ГЕРБ-СДС на Борисов со минимална предност пред коалицијата на Петков - Канал 5

Балкан

ГЕРБ-СДС на Борисов со минимална предност пред коалицијата на Петков

Петтите по ред предвремени избори кај нашиот источен сосед завршија со минимална предност на ГЕРБ на Борисов пред Продолжува промената на Кирил Петков.

ГЕРБ-СДС на Борисов со минимална предност пред коалицијата на Петков

Наместо излез од ќорсокакот, нова неизвесност за Бугарија. Петтите по ред предвремени избори кај нашиот источен сосед завршија со минимална предност на ГЕРБ на Борисов пред Продолжува промената на Кирил Петков. Разликата од 2 проценти меѓу првата и втората партија, не е доволна за ниту еден од двајцата лидери по изборната вечер да излезат и да дадат изјава пред граѓаните, наместо тоа и Борисов и Петков се заблагодарија на гласачите преку социјалните мрежи.

Во ваква ситуација и ГЕРБ, и Продолжува промената ќе мора да бараат партнери за формирање на Влада, а опциите се или да коалицираат едни со други, или пак тоа да го направат со една од останатите четири политички партии кои влегоа во парламентот. Партијата на етничките Турци, ДПС, Социјалистите, Има таков народ или Преродба која на изборите речиси го дуплираше резултатот од претходните избори и ќе биде трета сила во бугарскиот парламент.

-Нема како да има функционална Влада без „Преродба“. Ако во моментот тие две политички сили кои се на првото и второто место се одлучат да состават Влада, во суштина тоа нема да е поради нивна волја, туку поради волјата на американскиот амбасадор. Ситуацијата во моментов е таква, има две варијанти или Влада на американскиот амбасадор или Влада на „Преродба“. Дури и да направат Влада, таа нема да биде стабилна.-Костадин Костадинов – „Преродба“.

Дека постои можност за коалиција или соработка меѓу ГЕРБ и „Продолжува промената“ сметаат и дел од експертите во Бугарија, според кои на партијата на Борисов не би и пречела соработка, но вистинскиот проблем би бил за Петков кој речиси целата кампања ја водеше против Борисов.

-Избирачите на ГЕРБ не би се противеле многу на некаква коалиција или некаква соработка со „Продолжуваат промените“. Така не стојат работите со гласачите на „Демократска Бугарија“ и „Продолжуваат промените“. Таму лидерите ќе бидат подложени на двојно оптоварување – од една страна, потребите на ситуацијата и од друга страна, тоа што нивнииот електорат им го вели, а тоа не е никако добро за ГЕРБ.-Парван Симеонов – Аналитичар.

Исходот од изборите во Бугарија покажуваа дека во земјата има длабока политичка криза и недоверба во политичкиот процес, што само по себе создава ситуација каде политичка партија како „Преродба“ која се залага за припојување на Македонија кон Бугарија да биде трета сила во земјата – смета полчитичкиот аналитичар Марко Трошановски.

-Политичкиот пејсаж во Бугарија секако нема да биде во полза на Македонија што негативно ќе се одрази и на уставните измени кај нас, но и понатаму доколку го внесеме бугарското малцинство во преамбулата. Очекувам дека политички таа влада ќе гледа на секој чекор да го пдорие процесот на проѓширување на ЕУ, и да ја блокира земјата по било која основа, така да за нас неповолен исход, но уште повеќе за самото бугарско општество.Марко Трошановски – Политички аналитичар.

На изборите во Бугарија се гласаше и во земјава. На седум избирачки места во неколку македонски градови, според податоците на бугарската изборна комисија, гласале 452 лица. Од нив, најмногу во Скопје, а најмалку во Тетово. Според резултатите пак, најмногу гласови добила ГЕРБ на Борисов или 143, а најмалку „Преродба“ и партијата на етничките турци – ДПС.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Откриено зошто портпаролката на Трамп беше отпуштена по само пет дена

Закарија беше отпуштена од функцијата портпаролка на Белата куќа по само пет дена на работа.

Откриено зошто портпаролката на Трамп беше отпуштена по само пет дена

Кејти Закарија беше отпуштена од функцијата портпаролка на Белата куќа по само пет дена на работа, по критиките за нејзиното прво интервју со новинарите и прашањата за нејзиното прикажување како адвокат, иако не го положила правосудниот испит, објавува „CBS News“.

Службеник изјави за „CBS“ дека Закарија била невообичаено изолирана во текот на неделата и не ги извршувала своите должности како портпаролка на очекуваниот начин.

„Никој не мислеше дека ќе остане доволно долго за да биде вклучена во вистинското донесување одлуки“, рече помошник на Белата куќа.

Закарија, која беше избрана од американскиот претседател Доналд Трамп да ја замени Каролин Левит, се најде под оган по нејзиниот прв и единствен брифинг во Белата куќа во вторник, за време на кој таа читаше подготвени изјави околу десет минути, а потоа одговараше на прашања од новинари од три медиуми.

Прашањата за нејзините професионални квалификации привлекоа дополнително внимание.

Закарија дипломирала на Правниот факултет на Универзитетот Пепердин, но не го положила правосудниот испит во Калифорнија во 2011 година, тврдење што го изнела.

Таа ги негираше тврдењата дека се претставила како адвокат, велејќи дека никогаш не тврдела дека има лиценца за практикување адвокатура.

Според извори запознаени со дискусиите, се очекува Закарија наскоро да заземе друга позиција во администрацијата на американскиот претседател Доналд Трамп.

Во петокот, Трамп за нејзината позиција рече дека ја советувал да размисли дали сака да продолжи како прес-секретар во Белата куќа.

„Тие беа толку груби кон неа“, рече Трамп, осврнувајќи се на медиумите, додавајќи дека ѝ рекол да ја преиспита својата одлука, со оглед на нејзиното семејство и притисокот под кој се наоѓаше.

Пократок мандат од Скарамучи

Закарија му се заблагодари на Трамп и ја изрази својата поддршка за американскиот претседател во објава на социјалните мрежи.

„Беше чест да работам за него“, напиша таа.

Белата куќа сè уште не објавила кој ќе ја наследи како прес-секретар во Белата куќа.

Нејзиното заминување потсетуваше на краткиот мандат на Ентони Скарамучи, кој помина само 11 дена како директор за комуникации во Белата куќа за време на првиот мандат на Трамп, потсетува американскиот телевизиски канал.

„Рекордите се тука за да се соборат, но јас не уживам во страдањето на другите“, напиша Скарамучи на социјалната мрежа „X“.

Извор: Б92

Тагови: Доналд Трамп Кејти Закарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

„Microsoft“ ги изненади сите со својот најмал „Xbox“ контролер

Полесен е од вашиот телефон, лесно се става во џеб и сè уште ги има сите копчиња што ви се потребни.

„Microsoft“ ги изненади сите со својот најмал „Xbox“ контролер

„Xbox“ го најави „Nano Controller“, најмалиот контролер што компанијата некогаш го направила. Дизајниран е за деца, гејмери ​​со помали раце и луѓе кои сакаат да играат игри надвор од дневната соба. „Nano“ е долг нешто повеќе од 12 сантиметри и тежи околу 99 грама.

И покрај својата големина, „Xbox“ не отстранил никакви контроли. Ги добивате сите 18 стандардни влезови, така што распоредот на копчињата се совпаѓа со „Xbox“ контролерот со кој веќе сте запознаени.

„Nano“ користи батерија што може да се полни, иако „Xbox“ не откри колку долго ќе трае едно полнење. Исто така, постои и програмабилно копче за акција што можете да го поставите да прави снимки на екранот, да снима игра или да стартува кратенка што често ја користите.

Се поврзува преку „Xbox Wireless“ и „Bluetooth“, така што можете да го користите со кој било компатибилен уред. „Xbox“ го позиционира и „Nano“ како контролер за целото семејство.

„Xbox Nano Controller“ е достапен за преднарачка за 50 долари. Испораката започнува во ноември во 36 земји, вклучувајќи ги САД, Велика Британија, Канада, Јапонија и Австралија, а дополнителни пазари ќе бидат додадени подоцна. Цените ќе варираат во зависност од пазарот.

Извор: Б92

Тагови: Microsoft Xbox

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Паника во Русија: Шпионски авион кружел со часови во близина на границата

Американски шпионски авион денес кружел два часа над Естонија и Латвија, десет километри од нивната граница со Русија, по што се вратил во својата база во Романија, според податоците од летот од авионот.

Паника во Русија: Шпионски авион кружел со часови во близина на границата

Според податоците пренесе РИА Новости, авионот полетал од меѓународниот аеродром „Михаил Когалничеану“ во Констанца, Романија, околу 9:42 часот наутро и прелетал над Унгарија, Словачка, Полска и три балтички земји, каде што неколку пати кружел во близина на нивните граници со Русија.

Авионот, за кој РИА Новости вели дека редовно се користи за летови околу регионот Калининград и над Црното Море, долж Крим и други јужни региони на Русија, се вратил во својата база во Романија денес околу 16:33 часот.

Руските власти изјавија дека во последните години се забележани досега невидени активности на НАТО долж западните граници на земјата и дека НАТО ги проширува своите иницијативи, нарекувајќи го тоа „одвраќање од руската агресија“.

Тагови: авион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер