Фрчкоски: АКТ открива скандал- тендерот за автобусите пропадна затоа што бил местен за 12 милиони евра повеќе! - Канал 5

Македонија

Фрчкоски: АКТ открива скандал- тендерот за автобусите пропадна затоа што бил местен за 12 милиони евра повеќе!

АКТ денеска откива нов скандал, нова бомба. Скопјани се повторно жртва на корупцијата и криминалните тендери на ВМРО-ОКГ.

Фрчкоски: АКТ открива скандал- тендерот за автобусите пропадна затоа што бил местен за 12 милиони евра повеќе!

Додека граѓаните со часови чекаат по станиците и се возат во распаднати автобуси, фокусот на власта е исклучиво со местење тендери и милионски зделки.

Затоа пропадна тендерот за набавка на 150 автобуси кој го најавуваше Орце и затоа скопјани уште ќе чекаат, ќе дремат по автобуски станици, ќе доцнат, ќе се варат или ќе мрзнат.

Овој документ што го држам во рацете е уште една потврда за тоа каква им била намерата.

Ова е официјална претставка до Министерството за транспорт, која јасно и недвосмислено ја потврдува нашата теза: преземањето на надлежностите за набавка на автобуси не беше за да му се помогне на Скопје, туку за да се избере однапред договорена фирма, блиска до нивниот политички партнер Виктор Орбан.

Овој допис јасно укажува на координиран чин на елиминирање на другите понудувачи за да се избере фаворизираниот.

Што точно крие овој скандалозен тендер?

Иако основниот критериум бил најниска цена, се избрало скап понудувач.

Разликата е шокантна: постоела понуда која е поевтина за 12 милиони евра!

Или по автобус, точно 78,563 илјади евра.

ВМРО-ОКГ планирала да го оштети буџетот и граѓаните за речиси 12 милиони евра!

Толку им е тарифата.

И не, ова не е случајна грешка. Организирана криминална група бил писмено предупредена за оваа поевтина понуда во неколку наврати – уште во ноември 2024 и во декември 2025 година. Тие свесно туркале поскап тендер за унгарските автобуси.

Зошто тендерот одеднаш е поништен? Не затоа што ВМРО-ОКГ или Министерството се загрижија за правдата. Тие го поништија тендерот затоа што беа фатени на дело!

Поради скандалозното однесување, случајот го презема американскиот адвокатски тим „The Ticktin Law Group“, кој најавува дека за овој меѓународен скандал ќе ги извести Белата куќа, Стејт департментот и Американската амбасада во Скопје.

Свесни дека ќе одговараат и исплашени од меѓународниот притисок, тие набрзина се обидоа да ги сокријат трагите преку поништување на тендерот.

Јавниот превоз во Скопје е целосно уништен и жртвуван поради криминалните апетити на ВМРО-ОКГ и нивните долгови кон Орбан.

Ова не е само политички дебакл, ова е кривично дело за кое мора веднаш да има одговорност. Институциите мора да отворат истрага за тоа кој се обиде да украде 12 милиони евра пари на граѓаните и да одговараат, рече Јон Фрчкоски, член на Извршниот одбор на СДСМ.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Средба на Сиљановска-Давкова со Здружението на воени ветерани и воени инвалиди „Братство 2001“

Во Народната канцеларија во Скопје, денеска претседателката Гордана Сиљановска-Давкова оствари средба со претставници на Здружението на воени ветерани и воени инвалиди „Братство 2001“.

Средба на Сиљановска-Давкова со Здружението на воени ветерани и воени инвалиди „Братство 2001“

На средбата присуствуваа Владо Томески, претседател на здружението, Петар Јанчевски, Мики Ристовски и Сашко Голубовски.

Според нив, Законот за посебните права на припадниците на безбедносните сили на Република Македонија и на членовите на нивните семејства, од 2002 година, селективно се применува од страна на институциите на централно и локално ниво.

Поради тоа, тие се соочуваат со дискриминација во остварувањето на законски утврдените права врзани со вработувањето, напредувањето, бесплатните здравствени услуги и бесплатното факултетско образование за нивните деца.

Тие ја информираа претседателката дека не се спроведуваат дури ни правосилните судски пресуди, донесени во нивна корист.

Претставниците на Здружението на воени ветерани и воени инвалиди „Братство 2001“ укажаа на потребата од измена и дополнувања на законот, за нивните посебни права, заради прецизирање на решенијата и унапредување на нивните бенефиции.

Според Сиљановска-Давкова, укажувањата и забелешките на бранителите заслужуваат должно внимание од надлежните институции, како и почитување на еднаквата примена на законот за сите.

Таа вети дека Кабинетот ќе ги информира надлежните органи за презентираните проблеми, укажувајќи на нужноста од почитување и спроведување на Законот за посебните права на припадниците на безбедносните сили на Република Македонија и на членовите на нивните семејства, како и пресудите.

За претседателката, придонесот на бранителите не смее да биде заборавен ниту занемарен, туку мора да се почитува и валоризира.

Тагови: Гордана Сиљановска-Давкова

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Ова се последиците од разорното торнадо во САД: Застрашувачки снимки го обиколија светот

Стотици илјади луѓе останаа без струја откако торнада и бури го погодија средниот запад на Соединетите Американски Држави, а најмалку едно лице загина во бурата, објавија денес американските медиуми.

Ова се последиците од разорното торнадо во САД: Застрашувачки снимки го обиколија светот

Бурата оштети неколку згради и доведе до откажување на летови, објави „CBS News“.

Неколку торнада ја погодија областа во близина на Чикаго синоќа, а вкупно 11 градови во државите Илиноис и Висконсин ги пријавија.

Според службата за следење на комуналните услуги, „PowerOutage.us“, повеќе од 221.000 клиенти беа без струја во Илиноис до петок наутро.

Во градот Де Мојн, Ајова, 54-годишен маж почина во среда во камп за бездомници откако беше удрен од дрво кое се скрши и падна за време на бурата, соопшти полицијата.

Мажот беше пронајден тешко повреден во четврток наутро и почина на местото на настанот, соопштија властите.

Пред да удрат торнадата, Центарот за предвидување на бури на Националната метеоролошка служба го зголеми предупредувањето за силна бура на ниво 4 од 5.

Според „CBS News“, ова е прв пат Чикаго да се соочи со такво ниво на ризик од 15 јули 2024 година, кога областа беше погодена од рекордна серија од 32 торнада. Ова ниво на ризик обично се случува еднаш на секои две години.

Силните бури, исто така, ги заземјија летовите

Силните бури ги заземјија летовите на меѓународните аеродроми О'Хара и Мидвеј во Чикаго во среда и четврток.

Повеќе од 1.000 летови беа одложени или откажани, според веб-страницата за следење на летови „FlightAware“.

Летовите беа одложени или откажани и на аеродромите во други градови, вклучувајќи ги Филаделфија, Њујорк и Њуарк, Њу Џерси.

Националната метеоролошка служба доби повеќе од десетина пријави за торнада низ северниот дел на Мисури, Ајова, Канзас и Илиноис.

„Комонвелт Едисон“, кој обезбедува електрична енергија во северен Илиноис, соопшти дека бурите собориле столбови и жици за електрични инсталации, а на мрежата „X“ соопшти дека се очекува електричната енергија да биде вратена за 80 проценти од корисниците до 23 часот во сабота.

Штети се пријавени и на аеродромот „Абрахам Линколн Капитал“ во Спрингфилд.

Извор: Б92

Тагови: САД Торнадо

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево со мала до умерена локална облачност

Времето утре ќе биде сончево со мала до умерена локална облачност.

Утре сончево со мала до умерена локална облачност

Ќе дува слаб до умерен, а наместа долж Повардарието повремено засилен ветер од северен правец. Минималната температура ќе биде во интервал од 8 до 16, а максималната значително ќе опадне во однос на денешната и ќе дбиде во интервал од 22 до 28 степени.

Во Скопје, променливо облачно и посвежо. Ќе дува засилен, во делови од котлината повремено силен ветер од северен правец. Минималната температура ќе се спушти до 12, а максималната ќе достигне до 27 степени.

До четврток времето ќе биде претежно сончево и стабилно, освен во среда кога се очекуваат нови врнежи од дожд. За време на викендот ќе биде посвежо, а од понеделник температурата ќе биде во пораст.

Тагови: сончево

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер