На интернет стана вирална застрашувачката средба меѓу млада голема бела ајкула и група тинејџери кои не биле свесни за нејзината близина, крај брегот на Јужна Калифорнија.

Снимката од воздух е направена од Карлос Гауна, познат како „The Malibu Artist“, кој го документира однесувањето на ајкулите со помош на дронови.

На драматичното видео се гледа голема бела ајкула, долга околу 3 метри, како полека плива кон група млади пливачи кои си играле во плитката вода.

Ајкулата ѝ се приближи на групата, очигледно од љубопитност, додека децата воопшто не биле свесни дека потенцијално опасно животно се наоѓа на само неколку метри од нив.

Белата ајкула кружеше во нивна близина неколку мигови, додека пливачите безгрижно продолжуваа да си играат во водата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Лабораториските анализи покажаа зголемено ниво на арсен. ЈП „Комунален сервис“ Валандово и Институтот за јавно здравје ги предупредија граѓаните да не ја користат водата за пиење.

Ова повеќе не е локален проблем туку е системски проблем на цела држава.

Проблем на еден човек - Христијан Мицкоски и на организираната криминална група ВМРО која ја презеде државата.

Оваа влада не знае да управува со основните работи што се однесуваат на здравјето и безбедноста на граѓаните.

Нема капацитет, нема стручност, нема системска контрола.

Единственото што добро го познаваат се криминалните тендери и личното богатење.

Во Гостивар дозволија луѓето да се трујат со фекално загадена вода. Сега во Валандово имаме арсен во водата за пиење. Утре ќе биде некој друг град.

Кога институциите не функционираат, кога контролата е слаба, кога се поставуваат луѓе според партиска послушност, а не според стручност - резултатот е токму ова: граѓаните остануваат без безбедна вода за пиење.

Мицкоски и неговата структура се занимаваат со базени, реконструкции и медиумски настапи.

Во меѓувреме, основните системи што треба да го штитат животот на луѓето се распаѓаат.

Ова е последица на нестручност, незнаење и целосен фокус на лични и партиски интереси.

Прашањето повеќе не е само „што се случува во Гостивар“ или „што се случува во Валандово“.

Прашањето е: кој град е следен?

Скопје, 23.07.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Владата предводена од ВМРО-ДПМНЕ продолжува со реализација на конкретни политики кои носат подобар животен стандард, посилна социјална заштита и долгорочен развој на државата.

Како дел од реформите во социјалниот сектор, потпишан е нов Колективен договор со кој платите на вработените во центрите за социјална работа се зголемуваат за 20 проценти. Со ова се исправа долгогодишната неправда кон социјалните работници и се вреднува нивниот професионален ангажман во обезбедувањето поддршка за најранливите категории граѓани.

Воедно, Владата го донесе Националниот план за управување со Европската младинска картичка за периодот 2026 – 2028 година и во тек се активности за објавување јавен повик за избор на оператор кој ќе биде задолжен за имплементација, развој и одржливо управување со нејзиниот систем.

Оваа мерка на младите ќе им овозможи полесен пристап до бројни поволности, услуги, образовни и културни содржини, како и можности во државата и низ Европа.

Паралелно, во соработка со УНФПА започна подготовката на Национална стратегија за демографски развој и отпорност, која, преку инвестиции во човечкиот капитал и рамномерниот регионален развој, ќе овозможи креирање сеопфатни политики за поттикнување на повратните миграции, поголема поддршка за семејствата и справување со негативните демографски предизвици.

Владата останува доследна на својата определба да спроведува политики што даваат конкретни резултати и ќе продолжи да применува мерки кои ги јакнат институциите, ги подобруваат условите за работа, отвораат нови можности за младите и создаваат сигурна иднина за македонските семејства.

Граѓаните заслужуваат ефикасни институции и политики што носат долгорочни придобивки, а токму тоа е правецот по кој се движи Владата предводена од ВМРО-ДПМНЕ.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.