Германија сака заеднички став на ЕУ за Русите кои бегаат од мобилизација

Засега ниту во Германија ниту на ниво на ЕУ не се планира специјална програма за прием или таканаречени хуманитарни визи за оние кои бегаат од мобилизација. 

Германската Влада сака во наредните недели да постигне заеднички став на европско ниво за тоа како да се справи со Русите кои сакаат да ја избегнат мобилизацијата, откако рускиот претседател Владимир Путин во средата најави делумна мобилизација, беше објавено во Берлин.

„Фактот што многу Руси се обидуваат да избегнат воена служба во Украина е добар знак“, рече портпаролот на германската влада Штефен Хебестрајт, додавајќи дека сега мора да се најде ефективно решение за нив заедно со другите земји-членки на ЕУ.

Истовремено, тој нагласи и дека пред да се даде азил, треба да се испитаат мотивите на сите кои наводно имаат грижа на совеста и јасно да се утврди дека не работат за руската држава, пренесува агенцијата „dpa“. На граничните премини со Русија, а особено на границата со Грузија, Финска и Казахстан се појавија колони возила со луѓе кои ја напуштаат државата.

Засега ниту во Германија ниту на ниво на ЕУ не се планира специјална програма за прием или таканаречени хуманитарни визи за оние кои бегаат од мобилизација. Портпаролот на германското МВР Максимилијан Кал изјави дека процедурите за прием во Германија се сменети веќе во април, па противењето на мобилизацијата на Русите е доволна причина за заштита, наведува германската агенција.

Балтичките држави Естонија и Летонија, кои се граничат со Русија, веќе објавија во средата дека нема да дадат азил на руските граѓани кои бегаат од мобилизација. Досега Германија прифатила 438 лица од Русија во рамките на програмата која треба да обезбеди заштита на неистомислениците, новинарите и научниците.

На граничните премини со Русија се уште има долги колони возила во кои главно има многу Руси кои сакаат да избегнат евентуално регрутирање. Долги редици има и на границата со Грузија, која е една од ретките соседни земји во кои Русите можат да влезат без да аплицираат за виза.

На Русите не им е потребна виза ниту при влез во Казахстан, каде граничната служба денеска потврди дека бројот на луѓе кои влегуваат од Русија значително е зголемен, пренесува словенечката агенција „СТА“. Дури и на границата со Финска долга 1.300 километри, каде на Русите им треба виза за влез, властите известуваат за зголемен сообраќај, но нагласуваат дека тој е на подносливо ниво.

Финските гранични премини се една од влезните точки во Европа за Русите, откако голем број земји ги затворија своите копнени граници и воздушен простор за руските авиони.

Парис Хилтон го прослави роденденот со супер луксузна забава во приватниот авион (ФОТО)

Славната Парис Хилтон го прослави својот 43-ти роденден за време на викендот, а со своите следбеници на Инстаграм сподели видеа од нејзината луда забава.

Парис во приватен авион тргна на патување со сопругот Картер Реум и нивниот едногодишен син Феникс Барон.

Иконата од почетокот на 2000-тите првпат сподели видео од Реум како го носи нивното машко бебе додека оди кон црн автомобил, додека му кажува како „ќе се забавува за роденденот на мама“. Таа потоа објави уште едно видео на кое се гледа надворешноста на приватниот авион украсен со десетици балони.

Кога се качила во авионот, Хилтон ја насочила камерата кон неколку маси украсени со цвеќиња, шишиња шампањ, слатки и бели очила за сонце во облик на срце. Во кадарот можеа да се видат и колачиња и голема кутија Шанел, потенцијален роденденски подарок за Парис.

Во третото видео што Хилтон го сподели на Инстаграм, таа се појави пред камера облечена во крзнена капа од Луј Витон, црна јакна и пижами со леопард принт. Иако таа го држеше синот во кадрите, нивната ќерка Лондон Мерилин не беше во ниту една од кадрите, но таа се отвори за својот живот како мајка на две деца во објава на Инстаграм во саботата.

- Се чувствувам благословено. Од мајчинство до женските должности и залагање за она што е правилно... Ова беше најдобрата година досега! – напиша Парис, пренесува Јутарњи лист.

Да потсетиме, наследничката на една од најголемите империи во светот, Парис Хилтон, во 2023 година доби две деца со помош на сурогат мајка.

Прво го доби синот Феникс, а потоа и ќерката Лондон.

„Кралот на криптовалутите“ ќе биде екстрадиран во САД, одлучи судот во Подгорица

Јужнокорејскиот државјанин До Квон ќе биде екстрадиран во Соединетите Американски Држави, кои го товарат за злосторничко здружување и други кривични дела, одлучи денеска Вишиот суд во Подгорица.

Одлуката не е правно обврзувачка и адвокатите на До Квон имаат право на жалба, пренесува Вијести.

Апелацискиот суд претходно објави дека конечната одлука за екстрадиција на „кралот на криптовалутите“ До Квон е надлежен суд, а не министерот за правда и дека Високиот суд не утврдил кој прв побарал негова екстрадиција, нa чија земја тој е државјанин, на Јужна Кореја или САД.

Апелациониот суд, пак, ја поништил првостепената одлука на Вишиот суд, со која се утврди дека се исполнети законските предуслови за екстрадиција на До Квон за кривично гонење за повеќе кривични дела по барање на двете земји.

До Квон и неговиот деловен партнер беа уапсени на 23 март минатата година на аеродромот во Подгорица кога користеле фалсификувани пасоши од Костарика при пасошка контрола на лет за Дубаи.

„Вива“ заедно со најголемите светски брендови на Gulfood 2024

На глобалниот саем за храна и пијалаци Gulfood 2024, што се одржува во Дубаи од 19 до 23 февруари, учествува и најголемиот македонски производител на природни овошни сокови,нектари, пијалаци, смути и преработувач на овошје – Вива.

На глобалниот саем за храна и пијалаци Gulfood 2024, што се одржува во Дубаи од 19 до 23 февруари, најголемиот македонски производител на природни овошни сокови,нектари, пијалаци, смути и преработувач на овошје – Вива, ја потврдува својата тридецениска успешна приказна во оваа индустрија на светската сцена.

Оваа година, Вива се издвојува како сребрен спонзор на настанот, што е огромен успех затоа што за првпат една македонска компанија се стекнува со вакво признание на Gulfood, кој се смета за најпрестижниот и највлијателен саем во секторот на храна и пијалаци на Блискиот исток, но и глобално.

Како единствена македонска компанија која учествува на годинешниот Gulfood, Вива прикажува спој на квалитет и иновативност во прехранбената и преработувачката индустрија, рамо до рамо со светските брендови во оваа деловна сфера.

притисни ентер