Граѓаните годинава без поголема еуфорија за претстојните новогодишни празници

За разлика од минатата година граѓаните многу помалку пазаруваат за претстојните празници,.

За разлика од минатата година граѓаните многу помалку пазаруваат за претстојните празници, велат кризата која ја предизвика пандемијата си го прави своето па џебот е пократок, а покрај тоа што е беспарица, граѓаните се жалат дека дополнително отежнување да си набават се што им е потребно за празниците им преставува и предновогодишниот скок на цените.

-Некои цени ептен се покачени.

-Повеќе е овојшето скокнато, портокали, мандарини и слично.

-Па се е поскапено, сувомеснато, месо и зеленчукот е поскапен.

-Море како надуваа цените ама тоа е што да им правиме, ќе пазариме нешто да има на астал да се стави.

-Стандардно е, месото и пред нова година и по нова година исто е.

Моменталната ситуација со пандемијата им го убива и славеничкиот дух, па препознатливите славја и дружби ќе се остават за некои подобри времиња. Годинава единствената опција е да се одбележи во домашни услови.

Веселбите и дружбите на полни трпези до раните утрински часови се синоним за новогодишната прослава помеѓу луѓето, но тие ќе бидат оставени за некои подбри времиња. Годинава славеничкиот дух изостанува, а празничните славја и собиранки ќе бидат заменети со поскромна трпеза и во друштвото од најтесниот круг на семејството, велат граѓаните за престојните празници.

-Нема штимунг, сам сум дома, фамилијата ми е во Германија, не дојдоа, па така ко за еден човек скромно.

-Не, не па не е тоа што беше веќе, по дома, така да нема потреба.

-Во кругот на семејството.

-Да ти кажам право само дома со децата сакам да си бидам.

-Не толку како ланската година, годинава малку поскромно, затоа што е беспарица, нема пари.

Покрај стандардното празнично покачување на цените, потрошувачката кошница изминатава година е поскапена за 1000 денари, покажуваат податоците на Сојузот на синдикати. Поголемата потрошувачка најмногу се должи на поскапувањето на струјата, како и зголемените цени на прехранбените продукти каде е забележан раст за околу 500 денари месечно.

Канцеларијата на Високиот комесаријат за човекови права го поздрави ослободувањето на Aсанж

Канцеларијата на Високиот комесаријат за човекови права на ОН го поздрави ослободувањето на Џулијан Асанж од британски затвор.

Канцеларијата на Високиот комесаријат за човекови права на Обединетите нации го поздрави пуштањето од затвор во Велика Британија на основачот на „Викиликс“, Џулијан Асанж.

„Го поздравуваме ослободувањето на Џулијан Асанж... во Велика Британија и значителниот напредок кон конечно решавање на овој случај без дополнително притворање“, изјави Елизабет Тросел, портпаролка на Канцеларијата на Високиот комесаријат за човекови права на Обединетите нации.

Асанж, чија сага трае речиси 15 години, се согласи да се изјасни за виновен пред американското правосудство за да биде ослободен по пет години минати во британски затвор.

Се очекува утре тој да се појави пред американскиот федерален суд на Маријанските острови. Потоа ќе му се даде право да патува во Австралија, соопшти Викиликс.

Според Тросел, „случајот Асанж“ покренува голем број прашања за човековите права.

„Премногу долгото задржување на Асанж е исто така причина за загриженост. Ќе продолжиме да го следиме развојот на ситуацијата во наредните денови“, рече Тросел.

Во Србија повлечена серијата на лекови Рудакол за третман на симптоми на иритабилна црева

Агенцијата за лекови и медицински помагала на Србија (АЛИМС) излезе со соопштение дека се повлечени од оптек серија лекови Рудакол кои се користат за лекување на симптоми на иритабилни црева, јави дописникот на МИА од Белград.

Како што наведуваат, за ова биле информирани од претставништвото на компанијата, која е носител на лиценцата за лекот во Србија.

Во известувањето се наведува дека претставништвото на компанијата доброволно ја повлекува од промет серијата лек Рудакол, капсула со продолжено ослободување, 30X200 mg.

-Лекот се повлекува од превентивни причини. Наведената серија се повлекува поради неисправност во квалитетот на лекот. Не се идентификувани потенцијални безбедносни ризици поврзани со таа неисправност, се наведува во соопштението.

Датумот на истекување на серијата на лекот што се повлекува е април 2025 година, а првата дистрибуција беше на 26 јули 2022 година.

Како што е наведено во упатствата за лекот, Рудакол се користи за лекување на симптоми на синдром на нервозни црева (SIC) и слични проблеми.

Мицкоски:Ветерниот парк на „Алкараз Енерџи“најголема инвестиција во делот на обновливите извори

Ветерниот парк на „Алкараз Енерџи“ најголема инвестиција во делот на обновливите извори во регионот.

Ветерен парк со 55 ветерници кои ќе произведуваат еден терават час електрична енергија ќе се гради меѓу Карбинци, Штип и Радовиш. Изградбата се очекува да започне во втората половина на 2025 година, а со оваа странска инвестиција на „Алказар Енерџи“, вредна над 500 милиони долари, се очекува да се отворат нови 630 работни места.

Ветерниот парк, како што беше посочено на денешната промоција на инвестицијата, ќе произведува електрична енергија со која ќе се задоволат потребите на околу 100 илјади домаќинства.

Според премиерот Христијан Мицкоски, се работи за најголема инвестиција во делот на обновливите извори во регионот.

- Ваквиот почеток на мандатот со ваква инвестиција покажува дека како Влада сме насочени кон проекти што се во интерес на граѓаните. Со завршување на овoј проект дури 100-тина илјади македонски семејства ќе може да се снабдуваат со електрична енергија од овие ветерници. Овој проект е значаен од многу аспекти - со него ќе се зајакне значително енергетката независност, што е наша цел, ќе го зголеми обемот на инвестиции и ќе отвори пат за нови инвестиции. Ваков тип на инвестиции покажуваат дека довербата во оваа Влада уште на самиот почеток е голема и дека како опозиција работевме и сега како Влада само ќе продолжиме да работиме со зајакнато темпо, рече Мицкоски.

Додаде дека целта на Владата е земјата да стане енергетски независна во делот на енелектричната енергија и според него, тоа може да се реализира со детален план.

- Планот го имаме, луѓето ги имаме, останува само да ја завршиме домашната задача што сами ја поставивме. Велат дека секој човек сонува за големи работи, а дека малку кој своите соништа ги креира во вистински проекти, Јас сум од оние луѓе кои сакаат да видат конкретни дела, а не се потпира само на даден збор. Така функционирам, а така ќе функционира и оваа Влада, рече Мицкоски.

Министерката за енергетика Сања Божиновска најави програма за грантови и поволни кредити за 150 илјади домаќинства во еден мандат за сопствениците на приватните куќи и станови.

- Поддршката ќе се однесува на поставување нови енергетски ефикасни фасади, прозорци и врати, исто така и субвенции за граѓаните до 50 проценти од цената за набавка и инсталација на енергетска ефикасна опрема. Домаќинствата ќе имаат можност да го продаваат вишокот од произведената електрична енергија по подобри услови со промена на постоечката регулатива. Предвидуваме и промени на начинот на пресметка за исплата на продадената вишок произведена енергија, посочи Божиновска.

„Алкараз енерџи“ е водечки независен одржлив фонд со седиште во Луксембург и тим на советници со седиште во Дубаи кои се фокусираат на големи проекти за обновлива енергија на пазарите во развој.

притисни ентер