 милиони години (ВИДЕО)

Научниците пронашле скаменето дрво на островот Лезбос во Грција, кое се скаменило по вулканска ерупција пред 20 милиони години.

Скаменетата шума на Лезбос била формирана пред 20 милиони години кога вулкан избувнал на северот на островот и ја покрил целата област со лава и пепел.

Областа, која зафаќа 15.000 хектари, е позната по разновидни фосилизирани стебла.

Геологот Николас Зурос од Егејскиот универзитет за Си-Ен-Ен изјавил дека веќе извесно време работел на ископување на фосилизиран шумски екосистем, но дека досега не наишол на такво откритие.

„Најдовме многу во последниве години, но овие најнови откритија се извонредни“, рече Зурос.

За време на ископувањата долж автопатот Калони-Сигри, научниците откриле огромно дрво во должина од 19,6 метри. На него се сочувани гранки и делови од корени.

"Ретко ќе најдете вакво нешто. Обично ископуваме дрвја без гранки и корени. Ова е единствениот примерок пронајден заедно со гранките и коренскиот систем, тој беше на слој полн со лисја. Тоа е уникатно откритие. Ние копаме во оваа област веќе 25 години и никогаш не сме нашле такво дрво “, рече Зурос.

Четинари, овошни дрвја, црвено дрво, борови, палми, цимет и дабови дрвја се пронајдени во скаменетата шума.

"Откриените дрвја покажуваат дека климата на областа Лезбос е променета. Ова дрво е суптропско. Ова значи дека пред 20 милиони години, кога вулканската ерупција го покрила дрвото, климатските услови беа суптропски. Со проучување на оваа флора можеме да видиме како климатските промени влијаат на екосистемот. “, објаснува геологот.

Примероците од пронајдената вегетација покажале дека половина од видовите што некогаш постоеле на островот изумреле.

"Не ги преживеаја климатските промени. Важни се информациите што можеме да ги искористиме за да им покажеме на посетителите дека климатските промени имаат сериозни последици за видовите што живеле тука", додаде тој.

Алонсо: Останувам во Леверкузен, тоа е вистинското место за мене

Чаби Алонсо ја потврди својата одлука да остане на чело на Баер Леверкузен. Така, тој ја пропушта можноста да ги преземе Ливерпул или Баерн Минхен, кои уште од летото го посакуваа во своите редови и влегоа во преговори со него.

Тој во принцип има договор со „аспирините“ до крајот на сезоната 2025/26. Според информациите во летото 2025 година во неговиот договор ќе биде активирана клаузула според која тој ќе може да замине како слободен агент.

Шпанецот моментално го води Баер до титулата во Бундеслигата, со солидна предност од 10 бода пред второпласираниот Баерн на осум кола до крајот. Одделно, тимот е во четвртфиналето на Лига Европа и е во полуфиналето на Купот на Германија.

Чаби Алонсо го води Леверкузен од октомври 2022 година.

Мицкоски и Ковачевски сметаат дека е добро што ќе имаат јавно соочување на Канал 5

Очекувањата на Ковачевски се дека неговиот политички опонент ќе одговори која е неговата стратегија за деблокада на преговорите, како едно од најголемите прашања кои останаа нерешени. 

Како до подобар животен стандард, кое е најдоброто решение за евроинтеграциите и чија програма е победничка- ова се дел од темите за кои лидерите на СДСМ и ВМРО-ДПМНЕ Ковачевски и Мицкоски за првпат ќе ги судрат аргументите на ТВ дуел в среда во живо на Канал 5. Очекувањата на Ковачевски се дека неговиот политички опонент ќе одговори која е неговата стратегија за деблокада на преговорите, како едно од најголемите прашања кои останаа нерешени.

-Јас се радувам на овој ТВ дуел, бидејќи конечно ќе можеме да чуеме кој каков став има за најважните прашања за државата. Моите ставови веќе ги знаете, меѓутоа се надевам дека во среда ќе можеме да ги чуеме и ставовите на претседателот на ВМРО-ДПМНЕ во однос на интерацијата на државата во ЕУ, односите со соседите и за односите во државата виз-а-ви другите етнички заедници.- Димитар Ковачевски – претседател на СДСМ

Опозицискиот лидер Христијан Мицкоски очекува сериозна дебата за иднината на Македонија, со понуда за проекти и решенија за проблемите на граѓаните.

Очекувам на тој дуел да презентираме како ја гледаме Македонија во следните децении, барем јас така ќе бидам подготвен и така ќе настапам. Очекувам успешен дуел кој ќе го привлече вниманието на граѓаните и ќе даде одговор на многу прашања коишто досега немале можност граѓаните да ги слушнат. - Христијан Мицкоски – претседател на ВМРО-ДПМНЕ

ТВ соочувањето меѓу Ковачевски и Мицкоски ќе трае 2 часа, со еднаков простор за двајцата лидери. Досега дуели во студиото на Канал 5 меѓу лидерите на двете најголеми политички партии се одржуваа во три наврати, додека Зоран Заев беше претседател на СДСМ – во 2019, 2020та и последниот во септември 2021ва година, на еден месец пред локалните избори по кои тој си поднесе оставка од премиерската и партиската позиција.

Сиљановска: Граѓаните и Македонија треба да бидат повторни горди!

Македонија повторна горда. Ова е слоганот на кандидатот на ВМРО-ДПМНЕ и колицијата  за претседател Гордана Сиљановска кој го презениташе предмалку. 

Таа смета дека не само државата, туку и на граѓаните треба да бидат повторно горди. Таа обвини дека во земјава се правело културоцид.

притисни ентер