Ѓоковиќ раскажа за најголемото ривалство во големата тројка со Надал и Федерер (ВИДЕО) - Канал 5

Тенис

Ѓоковиќ раскажа за најголемото ривалство во големата тројка со Надал и Федерер (ВИДЕО)

Секој што го следи тенисот барем еднаш во животот го слушнал терминот „Голема тројка“, а се однесува на тројцата најголеми тенисери кои оставиле најголем белег во историјата на овој спорт.

Ѓоковиќ раскажа за најголемото ривалство во големата тројка со Надал и Федерер (ВИДЕО)

Секако, зборуваме за Новак Ѓоковиќ, Роџер Федерер и Рафаел Надал.

Швајцарецот беше првиот што го закачи својот рекет, а неколку години подоцна и Шпанецот се збогува со тенисот. Остана само Новак Ѓоковиќ, кој продолжува да им пркоси на годините и да се бори против младите надежи, односно продолжува да го брани столбот на тенисот во кој сите се заљубивме.

Во емисијата „Шампионски неуспех“ што ја водеше поранешниот фудбалер и тренер Славен Билиќ, Новак во еден момент зборуваше за познатото соперништво меѓу него и Федерер, а Надал од другата страна.

- Кога ги споредуваме Федерер и Надал, Федерер е оној кој е најталентиран, најубав за гледање, оној кој ја трошел својата енергија најефикасно. Тој се движеше елегантно, додека Надал е другиот контраст, неговата физика е максимална. Јас сум некаде на средина, но повеќе кон Надал. Секој од нас имаше свои карактеристики и со текот на времето нашите соперништва се надополнуваа и зајакнуваа. Постојано велиме, сите тројца, дека преку овие соперништва придонеле едни на други и на другите да се развијат во тенисери, но и во луѓето што сме станале - рече Новак Ѓоковиќ.

Тагови: Новак Ѓоковиќ Рафаел Надал

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Орден „8 Септември“ доделени на Јордан Плевнеш и Раде Сиљан и постхумно на Џеват Гега, Мето Јовановски и Глигор Чемерски

Претседателката Гордана Сиљановска-Давкова, по повод празникот упати честитка до граѓаните во која порача дека независноста не е завршено минато, туку трајна обврска на секоја генерација да ја чува, гради и надградува државата.

Орден „8 Септември“ доделени на Јордан Плевнеш и Раде Сиљан и постхумно на Џеват Гега, Мето Јовановски и Глигор Чемерски

Претседателката и собраниска делегација утринава положија цвеќе на вечните почивалишта на првиот претседател на Македонија, Киро Глигоров, на претседателот Борис Трајковски и на на првиот претседател на Владата, Никола Кљусев.

Сиљановска - Давкова им доделии орден „8 Септември“ на Јордан Плевнеш и Раде Сиљан и постхумно на Џеват Гега, Мето Јовановски и Глигор Чемерски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Два бомбашки напади во центарот на Атина (ВИДЕО)

Рачни гранати беа фрлени денеска на две локации во центарот на Атина, соопшти грчката полиција, додавајќи дека нема повредени.

Два бомбашки напади во центарот на Атина (ВИДЕО)

Првиот напад се случил во 4:25 часот наутро по локално време, кога рачна граната беше фрлена во продавница за здрава храна во Ахарнон, а наводно во продавницата во тој момент се наоѓал и обезбедувач со сириско потекло, објави „Прото тема“.

Вториот напад се случил во 4:55 часот наутро во областа Агиос Пантелејмонас, кога непознат напаѓач фрлил експлозивна направа во наргиле бар во сопственост на Сириец.

Полицијата е на местото на настанот. Снимки од продавницата и барот по експлозиите се појавија и на социјалните мрежи.

Тагови: Атина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Гаши: Честит 8 Септември

Денот на независноста е еден од најзначајните датуми во историјата на нашата земја. 

Гаши: Честит 8 Септември

35 години живот на една држава не се многу, но се доволни за да разбереме дека државноста не се постигнува само со еден политички акт, со референдум или само со прогласувањето на независноста. Државата е нешто што се гради секој ден – со функционални институции, со еднакво право за сите, со одговорност, со работа, со образование, со економски развој и, пред сè, со луѓе кои веруваат дека нивната лична иднина е поврзана со заедничката иднина на државата.

Оваа годишнина треба да ја гледаме со верба и оптимизам, преку она што сме го изградиле, но и преку она што останува да го направиме.

Нашата Република е дом на граѓани со различна етничка, јазична, верска и културна припадност. Оваа разновидност не треба да биде извор на поделби, туку наша заедничка сила. Во темелите на нашата држава секогаш треба да стојат еднаквоста и чувството дека секој граѓанин има свое рамноправно место во државата.

Наша заедничка должност е да градиме држава во која институциите им служат на граѓаните, во која законите се применуваат еднакво за сите, во која корупцијата не се толерира и во која европската перспектива е заедничка цел.

На овој посебен ден, посакувам нашата држава да биде место во кое никој нема да се чувствува како странец, во кое разликите се можност за успех, во кое институциите се посилни од тесните интереси и во кое секој млад човек може со убедување да каже: „Тука е моето место и тука ја гледам мојата иднина.“

Со верба во граѓаните, со одговорност кон државата и со заедничка работа, да ја градиме државата што сакаме да им ја оставиме на идните генерации.

Честит 8 Септември – 35-годишнината од независноста на Македонија!

Африм Гаши

Претседател на Собранието на Македонија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер