Фото: Стара Алфа Ромео 156 од 42.000 евра

Алфа Ромео моментално не е најпосакуваниот бренд, но пред неколку години беше сон на секој вистински љубител на автомобили.

Меѓу моделите кои преставувале престиж е и 156 ГТА со агресивните браници и големите бандажи.

Ентериерот кај овој модел бил подеднакво интересен со спортски кожни седишта, но главниот адут е тамо каде што му е местото, под хаубата.

Алфа Ромео 156 ГТА во себе има 3,2 литарски „V6“ мотор со 250 коњски сили. Во тоа време овој мотор не можел да му парира на тој од БМВ М3, но неговиот звук, посебно на висок гас, го засенува тој факт.

Сега една таква Алфа Ромео 156 ГТА од 2005 година се појави на огласите во САД со само 15.000 поминати километри.

Сопственикот истакнува дека е совршена и од надвор и од внатре, дека е користена исклучиво летно време а кога не била возена била гаражирана.

Тврди и дека менувал масло секоја година, дека ставил нов издувен систем и воздушен филтер.

Единствен „проблем“ кај оваа Алфа е цената, сопственикот бара најмалце 42.000 евра

Зголемен бројот на издадени дозволи за градење, планирани нови 519 станови

 Во јуни годинава се издадени 273 одобренија за градење што е за 35,1 отсто повеќе во однос на истиот месец лани. 

Предвидената вредност на објектите изнесува 12.913.000.000 денари што е зголемување за 469 проценти.

Според Државниот завод за статистика, од вкупниот број издадени одобренија за градење, 142 или 52 отсто се за објекти од високоградба, 54 или 19,8 отсто се за објекти од нискоградба и 77 или 28,2 процента за објекти за реконструкција. Од вкупно 273-те објекти, на 159 или 58,2 отсто инвеститори се физички лица, а на 114 или на 41,8 отсто објекти инвеститори се деловни субјекти.

Во извештајниот период е предвидена изградба на 519 станови, со вкупна корисна површина од 45.634 метри квадратни.

-Зголемената предвидена вредност се должи на фактот дека во наведениот период се издадени одобренија за градење на објекти од нискоградбата со поголеми вредности, како магистралниот транспортен гасовод во Пелагонискиот регион, делница 5 од магистралниот гасовод во Полошкиот регион, биогасната и ветерна електроцентрала во Вардарскиот регион, далноводот од Битола до македонско-албанската граница во Југозападниот и во Пелагонискиот регион, наведува Државниот завод за статистика.

Коалицијата Алијанса за Албанците- Алтернатива: Немаме преговори за учество во Влада

Иако не сме легитимни победници на изборите на 15 Јули во албанскиот политички камп, ние нема да влеземе во преговори, се додека ДУИ не го исполнува предизборното ветување за Премиер да биде Насер Зибери.

Сакаме да ја известиме јавноста дека ние не сме имале ниту една официјална средба и ниту друга средба на тема за учество во новата влада и нема да преговараме пред легалниот, но нелегитимен победник на изборите, во албанскиот камп, односно ДУИ, да го исцрпи правото за да биде дел од идната влада. Јавноста треба да знае дека заврши времето кога албанците се туркаа пред вратата на влада, кој прв ќе влезе во неа, кој повеќе ќе попушти во пазарот.

Иако не сме легитимни победници на изборите на 15 Јули во албанскиот политички камп, ние нема да влеземе во преговори, се додека ДУИ не го исполнува предизборното ветување за Премиер да биде Насер Зибери.

Дури, како што сме кажале, ако во Собранието на Република Македонија доаѓа предлог Насер Зибери да биде Премиер, ние со нашите 12 Пратеници ќе гласаме за истиот. Но, ако ДУИ не успее да го реализира ова ветување, за што има легалитет, таа партиа нема право да биде дел од идната влада и нејзиното место е во опозиција.

Кога сме веќе тука, сакаме да ве изветиме и за средбата на Тркалезната Маса на Парламентарните Албански Партии. И покрај неоснованите и навредливите зборови на Претедателот на ДУИ кон нас, кои не се новости во нејзиниот речник, сакаме да соопштиме дека ние на 07.08.2020 година, ја примивме поканата за учество и на 10.08.2020 година, на истата позитивно сме одговориле, барајќи истата да се одложи за неколку дена и да се одреди дневниот ред на средбата. Но наместо пролонгирање на датумот, тие што не поканеа ни одговориа истиот ден, после нашето писмо, одредувајќи го дневниот ред, но без пролонгирање на датумот на средбата. Од таква наметнета позиција, нас ни се одзема можноста да учествуваме на таа средба, и подтекстот на ова покана било ние да не учествуваме и средбата да не се одржи. Како и да е, без оглед на ова ние посакуваме Тркалезната Маса на Парламентарните Албански Партии да продолжи, како инструмент за координација на албанските ставови во Република Македонија, и во иднина да се надминат ови пречки.

За крај, уште еднаш ве повикаме кратко и јасно „Или Насер Зибери Премиер, или одете во опозиција„

На 2 септември во Вашингтон средба на српски и косовски претставници

На 2 септември во Вашингтон ќе се одржи средба на претставниците на Србија и Косово на покана од специјалниот американски пратеник за преговорите, Ричард Гренел, кој утрово на твитер ја објави информацијата за тоа.  

Веста ја потврди на фејсбук и косовскиот премиер Авдулах Хоти со најава дека во Белата куќа ќе се разговара за теми од областа на економијата, кои, според него , „ќе ја сменеле економската перспектива на Косово и на регионот“. благословени сме што имаме такви пријатели напиша Хоти на Фејсбук.

Претседателот на Косово, Хашим Тачи на Твитер ја поздрави поканата од Вашингтон за Приштина и Белград, меѓутоа не кажа дали и тој ќе учествува на неа.

И српскиот претседател Александар Вучиќ потврди дека ќе учествуваат на средбата во Вашингтон, истакнувајќи дека ќе се разговара за економски теми кои се важни за Србија.

притисни ентер