Ѓоковиќ: Не дојдов на Вимблдон само за да одиграм неколку кола

 Српскиот тенисер Новак Ѓоковиќ изјави наскоро кога ќе донесе конечна одлука за евентуалното учество на Вимблдон. 

Вториот светски рекет пристигна во Лондон на 24 јуни, каде ќе се одржи турнирот.

- Многу сум задоволен од тоа како се одвиваат работите. Сè уште не сум на 100 проценти, но се надевам дека ќе го направам тоа во следните неколку дена. Рехабилитацијата оди во вистинска насока. Ќе донесам одлука врз основа на тоа како ќе се одвиваат работите во следните четири или пет дена. Дали ќе играм само ако сум сигурен дека ќе победам? Секако, не дојдов овде само да одиграм неколку кола. Но, сè уште немам планови да се повлечам од тенисот, така што ова нема да биде мојот последен Вимблдон. Ќе донесам одлука пред ждрепката да бидам фер кон другите играчи. Се разбира, сè е непредвидливо. Не знам што може да се случи кога турнирот ќе започне, изјави Ѓоковиќ за „Дејли експрес“.

На почетокот на јуни 37-годишниот Србин успешно го оперираше коленото. Ѓоковиќ заработи повреда на менискусот во четвртото коло на Ролан Гарос каде играше против Аргентинецот Франциско Черундоло. На оваа средба победи во пет сета, но подоцна се повлече од четвртфиналето на турнирот.

Вимблдон 2024 ќе се одржи од 1 до 14 јули во Лондон (Англија).

Тимчо Муцунски во „Само интервју“

Дами и господа утре во Само Интервју ќе гостува министерот за надворешни работи и надворешна трговија, Тимчо Муцунски.

Евроинтегрециите се меѓу топ приоритетите на новата влада - има ли шанси да ја убедиме Бугарија дека Францускиот предлог, е криво „насаден“ или определбата ќе остане декларативна?

Што разговараа со Главчев во Вашингтон и зошто Мицкоски и Мицотакис се разминаа? Се поготвува ли Владата за „дипломатската војна“ што ја најави Атина со „тајно оружје“?

Муцунски ги поништи огласите на Османи за упатување дипломати во странство, ќе ги тргне ли политиката конечно прстите од дипломатијата? Кои се гревовите на Фрчкоски и кој ќе го замени во ОН?

Можно ли е кредитот од Унгарија да не' стави во политичко заложништво на Орбан?

Утре во Само Интервју кај Гоце Михајлоски ќе гостува Тимчо Муцунски, веднаш по вестите.

Ангелов: Селото Каљарево на Серта не е загрозено од пожарот, ќе се гасне од воздух

Денеска имаше десет сериозни пожари низ Македонија, рече директорот на ЦУК, Стојанче Ангелов.

Пожарот кај Конче повторо се разгоре, иако градоначалникот успеа да го локализира, рече Ангелов.

Попладнево на пожарот над Радовиш дејствува 1 српски хеликоптер.

Над с. Негорци, Гевгелија кон Кожуф дејствуваат 3 ер трактора на ДЗС.

2 турски ер трактори и 1 хрватски канадер во с. Сирково, Росоман.

1 романски авион Спартан дејствува во с. Слепче, Долнени.

1 хеликоптер на МВР дејствува на Серта, во атарот на с. Калањево, Неготино.

Во Британија се инсталирани 930.000 полначи за електрични возила, но работат само 65.000

До крајот на јуни, во Британија имало 930.000 полначи за електрични возила (EV), но повеќето од нив се инсталирани во домовите и деловните објекти, додека само 65.000 се достапни за јавноста.

Според извештајот на лоби групата ChargeUK, на секои 25 минути во Британија се инсталира по еден полнач за ЕВ.

Многу возачи исто така се воздржуваат од префрлување на електричен автомобил поради страв дека нема доволно полначи на располагање, но нивните стравови се неосновани, рече извршната директорка на ChargeUK, Вики Рид.

„Секторот за полнење ЕВ во Велика Британија стана главен играч во зелената економија за нешто повеќе од една деценија и обезбедува инфраструктура на која денес се потпираат повеќе од милион возачи на електрични автомобили“, рече Рид.

Во моментов има 1,1 милион електрични возила на патиштата во Велика Британија, вклучувајќи 167.000 продадени автомобили во првата половина од оваа година, според Здружението на производители и трговци на мотори.

Уделот на продадените ЕВ во сите продажби на автомобили во Британија е 16,6 отсто, пренесува The Guardian.

притисни ентер