Фото: Вака се создава најбрзиот и најскапиот „Mercedes“ во историјата - Канал 5

Автомобилизам

Фото: Вака се создава најбрзиот и најскапиот „Mercedes“ во историјата

Поминаа цели пет години откако „Mercedes“ најави развој на нов модел под името „Project One“, а сега започна и производството.

Фото: Вака се создава најбрзиот и најскапиот „Mercedes“ во историјата

Хиперспортскиот „Mercedes“ во суштина е претставен како Ф1 болид за патишта, што реално и е. Најбрзиот патен „Mercedes“ во историјата е и еден од најбрзите автомобили во светот.

Веќе се склопуваат првите примероци од серијата од само 275 автомобили и тоа рачно.

Склопувањето на автомобилот се одвива во центарот на „AMG“ во Ковентри, Велика Британија, додека хибридниот погон со четири електрични мотори доаѓа од одделот „Mercedes (High Performance Powertrains)“ лоциран во Бриксворт.

Го составуваат истите луѓе кои се исто така одговорни за Ф1 болидите.

Во производството на автомобилот учествуваат педесетина специјално обучени вработени, а склопувањето слично на луксузните часовници се одвива преку 16 позиции, односно станици за склопување и тестирање.

Кога ќе заврши монтажата, автомобилот се тестира уште еднаш, а потоа се пакува во заштитна фолија и се транспортира до седиштето на „AMG“ во Афалтербах каде што се доставува до купувачот.

„Mercedes-AMG One“ е исклучително сложен производ со кој клиентот мора да се запознае пред да го користи. Интересно е тоа што неговиот „1.6 V6“ мотор врти до 11.000 вртежи во минута, додека ги исполнува стандардите Еуро 6.

За разлика од Ф1 моторот, кој работи во мирување при 5.000 вртежи во минута, овој моќен „V6“ со 600 КС работи на само 1.200 вртежи во минута.

Покрај тркачкиот „V6“ погон, него го опслужуваат четири електромотори, по еден за секое предно тркало, еден позициониран до „V6“ и поврзан со коленестото вратило со моќност од над 160 КС и четврти од 121 КС што е поврзано со турбината.

Батеријата има капацитет од 8,4 kWh и обезбедува електричен домет од 18 км.

До 100 км/ч стигнува за 2,9 секунди, а до 200 км/ч по само седум секунди. Максималнатабрзина е поставена на 352 км/ч.

Извор: Индекс.хр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Џејми Фокс го очекува своето трето дете: „Сè уште имам сила“

Холивудската ѕвезда, актерот 58-годишниот Џејми Фокс  за време на гостувањето во емисијата „Jimmy Kimmel Live!“ потврди дека тој и неговата 31-годишна партнерка, Алис Хакстеп, го очекуваат своето прво заедничко дете, шегувајќи се: „Бебе е на па

Џејми Фокс го очекува своето трето дете: „Сè уште имам сила“

Сè уште ме бидува“. Како Фокс се подготвува за оваа нова улога? Добитникот на Оскар, кој веќе има 32-годишна ќерка, Корин, и 18-годишна ќерка, Анелиз, од претходни врски, изјави дека се подготвува повторно да ги извршува секојдневните родителски обврски – вклучително и возењето на децата до училиште.

Тој призна дека, на 58-годишна возраст, е свесен оти ова искуство ќе биде поинакво од претходните. Што рече тој за здравствената криза низ која помина?

„Дејли мејл“ (Daily Mail) пренесува дека за време на разговорот, Фокс се осврна и на мозочното крварење и мозочниот удар што ги доживеа во 2023 година додека работеше на филмот *Back in Action*.

Тој изјави дека сега се чувствува одлично и дека, по тоа искуство опасно по живот, станал поблагодарен за секој момент. Колку долго се заедно Фокс и Хакстеп?

Фокс и Хакстеп се поврзуваат уште од 2022 година, а нивната врска стана јавна следната година. Откако се појавија информации дека раскинале на почетокот на 2025 година, неколку месеци подоцна повторно беа видени заедно; бебето што го очекуваат ќе биде негово трето, а нејзино прво дете.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Меси и Интер Мајами се уште не преговараат за нов договор

И покрај сè почестите шпекулации во медиумите за иднината на еден од најдобрите светски фудбакери во историјата, Лионел Меси и Интер Мајами во моментов не преговараат за продолжување на договорот.

Меси и Интер Мајами се уште не преговараат за нов договор

Според информациите што ги пренесе новинарот Jarm21, во овој момент нема официјални разговори меѓу двете страни за нов договор.

Причината е сосема едноставна: капитенот на тимот има важечки договор што трае до крајот на сезоната 2028 во МЛС, па двете страни сметаат дека е прерано да се разговара за продолжување на соработката.

Кога клубот го објави најновиот договор на Меси, сопственикот Дејвид Бекам гордо истакна дека во својот град го довеле најдобриот играч во историјата на овој спорт.

Волшебникот од Аргентина, останува заштитно лице на франшизата додека таа се подготвува за преселба во својот нов дом, стадионот „Мајами Фридом Парк“.

На 39-годишна возраст, Меси продолжува да прикажува неверојатни игри на теренот; неодамна постави уште еден историски рекорд постигнувајќи го својот 36-ти гол во финале за време на триумфот во Купот Кампеонес – повеќе од кој било друг фудбалер во историјата.

Силата на проектот во Мајами дополнително е потврдена со неодамнешното доаѓање на новиот тренер Кристијан „Кили“ Гонзалес – поранешен соиграч од репрезентацијата на аргентинската ѕвезда – што јасно покажува дека тимот се гради целосно околу капитенот.

Со оглед на тоа што договорот му трае до крајот на 2028 година, и Меси и раководството на клубот имаат предност во поглед на времето.

Меси постојано истакнува колку е среќен во Мајами, додека претставниците на клубот го сметаат за клучна фигура за нивните спортски и маркетиншки амбиции во годините што следат; следствено на тоа, нема апсолутно никаква причина за загриженост.

Тагови: Интер Мајами Лионел Меси

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Филипче: Недозволиво да се распродава државното земјишете за туѓи интереси

Во југоисточниот плански регион се планираат два нови рудника регираше претседателот на СДСМ Венко Филипче тој побара да се повлече просторниот план во кој е предвидено до 2040  да се отворат  рудници на метали.

Филипче: Недозволиво да се распродава државното земјишете за туѓи интереси

Тој рече дека рудниците ќе ја загрозат животната средина, и вели дека е недозволиво да се распродава државното земјишете за туѓи интереси

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер