Градската библиотека „Браќа Миладиновци“ одбележа 70 години постоење - Канал 5

Култура

Градската библиотека „Браќа Миладиновци“ одбележа 70 години постоење

Градската библиотека „Браќа Миладиновци“- Скопје денеска го одбележа својот јубилеј-70 години од постоењето. В.д. директорката на Градската библиотека „Браќа Миладиновци“ Гордана Петревска се осврна на почетоците и развојот на институцијата, на нивните обврски и задачи.


- Градската библиотека има големо значење за градот и за нејзините граѓани. По значење може да се изедначи со универзитетот. Таа го креирала и го издигнувала духовниот развој на граѓаните на Скопје, била место каде се одвивал богат културен живот, се одржувале многу литературни средби, промоции, се распишувале литературни и ликовни конкурси, се одржувале семинари и трибини, се поставувале изложби, се одбележувале годишнини..., рече Петревска.

Скопскиот градоначалник Коце Трајановски истакна дека библиотеката е една од најстарите и најзначајните културни институции во главниот град која, како што рече, одиграла голема улога во многу сфери од севкупното живеење во Скопје.

- Огромен број на граѓани, читатели, ученици, студенти тука ги црпеле своите знаења и ова е сведок за културниот развој на Скопје и на Македонија, рече Трајновски.

На настанот беше промовирана и монографијата „70 години Градска библиотека Браќа Миладиновци“.

- Во монографијата може да се види основањето, развојот и функционирањето на библиотеката во изминатите 70 години, рече Трајановски.
В.д. директорката Петреска на Министерството за култура и на градоначалникот Трајановски им врачи плакети за посебен придонес во развојот на библиотеката и остварената заемна соработка по повод јубилејот 70-години Градска „Библиотека Браќа Миладиновци“.

Бибилотеката „Браќа Миладиновци“ почнала со работа на 15 ноември 1945 година. Организациски во моментов располага со една матична куќа, три централни „Цветан Димов“, „Страшо Пинџур“ и „Другарче“ и 14 клона. Има и подвижна билиотека која ги опслужува училиштата, пред се во руралните средини каде нема библиотеки.

Во рамки на 70-годишниот јубилеј на библиотеката, изминативе денови беа пуштени во употреба реновираните библиотеки „Стале Попов“ и „Карпош“, се одржа „Вечер на читатели“ и средба со пензионерите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Вучиќ во кампања за предвремените парламентарни избори на 25 октомври

Вучиќ –кој е  носителот на листата „Александар Вучиќ – обединета Србија“  изјавил дека во Загреб, Подгорица, Сараево и Приштина со голем жар посакуваат соборување и промена на актуелната власт во Србија.

Вучиќ во кампања за предвремените парламентарни избори на 25 октомври

Албин Курти и Мило Ѓукановиќ до Андреј Пленковиќ, сите сакаат соборување на власта во Србија. А дали тие сакаат нешто добро за Србија?“, прашал Вучиќ.

На предизборниот собир тој кажал и дека некој однадвор ја отрул атмосферата во земјата, сакајќи да ја промени политиката на Србија, пред се на меѓународно ниво.

Тагови: Александар Вучиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Никарагва одлучи да го раскине договорот од 1987 година

Министерството за надворешни работи на Никарагва објави дека земјата се повлекува од Централноамериканскиот парламент.

Никарагва одлучи да го раскине договорот од 1987 година

Како што соопшти Министерството вчера, „остварувајќи го своето суверено право“, Никарагва одлучи да го раскине договорот од 1987 година со кој беше формиран парламентот за шест централноамерикански држави, одлуката стапува на сила веднаш, пренесува Ројтерс.

Владата на Никарагва не одговори на барањето за коментар.

Овој потег уследи еден ден откако Организацијата на американските држави (ОАД) усвои резолуција со која се повикуваат властите во Никарагва да ги ослободат политичките затвореници и да ги вратат граѓанските слободи.

Никарагва ја напушти ОАД во 2023 година, тврдејќи дека оваа дипломатска организација станала инструмент на интервенционизмот на САД.

Земјата, исто така, во 2025 година објави дека ќе се повлече од Советот за човекови права на ОН, по извештајот на Обединетите нации во кој меѓународната заедница се повикува да реагира на кршењето на човековите права во земјата.

Политичка криза во Никарагва

Никарагва се наоѓа во состојба на политичка криза од април 2018 година, кога полициските сили ги задушија масовните протести, притоа загинаа повеќе од 350 луѓе, околу 2.000 беа повредени, а илјадници беа уапсени или избегаа од земјата.

Владата на Никарагва, предводена од претседателот Даниел Ортега и неговата сопруга Росарио Муриљо, минатиот јули објави дека земјата повеќе нема да одржува избори. Ортега е на власт во континуитет од 2007 година, откако претходно ја извршуваше функцијата претседател во 80-тите години на минатиот век.

Извор: Б92

Тагови: Никарагва

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп именуваше пратеник за затворениците: „Тој врати 65 Американци од Белорусија“

Американскиот претседател Доналд Трамп денеска објави дека адвокатот и актуелен пратеник за Белорусија, Џон Коул, ќе биде негов специјален претседателски пратеник за прашања поврзани со затвореници.

Трамп именуваше пратеник за затворениците: „Тој врати 65 Американци од Белорусија“

Белорускиот претседател Александар Лукашенко минатиот месец помилува 15 затвореници по разговорите со Коул, кој повеќе од една година преговара со Минск.

„Во текот на изминатата година, Џон веќе обезбеди враќање на повеќе од 65 Американци и државјани на сојузнички земји од Белорусија и договори ослободување на повеќе од 800 политички затвореници од неколку источноевропски земји“, објави Трамп на својата социјална мрежа „Truth Social“.

Коул ќе го замени Адам Болер, за кого Трамп рече дека вратил 196 заложници.

Болер, кој во август помогна да се обезбеди ослободување на поранешен американски маринец од Русија, ќе продолжи да помага околу други прашања како виш советник, додаде Трамп.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер