Фудбалерите на Арсенал во карантин, се сретнале со заразениот сопственик на Олимпијакос и Нотингем Форест

Паника во редовите на англискиот Премиерлигаш Арсенал. 

Раководството на тимот од Лондон одлучило да ги стави фудбалерите во карантин откако тие имале средба со сопственикот на Нотингем Форест и Олимпијакос , Евангелос Маринакис кој е заразен со коронавирусот. Богатиот Грк бил на стадионот на Арсенал пред 13 дена кога беше одигран мечот од Лига Европа меѓу Арсенал и Олимпијакос. 

Поради опасноста од коронавирусот  денеска е одложено дербито од Премиерлигата меѓу Манчестер Сити и Арсенал.

Периодот на инкубација од коронавирусот трае 14 дена, што знали дека сите фудбалери на Арсенал кои се сретнале со заболениот сопственик на Олимпијакос мора да бидат изолирани. Арсенал соопшти дека ризикот некој од нивните фудбалери да биде заразен со корона е многу мал, но дека е неопходно и задолжително да се почитуваат упатствата од Владата. 

Ситуацијата во целиот свет со коронавирусот е сериозна. Италија практично е затворена држава, не работат училиштата, факултетите..., на граѓаните им се советува да не излегуваат од своите домови. Италијанскиот фудбалски сојуз ги одлужи сите натпревари се до 3 април, но УЕФА не размислува за прекин на нејзините натпреварувања, Лигата на шампионите и Лига Европа.

Без разлика на тоа шпанскиот тим Гетафе кој во четврток би требало да гостува во Милано кај Интер не размислува да замине за Италија, дури и УЕФА да го дисквалификува од натпреварувањето. Здравјето е на прво место.

-Ако состојбата не се промени, ние нема да патуваме во четврток за Милано. Побаравме УЕФА да најде алтернатива за играње во Милано, побаравме помош и од Шпанската фудбалска федерација. Ако загубиме поради тоа, ќе прифатиме, но Гетафе нема да рескира и да патува во Италија, изјавил претседателот на Гетафе Анџело Торес.

притисни ентер