Свет

Германскиот министер за внатрешни работи не сака да брза со забраната на АфД

-Одлуките донесени на партискиот конгрес на СПД сè уште не претставуваат мандат за министерот за внатрешни работи, рече Добринт од Баварската Христијанско-социјална унија (ЦСУ) во подкастот „Табела“.

Германскиот конзервативен министер за внатрешни работи Александар Добринт реагираше претпазливо на повиците од коалицискиот партнер Социјалдемократската партија на Германија (СПД) и Зелените да се забрзаат напорите за забрана на крајно десничарската Алтернатива за Германија (АфД), објави ДПА.

-Одлуките донесени на партискиот конгрес на СПД сè уште не претставуваат мандат за министерот за внатрешни работи, рече Добринт од Баварската Христијанско-социјална унија (ЦСУ) во подкастот „Табела“.

ЦСУ и Христијанско-демократската унија (ЦДУ) на канцеларот Фридрих Мерц ја предводат владејачка коалиција со СПД.

На последниот, трет ден, од национален конгрес на СПД, партијата вчера усвои резолуција со која се повикува на подготвителна работа за започнување на забраната на АфД.

“Сега е време одговорните уставни власти да започнат со подготовки за итно барање за прогласување на АфД за неуставна“, се наведува во соопштението на СПД.

Зелените, кои се во опозиција во Бундестагот, исто така, ја поддржаа иницијативата во изјава за германската новинска агенција ДПА.

Но, Добриндт не е за брза акција. Тој нагласи дека одлуката на покраинските министри за внатрешни работи останува непроменета: ќе се формира федерално-покраинска работна група која ќе го разгледа случајот само ако судот ја потврди класификацијата на AфД како „потврдена екстремистичка партија на крајната десница“.

Повиците за забрана на AфД се интензивираа откако Федералната канцеларија за заштита на Уставот во мај ја прекласифицираше партијата како „потврдена крајнодесничарска екстремистичка“, овозможувајќи подетално следење и контрола. Меѓутоа, ознаката „потврдена крајнодесничарска екстремистичка“ е привремено суспендирана во исчекување на решението по жалбата поднесена од AфД.

Работната група на федерални и покраински министри за внатрешни работи чека одлука од Управниот суд во Келн, која ќе утврди дали прекласификацијата ќе биде потврдена. Само тогаш ќе се разгледуваат последиците за државните службеници, поседувањето оружје и пристапот до класифицирани информации - но не и евентуална забрана на партијата.

Добриндт постојано изјавува дека не ја поддржува забраната за AфД, а канцеларот Фридрих Мерц, исто така, изрази скептицизам по ова прашање.

АфД, позната по својата антиимигрантска, антимуслиманска, евроскептична и националистичка реторика, остана една од најконтроверзните партии во германската политика во текот на изминатата деценија, забележува ДПА.

Партијата доби на популарност во последните години, искористувајќи го незадоволството на јавноста од економската состојба и растечките загрижености за имиграцијата. АфД во моментов е најголемата опозициска партија во Германија.

Тагови: Германија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Карлеуша: „Ако сакав да тепам проститутки...“

Српската пејачка Јелена Карлеуша го обвини својот екс сопруг , поранешниот фудбалер Душко Тошиќ дека ја нападнал неа и нејзиното момче! Таа откри и дали неговата нова девојка Нора е сè уште во брак.

Јелена Карлеуша се огласи на својот X профил, откако нејзиниот поранешен сопруг Душко Тошиќ за прв пат објави фотографија со својата нова девојка Нора.

Контроверзната Карлеуша не штедеше зборови за својот поранешен сопруг, а откри и дека Нора е сè уште во брак.

- Никогаш физички не би го нападнала мојот поранешен сопруг и неговата мажена девојка на начинот на кој тој нè нападна мене и моето момче иако долго време бевме разведени (претпоставувам дека ќе го стори тоа и нејзиниот сопруг).

Ако сакав да тепам проститутки, ќе почнев од Турција. Но, ги сакам новинарите кои се тркаат наоколу, ги фалат моите бивши, а воедно имаат амнезија за годините злоупотреба. Поради ова, ниту еден новинар нема да добие изјава од мене повторно. Сега нека ви ја дадат Карлеуш од Тему - напиша ЈК.

Тагови: Јелена Карлеуша

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Минијатурни бикини, градите и задникот во преден план

Една од сестрите Кардашијан - Џенер, атрактивната Кајли моментално престојува на егзотичните острови Туркс и Кајкос, каде што го користи своето слободно време за одмор, релаксација и правење секси фотографии.

Фотографиите од младата бизнисменка повторно привлекоа големо внимание на социјалните мрежи, но очигледно нејзе не ѝ пречат коментарите.

Напротив, таа продолжува да споделува слики од својот одмор и ужива во секој момент.

Кајли редовно ги информира своите следбеници за тоа како ги поминува деновите, па нејзините профили во последните денови се полни со фотографии од плажата и базенот.

Кајли ги радува фановите со фотки во минијатурни бикини на кои во преден план се нејзините бујни облини.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

Фото: Рафаел Надал го прослави својот 40-ти роденден: Воодушеви со синовите и сопругата

Еден од најдобрите тенисери во историјата Рафаел Надал слави важна лична годишнина.

Тенискиот шампион Рафа надал го прослави својот 40-ти роденден во интимна атмосфера со сопругата и нивните два мали сина, Рафаел Џуниор и Микел.

Тениската легенда го одбележа својот 40-ти роденден со многу ретки фотографии со сопругата Марија Франциско Перело и нивните две мали деца.

Рафаел зрачеше од среќа на прекрасна фотографија со своето семејство додека го прославуваа посебниот ден дома со чоколадна торта. Поранешниот тенисер, кој ги замагли лицата на своите деца, го држеше својот постар син, тригодишниот Рафаел Џуниор, во скут, додека неговата сопруга го држеше нивниот помлад син Микел во раце.

View this post on Instagram

A post shared by Rafa Nadal (@rafaelnadal)

На друга ретка фотографија, Надал позира со широка насмевка додека во рацете ги држи синовите пред декорација со балони подготвена за да го прослави неговиот 40-ти роденден.

Тој исто така сподели трогателни видеа од неговите најблиски како ја пеат роденденската песна и го прегрнуваат.

View this post on Instagram

A post shared by Rafa Nadal (@rafaelnadal)

„Ви благодарам на сите за желбите за роденденот. Беше многу посебен ден, опкружен со целото мое семејство“, напиша Надал под објавата.

Инаку Рафа и убавата Франциска својата вфрска ја започнаа пред повеќе од две децении во 2005 година.

За прв пат заедно се појавија на црвениот тепих во 2011 година.

Двојката беше заедно 14 години пред свадбата, а судбоносното „да“ го кажаа во Шпанија во октомври 2019 година.

Тагови: Рафаел Надал

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.