Голем концерт на маестро Роби Лакатош за роденденот на „Охридско лето“ - Канал 5

Култура

Голем концерт на маестро Роби Лакатош за роденденот на „Охридско лето“

Фестивалот „Охридско лето“ својот 53 роденден ќе го прослави со голем концерт на унгарската и светска музичка атракција, виолинистот Роби Лакатош со неговиот ансамбл вечерва на Античкиот театар.

Голем концерт на маестро Роби Лакатош за роденденот на „Охридско лето“
Како што јави МИА, на денешната прес-конференција директорот на манифестацијата Елизабета Јанкуловска изрази задоволство што маестро Лакатош е тука во Охрид, на прославата на овој значаен фестивалски јубилеј.

- Фестивалот „Охридско лето“ опстојува долго време, секогаш знае и успева покрај квалитетната програма за родендените да избере особени уметници. Благодарение на селекторите, успеваме да спакуваме приказна за вљубениците во музиката и театарската уметност, истакна Јанкуловска.

Селекторот на музичката програма Гордана Јосифова – Неделковска најавувајќи го вечерашниот концерт потсети дека години наназад на денот на раѓањето на „Охридско лето“, фестивалот нудеше исклучителни уметнички доживувања, како „Перпетум џезиле“ минатата година, претходната година осумте тенори, потоа „Свингл Систерс“ итн.

- Посебно внимание програмско беше посветено околу изборот на уметникот кој ќе настапи на овој значаен ден за овогодинешното издание. Мислам дека задоволството на сите нас е да го имаме големиот виртуоз на виолина, еден од виолинистите кој ужува огромна почит од најголемите мајстори како Репин, Грапели, Мењухин...Лакатош постапно но со голем успех ја градеше неговата светска кариера. Епитетот „ѓаволски“ е резервиран само за најголемите композитори и уметници маѓу кои Тартини, Паганини. Следниот е маестро Лакатош, што повеќе од се кажува за неговиот уметнички опус, рече таа.

Маестро Лакатош рече дека ова е прв негов настап во Македонија, па оттаму очекува исклучителен концерт вечерва за публиката на „Охридско лето“.

- Секогаш кога се настапува првпат е мошне значајно. Очекуван одличен концерт и публика оваа вечер. А вообичаено кога настапувам некаде за првпат, свирам компилација на композиции од сите мои албуми, како и дела од најновото це-де, изведени премиерно во големата „Опера хаус“ во Сиднеј, рече маестро Лакатош, наглаусвајќи дека се работи за нов проект во кој соработува со нови млади музичари.

Станува збор за сосема нова програма, набиена со силна енергија што постои меѓу шестемина уметници што вечерва ќе настапуваат на Антички.

- За фестивалот „Охридско лето“ знам од моите пријатели музичари кои имаат настапувано тука, така што можам да кажам дека оттаму и мојата возбуда што сум дел од оваа манифестација, истакна Лакатош.

Инаку, Роби Лакатош и неговиот бенд во Охрид доаѓа по настапите на неколку фестивали во Унгарија, а по вечерашниот концерт неговата агенда го води на фестивалот во Краков, Полска.

Роден во легендарното семејство на ромските виолинисти со потекло од Јанош Бихари, „Кралот на ромските виолинисти“, Роби Лакатош пораснал со музиката и на 9-годишната возраст дебитирал како прва виолина во ромскиот оркестар. Неговата музикалност се развивала не само преку семејството, но и на Конзерваториумот „Бела Барток“ во Будимпешта каде во 1984 година ја освојува првата награда по класична виолина. Во периодот од 1986 до 1996 година заедно со неговиот ансамбл, Лакатош го воодешувува аудиториумот на „Les Atéliers de la grande Ille“ во Брисел – неговиот „музички дом“ во тој период. Лакатош соработувал со Вадим Репин и Стефан Грапели, а со неговата изведба се восхитувал Сер Јехуди Мењухин кој специјално доаѓал во клубот во Брисел да го чуе.

Роби Лакатош е не само воодушевувачки виртуоз, но и музичар со исклучително чувство за стил. Еднакво комотно чувствувајќи се при изведбата на класичната музика, џезот и унгарските фолклорни идиоми, Лакатош е од ретките музичари кој им пркоси на дефинициите. Го нарекуваат ромски виолинист или „ѓаволест виолинист“, класичен виртуоз, џез-импровизатор, композитор и аранжер, „повратник од 19-от век“, а Лакатош, всушност, и е се тоа заедно. Тој е универзален музичар кој толку ретко може да биде сретнат во наше време – свирачот чијашто моќ на интерпретатор потекнува од неговите активности на импровизатор и композитор. Лакатош настапува во најпознатите сали и на најпрестижните фестивали во Европа, Азија, Австралија, Америка.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Фицо тврди: Резултатите од референдумот за пристапување во ЕУ беа фалсификат

Словачкиот премиер Роберт Фицо денес тврдеше дека референдумот за пристапување на земјата во Европската Унија бил наместен и дека немало да има пристапување доколку не било така.

Фицо тврди: Резултатите од референдумот за пристапување во ЕУ беа фалсификат

„Одржавме референдум кој, доколку не беше наместен, немаше да биде успешен. Тоа мора да се каже. Разликата беше толку мала што, според мене, беа направени одредени корекции за да се обезбеди дека исходот е онаков каков што беше потребен за Словачка да го одобри пристапувањето кон оваа организација“, изјави Фицо за телевизијата TA3.

Зборувајќи за атмосферата во Словачка во 2004 година, кога земјата се приклучи кон ЕУ, Фицо оцени дека пристапувањето било проследено со голем ентузијазам од една страна, но дека од друга страна, резултатот од референдумот бил многу тесен.

Референдумот за пристапување кон Европската Унија во Словачка се одржа во мај 2003 година, со излезност од 52 проценти, а мнозинството гласаше позитивно за пристапувањето.

Словачка се приклучи кон Европската Унија во 2024 година.

Тагови: Роберт Фицо

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Коперникус: Овој октомври бил најтопол во историјата- последиците за целиот свет би биле катастрофални

Октомври 2026 година беше најтоплиот октомври досега кога станува збор за глобалните температури .

Коперникус: Овој октомври бил најтопол во историјата- последиците за целиот свет би биле катастрофални

Октомври 2026 година беше најтоплиот октомври досега кога станува збор за глобалните температури и трет последователен месец што го надмина прагот на затоплување утврден со Парискиот договор, соопшти денеска главната програма на Европската Унија (ЕУ) за набљудување на Земјата што ги мери времето и климата, „Коперникус“.

Европската агенција соопшти дека 2026 година била втората најтопла година досега, со 20 проценти шанси да се изедначи или надмине 2024 година како најжешка година досега, објави ABC News.

Се очекува просечната глобална температура за четиригодишниот период помеѓу 2023 и 2026 година да го надмине прагот од 1,5 степени Целзиусови.

Температурите на површината на морето продолжија да растат, при што просечната температура на површината на морето надвор од поларните региони беше највисока досега за октомври, соборувајќи го претходниот рекорд поставен во 2023 година.

„Во тропскиот Пацифик, Ел Нињо продолжува да се зајакнува, при што температурите на површината на морето во регионот што научниците ги користат како клучен репер за следење и дефинирање на овој климатски модел достигнуваат историски максимуми. Овие температури сега ги надминуваат врвовите забележани за време на претходните многу силни епизоди на Ел Нињо“, рече Коперникус.

Новите рекорди ќе бидат тема на дискусија за светските лидери, преговарачите за климата, научниците и непрофитните организации во Турција на годишната конференција за климата на Обединетите нации.

Се очекува COP31 да се фокусира на преточување на минатите обврски во конкретни резултати.

Администрацијата на Трамп нема да испрати официјална американска делегација, и покрај тоа што Соединетите Американски Држави се втор најголем емитер на стакленички гасови во светот, зад Кина.

Тагови: Коперникус

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Нови детали за нападите на фрижидери во маркетите низ Европа: Шифрата била „12345“

Истражувачите за кибербезбедност забележаа обиди на хакери за пристап до системи за ладење поврзани со интернет неколку дена пред бранот напади врз европските супермаркети. 

Нови детали за нападите на фрижидери во маркетите низ Европа: Шифрата била „12345“

На почетокот на ноември, системите беа нападнати во маркетите во девет европски земји и во неколку банки за крв во Франција. Залихите на крв не беа изгубени, а сторителите не се познати.

Во некои продавници, температурите на фрижидерите и замрзнувачите се искачија на 50 степени Целзиусови, поради што мораа да фрлат расипана храна.

Компанијата за кибербезбедност Луповис регистрираше повеќе од 276 обиди за пристап до компоненти на контролерите за ладење на Данфос помеѓу 20 и 30 октомври. Според компанијата, обидите дошле од 91 различен актер на закана, а активноста достигна врв на 26 октомври.

„Одеднаш, во текот на десет дена, видовме големо зголемување на активноста. Напаѓачите се обидуваа да користат стандардни лозинки и да искористат некои ранливости“, изјави за Euronews Next Ксавиер Белекенс, извршен директор на Луповис.

Обидите беа снимени на таканаречени „медени стапици“, лажни системи што истражувачите намерно ги ставија онлајн за да ја следат хакерската активност.

„Замислете крадци како возат низ вашата населба барајќи куќи за да провалат“, го опиша извидувањето на системот.

Луповис гледа можна руска врска

Луповис, исто така, ги следеше дигиталните траги од нападите и откри дека се користени услуги за хостирање, чии провајдери го отежнуваат исклучувањето на серверите и соработката со полицијата. Некои од тие услуги, рече Белекенс, биле користени во минатото од руски хакерски групи.

„Сето ова укажува на противник кој не е аматер или осамен напаѓач. Операцијата се чини дека е добро испланирана, а државен актер одговара на тој опис“, рече тој. Тој додаде дека, следејќи ги индициите, се чини дека Русија може да стои зад нападот.

Самата компанија не може да докаже дека напаѓачите се поврзани со Русија. Нејзиниот извршен директор вели дека сензорите регистрирале слична активност во Европа, но не и во Јужна Америка, Африка, Северна Америка или Азија.

Џорџ Нот, уредник за технологија во The Grocer, предупреди да не се донесуваат цврсти заклучоци за одговорните.

„Сè уште не е јасно кој стои зад нападот или што сакал да постигне со него. Можеби никогаш нема да дознаеме. Бидејќи немало барање за откуп или прифаќање на одговорност, сторителот можел да биде државен актер, но и група тинејџери кои го направиле тоа чисто за забава.“

Системите биле достапни преку Интернет

Хакерите можеле да пристапат до системите за ладење бидејќи контролните единици биле поврзани на Интернет, според Белекенс. Некои системи наводно имале активни фабрички стандардни акредитиви за најавување, како што се корисничкото име „Супервизор“ и лозинката „12345“.

Нот вели дека напаѓачите пронашле страници за најавување достапни на интернет и ги искористиле слабите лозинки и ранливостите кои веќе биле поправени. Според него, таков напад не барал напредна технологија.

Белекенс верува дека многу системи би биле подобро заштитени доколку не биле директно изложени на Интернет, туку достапни преку виртуелна приватна мрежа (VPN).

Ризикот не се однесува само на ладилниците

Нападите предизвикаа загриженост за други уреди поврзани со Интернет. Системите за греење, вентилација и климатизација, електронските етикети на полиците и роботите за чистење би можеле да имаат слични ранливости.

„Замрзнувачот не е посебен. Тој е само највидливиот пример од многу поширока категорија“, рече Кумар Сока, директор на „Акре секјурити“.

Истиот тип на контролер, вели Сока, може да контролира врати, камери, аларми, осветлување и системи за греење и вентилација во модерни згради. Во болница или центар за податоци, нападот би можел да ја исклучи камерата или да го оневозможи алармот без никаков очигледен знак дека нешто не е во ред.

Експертите исто така предупредуваат дека вештачката интелигенција би можела да го забрза откривањето на ранливостите и развојот на идните напади. Сепак, нема индикации дека била користена во нападите врз европските системи за ладење.

Тагови: маркети фрижидери

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер