Ѓорческа најдобра и во поединечна конкуренција на фјучрсот во Тарсус - Канал 5

Тенис

Ѓорческа најдобра и во поединечна конкуренција на фјучрсот во Тарсус

Македонската тенисерка Лина Ѓорческа ја потврди улогата прва носителка на фјучрсот во турскиот град Тарсус откако по вчерашниот тирумф во двојки денеска победи и во поединечна конкуренција. Таа во финалето со 6:2 и 6:4 во сетови ја победи Ленка Виенерова од Словачка.

Ѓорческа најдобра и во поединечна конкуренција на фјучрсот во Тарсус
Ова беше втор меч на двете тенисерки и Ѓорческа има две победи. Ова за Ѓорческа е трета победа во поединечна конкуренција: Арад – Романија (2012 година) и Варна – Бугарија (2014 година).

Нашата тенсиерка одлично го почна финалето и со два брејка поведе со 3:0 во првиот сет. Противничката намали на 3:2, но Ѓорческа повторно направи серија од три гема и сетот го доби со 6:2. Во вториот сет првиот брејк за водство од 2:1 го направи Ѓорческа, која потоа и водеше со 3:1, но Виенерова имаше три гема во серија за водство од 4:3. Сепак Ѓорческа не дозволи противничката да го освои сетот и ги доби следните три гема за 6:4 во сетот.

Нашата тенисерка имаше пет брејка во мечот, за разлика од два на Виенерова.

Ова беше четврто „сингл“ финале за Ѓорческа,а имаше три порази два на турнири во Бол и еден на турнир во Шарм Ел Шеик.

За победата на турнирот Ѓорческа ќе освои нови 12 поена и ќе го подобри својот пласман особено со 18-те поени од минатонеделниот турнир во Галаци. Следната недела Ѓорческа е пријавена за настап на фјучрс во Прокупље, Србија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Судир во Анкара: Солзавец, апсења на протестот пред самитот на НАТО

Повеќе од 100 лица беа приведени во Анкара на протестот против НАТО организиран од Комунистичката партија на Турција, додека полицијата употреби солзавец за да го растури собирот.

Судир во Анкара: Солзавец, апсења на протестот пред самитот на НАТО

Турските власти приведоа повеќе од 100 лица кои учествуваа на протестот против НАТО организиран од Комунистичката партија на Турција (ТКП) во Анкара, пред самитот на алијансата во градот следната недела, соопшти ТКП.

Во соопштението, ТКП вели дека организирала протести против НАТО во Анкара и Истанбул во понеделник, објави Ројтерс. Полицијата употреби солзавец за да го растури протестот на централниот плоштад Кизилај во Анкара, приведувајќи повеќе од 100 членови на партијата, вклучувајќи администратори, додека немаше судири меѓу демонстрантите и полицијата на протестот во Истанбул, кој се одржа на плоштадот Таксим.

Снимките од протестите во Анкара покажаа демонстранти кои држат знамиња и извикуваат слогани како „Убиецу НАТО, напушти ја земјата“ и „Нема премин за НАТО“.

„Денес се собравме во многу делови од Турција за да протестираме против НАТО. Рековме дека нема да ја предадеме Анкара на поддржувачите на НАТО, дека нема да дозволиме Анкара да молчи. Го исполнивме тоа ветување“, изјави генералниот секретар на ТКП, Кемал Окутан, во Истанбул.

Турција ќе биде домаќин на лидери од 32 сојузнички земји во Анкара како претставници на НАТО партнери на самитот на НАТО на 7 и 8 јули. Властите ја зајакнаа безбедноста низ турската престолнина пред состанокот на НАТО, а протестите се забранети.

Извор: Б92

Тагови: Анкара НАТО

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Пустинска тврдина: Египет направи воен комплекс поголем од Пентагон (ВИДЕО)

Египет го отвори „Октагонот“, нов штаб на своите вооружени сили кој се смета за најголем воен комплекс во светот, со присуство на претседателот ал-Сиси и голема воена церемонија.

Пустинска тврдина: Египет направи воен комплекс поголем од Пентагон (ВИДЕО)

Египет го отвори новиот штаб на своите вооружени сили во недела, кој се смета за најголем во светот. Претседателот Абдел Фатах ал-Сиси присуствуваше на отворањето, во ретко јавно појавување во воена униформа.

Комплексот „Октагон“ се состои од осум згради, секоја во форма на осмоаголник, и се протега на околу 90 квадратни километри - површина приближно со големина на Лисабон.

Објектот е значително поголем од Пентагон, седиштето на Министерството за одбрана на САД, што го прави најголемиот воено-административен комплекс во светот.

Ал-Сиси на отворањето рече дека комплексот е „доказ за волјата на една нација која знае дека ништо не е невозможно“.

Претседателот беше придружуван до комплексот со борбени хеликоптери.

Комплексот се наоѓа источно од Каиро, во новиот административен главен град во пустината. Проценките покажуваат дека изградбата чинела околу 50 милијарди евра, што го прави еден од најскапите проекти откако ал-Сиси дојде на власт. Во меѓувреме, Египет се соочува со една од најтешките економски кризи во последните децении, со надворешен долг од околу 143 милијарди евра.

Тагови: Египет Пентагон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Алчноста за пари на Апасиев пред реформите, Левица го блокира Изборниот законик

Апасиев повторно го погази зборот, алчни само за пари Левица го блокираат Изборниот законик.

ВМРО-ДПМНЕ: Алчноста за пари на Апасиев пред реформите, Левица го блокира Изборниот законик

Левица и Димитар Апасиев докажаа дека нивните зборови не вредат ништо кога ќе дојде време да се преземе одговорност.

Иако со консенсуз од сите политички партии беше прифатено она што Димитар Апасиев и Левица го бараа, а тоа е повеќе пари за финансирање на кампањата од Буџетот, квази левичарите денес тој договор го поништуваат.

Левица со денови јавно зборува за принципи, демократија и една изборна единица, а кога на маса беше ставен договор во кој беа прифатени нивните барања, решија да го блокираат процесот и Изборниот законик.

Левица на чело со Апасиев потврди дека нивната политика не се темели на принципи, туку на дневен политички маркетинг и пресметана конфронтација.

Левица избра да прави политички театар

И вештачки кризи со цел да соберат политички поен плус наместо напредок, реформи и современ и функционален Изборен законик.

Левица избра да се служи со провиден политички маневр иако фактите се јасни, беше постигнат широк политички консензус и беа прифатени решенија кои ги бараше и Левица.

Левица избега од договореното, Апасиев се повлече и одлучи да го блокираат процесот.

Граѓаните на дело го видоа лицемерието и двојните стандарди на Апасиев и Левица.

Единствено што му е важно на Апасиев се повеќе пари, Апасиев едно зборува пред камерите, друго прави зад затворени врати глумејќи тврдокорен.

Левица нуди само популизам. Левица нема решенија, Апасиев нуди само блокади.

На Македонија и се потребни институции што функционираат и политичари што стојат зад својот збор, а не политички претстави и евтини маневри како тие на Апасиев и Левица кои заедно со Венко Заев и СДС ги кочат реформите.

Граѓаните не им веруваат на квази политичари кои ги интересираат само сопствени интереси и пари, впрочем за тоа говорат и анкетите каде СДС и Левица ја губат поддршката од народот.

ВМРО-ДПМНЕ

Тагови: ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер